MQabbani, Minds Talk

مسلسل باب الحارة الجزء 3 الحلقة الاخيرة , الأخيرة

Or link here

كيف الحال؟ و شو الأخبار؟

الي زمان ما كتبت شي, اوضاعي غير مستقرة نوعا ما , و كل ما اجي بدي كتب شي ببطل , او هي خلص ما بعود جاي على بالي

رمضان تمام التمام الحمد لله , عم بمر اليوم بسرعة و شي ظرف :( للأسف صرنا بالعشر الأخير يعني رمضان عم نودعو ,

و العالم برمضان مشغولة كل العادة بكل شي , من شو تعمل على الفطور ,وين بدها تسهر و مسلسل باب الحارة الجزء 3 4 5 6 و ابو حاتم و ام حاتم , و جميلة و معتز الأبضاي و و كل الشلة , من العقيد ابو شهاب ل المشكلجي ابو غالب

و بما اني شامي , ف ما صفي حدا إلا و سئلني ليه موتو ابو عصام ؟ شو في شو صاير؟ كانو انا الموفوض او المندوب !! يعني كل عادة بتكون شغلة مصاري …
على العموم لازم نحن ننتقد كل شي و ننكش عيوبو أول بعدين اذا صفي وقت منشوف الحسنات , كل يلي انتقدو باب الحارة مسكو موضوع المرأة و انه حقوق و ما حقوق و رجعية و تخلف , طيب شو رأيكم انه هاد مسلسل عن تاريخ قديم ؟؟ يعني انه فعلا هيك كان اكتيير اشياء خاصة للمرأة هيك كانو فعلا بشكل عام و في ناس بالشام مازالو على هالعقلية مابعرف ليه محملين المسلسل فوق طاقتو !! وانه حقوق المراة , بدي افهم ليه كل ما يطلع شي بوضح سلطة الرجل على المرأة , بصر تخلف و رجعية!!!

يعني تركو انه كانو يدعمو الثوار , وانه كان يقامو الإستعمار , وانه كانو على بعضن و يسترو على بعض و يعرفو احوال بعض و يساعدو المحتاج فيهم ,وانه كلمة الكبير ما بتصير تنتين يعني مثابة ولي الأمر , و الغريب لما بكون بالحارة لازم يكون له سبب مقنع و بصير داسوس و غير مرحب فيه , يعني مو متل هلأ صرنا بأحياء ما بتعرف شو أسم جارك او شو بشتغل, و الواحد بيموت جاره بالحارة بيعرف بعد اسبوع اذا مو شهر , و الشاطر هلأ يلي بروح ببلغ عن جاره و بشك اسفاين

بالنهاية المسلسل ما دس افكار غربية ولا افكار جديدة علينا مو أحسن من مسلسل نور و مهند يلي عمل كوارث اخلاقية بين الشباب و خلافات زوجية صعبة !! ولا هلأ الكل صار متحضر و بفهم يخزي العين و نسي انه جده كان يحمل سته مسؤولية انه المولود بنت !! وانه جدك و جدي كانو ما يخلو نسوانهم يطلعو من البيت بدون سبب قاهر وانه المرأة مكانها بيتها! و انه الأب رجال البيت و كلمتو ما بتصير تنتين ! هيك كانو عايشين , والمسلسل ما جاب شي من بيت اهلو

ما بحكي انه المسلسل كامل بس إلو ايجابيات و اله سلبيات , بس انا شايف ايجابياتو اكتر بكتير من سلبياتو

و هلأ صار عيب انك تتفرج عليه للمسلسل !!
بتبابع باب الحارة ؟
يعني
يازلمة مسخرة , انا مش عارف الناس ليه حابينو ؟
زوقهم صعب شو بدك تعمل انه بس يطلع غمض عيونك بكون احسن

بصراحة عجبني التفاعل بالنسبة للموضوع السابق و يلي ما كنت متوقع هيك . على العموم يلي مالو عرفان ليه الناس مهتمه ب المسلسل التركي نور و قبلو باب الحارة بدي حط مقطتفات من اكتر من حوار شي صار معي و شي مع معارفي و انتو بتعرفو ليه الناس و خاصة النساء عاجبهم المسلسل و منشدين إلو

——————-
متزاعل مع زوجته رايح يجيبها من بيت اهلها
انا: يا زلمة خدلك بوكيه ورد معك
الزوج : نعم؟؟ ليه يعني
انا : هيك حركة حلوة منك
الزوج: شو شايفني طنط ولا هبيلة
———————
متزاعل مع زوجته و إلها شهر ببيت اهلها
أنا: يا زلمة والله عيب عليك انته الغلطان و فوق هيك منطنشها
الزوج: هي طلعت لحالها , زي ما طلعت من بيتها بترجع و رجلها فوق راسها
أنا: بس انته الغلطان معها
الزوج : انا حر , و الباب بفوت جمل
——————-
هي: بتعرف انه ما عمرو حالكي بحبك
أنا: عنجد ,ممم اديه الكم متزوجين
هي: سنتين
أنا : يمكن لأنه الكم فترة مع بعض و هيك عادي يعني
هي : لأ ما عمره حكاها , بحكيلي انه انا لازم احس فيها و بس
——————–
في عيد ميلادها
الزوج : اليوم عيد ميلاد المرا
أنا : طيب شو بدك اتجيبلها
الزوج: شو بدي اجيبلها يعني !!
أنا : ممم مثلا مثلا هدية صغيرة حلوة
الزوج: شو شايفني مراهق
أنا : لا بس مو لازم تجيبلها شي
الزوج : بدي اجيب عشا جاهز
انا : واو
—————-
الزوجة : مش لو بتخفف من الشعر يلي تحت عينك
الزوج: عفوا؟؟
الزوجة:يعني شوي هيك منظرهم بخوف ( الطف من بقرف )طوال اكتير و سود
الزوج : حرام , و شو شايفتيني انظف شعر من وجهي !!!!!
الزوجة: أسفة مو ئصدي
—————-
الزوجة : خلينا نطلع هيك و نعد بحديقة او مكان في عشب و هيك
الزوج: مش فاضي
الزوجة : طيب يوم الجمعة , هيك ابو نص ساعة
الزوج : كبري عقلك يا مرا , صار عنا ولاد وبدك تطلع على حديقة تقعدي
الزوجة : بس
الزوج: خلص مافي داعي , بدي انام
——————–
ماشين بالشارع و الزوجة بتحاول تمسك ايد زوجها
الزوج : مالك ؟؟؟
الزوجة : ولا شي عادي ما بصير امسك ايديك!!
الزوج : لأ طبعا شو بنت زغيرة امسك ايدك!!
———————
الزوجة : حبيبي جبلتك هدية
الزوج : ليش ؟؟
الزوجة : هيك شفتها و عجبتي و حبيت اجبلك ياها
الزوج: شو هية
الزوجة : عطر فرنسي
الزوج : و قديش حقو ؟
الزوجة :انسى
الزوج : لأ بدي اعرف احكي
الزوجة : 15دينار( السعر 35 بس مشان وقع الصدمة )
الزوج: على شووو كل هاد عشان قزازة عطر , واااال , ما انا بجيبها بدينارين من عند ابو السعود, 20 دينار لا حول ولا قوة إلا بالله ما بتخافي الله
الزوجة: هي مرة بالعمر (و تندم على الساعة يلي فكرت انها تشتري شي )
الزوج: مش لو جيبتي فيها اشي مفيد احسن لك, نسوان عقلكم صغير
—————–

و أمثلة كتيرة , يلي عم بشوف المسلسل و الرومنسية و الحكي المعسول و الدلع و و تشوف انه زوجها بأبسط الامور ما عندو حس الإحساس قبل الرومنسية , او خلينا نحكي اللطف بالحكي على الأقل اكيد بدو يعجبها هيك مسلسل و هيك حركات

و قبلو باب الحارة , يلي الرجل بغار على مرتو و المرة بتصون بيتها و الكلمة الرجال ما بتصير تنتين و العالم حست انه هاد الشي ناقصها لأنه لسا في رجال ترجو نسوانهم انه تطبخ لهم

ف بظن انه هيك مسلسل طرب على الوتر الحساس يلي اغلب الرجال بالوطن العربي ماعندهم حس في

مسلسل نور و سنوات الضياع

سؤالي بسيط , يعني ماشاء الله هلأ اغلب الشباب و الصبايا يلي بتدّون ما بتابعو المسلسل؟؟؟ يعني صرت قارئ مواضيع اكتير عنو انه ليه العالم بتابعو و و , طيب يعني معلش يعني بفهم انه اكتيير من ما بتابعو ؟

على العموم عملت مجموعة على الفيس بوك لمجرد معرفة عدد غير المتابعين للمسلسل و امرو احصائية اخرى

لينك للمجموعة و هي مفتوحة لأي حدى يشترك فيها

Allah yer7am Amman Channel Two , i used to watch every thing there …..

Will Smith - Fresh Prince Of Bel Air Theme Song Lyrics

Now this is the story all about how
My life got flipped, turned upside down
And I’d like to take a minute just sit right there
I’ll tell you how I became the prince of a town called bel-air

In west philadelfia born and raised
On the playground where I spent most of my days
Chilling out, maxing, relaxing all cool
And all shooting some b-ball outside of the school
When a couple of guys said “we’re up in no good”
Started making trouble in my neighbourhood
I got in one little fight and my mom got scared
And said “you’re moving with your aunte and uncle in bel-air”

يعني مجموعة اخبار غريبة

مهرجان جرش اتبهدل هالسنة على حساب البترا و الدعاية الفاشلة , و انا بألكن ليش كمان لنقلة مجمع العبدلي مجمع الشمال , لأنه العالم انعجقت و بطلت تعرف شلون بدها تطلع على جرش و عم يعملو حفريات الله يجبر بخاطرها ورزاة الأشغال ,
—————————

اليوم عم اقرا كمان هون

قرر مجلس التعليم العالي في جلسته أول من أمس الموافقة على إلغاء البرنامج المسائي في الجامعات الأردنية الرسمية وذلك اعتباراً من مطلع العام الجامعي 2007/2008 وأسس القبول للطلبة في الكليات الجامعية المتوسطة للعام الجامعي وأسس التجسير بين الكليات الجامعية المتوسطة والجامعات الاردنية للعام الجامعي 2007/2008. ء

يعني مافي حدا يشتغل و يدرس بجامعة رسمية , بدك بتروح على جامعة خاصة , سبحان الله اديه بعرف شباب استفادو من المسائي بالجامعة الأردنية …الله بعين
————————–

, قناة اردنية مستقلة , ان شاء الله تغطي النقص الإعلاني و الضعف يلي بالأردن فكركم بتزبط ؟؟

الخبر هون
تبدأ قناة
ِATV

غدا الاربعاء بثها الرسمي كأول قناة أردنية خاصة مستقلة أرضية وفضائية، بعد مرور 15 يوما من اختبار إشارتها على قمر النايلسات، استعدادا لانطلاقتها الفعلية.

إلى ذلك، تعقد إدارة القناة ظهر اليوم مؤتمرا صحافيا تقدم فيه عرضا تفصيليا لسلسلة واسعة من البرامج التي ستعرض على قناة atv
بما فيها من البرامج الثقافية والترفيهية والنشرات الإخبارية وبرامج القضايا العامة والبرامج الرياضية وبرامج الأطفال.ءوستركز قناة
atv،
التي يعمل فيها 330 موظفا، على السوق المحلي، رغبة من إدارتها في ملء فراغات في المشهد التلفزيوني المحلي.

اتنمى ذلك من كل قلبي

———————–

هلا عم اقرا عند جانو نقلا عن العربية نت نانسي عجرم متهمة بسرقة شخبط شخابيط

وقال المنشد عيد السعود إنهم بصدد رفع دعوى قضائية ضد عجرم لأنها تسببت بحرج لهم أمام جمهورهم الذي ظن خطأ أنهم سرقوا فكرتهم من عجرم والحال أنهم طرحوا شريطهم قبل ظهور كليب نانسي بنحو عام، بحسب تقرير نشرته صحيفة “عكاظ” السعودية الاثنين 30-7-2007.

واعتبر المنشدون الاتهامات التي وجهت لهم مؤخراً باقتباس فكرة نانسي عجرم لا صحة لها، لأن فكرتهم التي ركزت على توجيه رسالة تربوية للمجتمع حول ظاهرة الكتابة على الجدران طرحت في شريطهم قبل نحو العام فيما لم تسجل عجرم الكليب سوى مؤخرا.

وأضاف السعود أن فكرة “الشخبطة” قديمة نفذها مع زميله المنشد حامد الضبعان، الذي ألف الكلمات ووضع إيقاعاتها وفوجئ بعرض كليب عجرم على عدة قنوات فضائية. وأوضحى أنهم لن يرضوا الا باعتذار علني من عجرم باقتباسها النسخة طبق الأصل