Archive for the 'Transportations' Category

فرق الاسعار بين دمشق-سوريا و عمان-الاردن

Published by Qabbani on 10 May 2008 in Amman, Arabic, Damas, Form there, General, Information, Jordan, Jordan's :), Knowledge, Market, Media, Stuff, Syria, Thought's, Transportations, community, life, news, tourism and travel. 12 Comments

فرق الاسعار بين دمشق-سوريا و عمان-الاردن
يمكن هاد الموضوع ببين وجة نظري للموضوع السابق تبع ارتفاع المحروقات في سوريا
هلا مشان اتكونو بالصورة متوسط الرواتب في سوريا 222 دولار , و في الإردن “معدل الفقر 700 دولار, والحد الادنى للرواتب هو 170-200 دولار و معدل الرواتب 400 دولار , الدينار يساوي 1.41 دولار , في المقابل الدولار يساوي 45 ليرة سورية
زيادة الرواتب في سوريا 25 % , بينما في الإردن الحد الأعلى لزيادة هو 70 دولار مهما كان الراتب
في المقابل الموظف الإردني يدفع
16% ضريبة مبيعات -تقريبا على كل شي بشتري
20% ضريبة دخل سنوية
ضرائب اخرى و فلوس اخرى , فلس الجامعات, رسم التلفزيون , دعم الجامعات , …. ألخ
بعد أخر رفع اسعار للمحروقات الأسعار هيك صارت
البنزين دمشق : 17.7 دولار للتنكة (20 ليتر)
البنزين عمان :19.7 دولار
السولار(المازوت) دمشق : 11.1 دولار للتنكة (20 ليتر ) السعر الحر , و 4 دولار لتنكة لسعر المدعوم
السولار في عمان : 16.9 دولار لتنكة
انبوبة الغاز دمشق : 5.5 دولار
انبوبة الغاز عمان : تقريبا 9 دولار و المفروض انها اتكون 10 دولار
ببلش بأسعار المواصلات العامة

Continue reading ‘فرق الاسعار بين دمشق-سوريا و عمان-الاردن’

Sphere: Related Content

أخبار الجرايد ناقصة

Published by Qabbani on 4 May 2008 in Arabic, Damas, Days, Form there, General, Media, Shamٍ, Stupid, Syria, Transportations, alghad, community, life, news, tourism and travel. 8 Comments

مقال بجريدة الغد بحكي في عن إرتفاع (المازوت) السولر الديزل في سوري اليوم من 7 ليرات سورية إلى 25 ليرة سورية يعني التنكة من 210 ليرة ل 500 ليرة, بالإردني يعين من 3 دنانير إلى7.5 دينار , طيب هلأ هنن هيك تقريبا كاتبين و بأخر سطرين كتبو

“وزعت سورية قسائم خاصة على الأسر السورية تسمح لها بشراء ألف ليتر من المازوت سنوياً بسعر مدعوم يبلغ تسعة ليرات سورية.”

طيب ليه ما يحكو هيك من الأول يعني ولا خايفين العالم تحكي شوفو سوريا شو بتعمل , صحيح رفعو سعر المازوت بس دعمو الشعب بطريقة معينة صحيح انه حتى بهي القسائم بصير في لف و دروان و ناس بتحصل و ناس لأ , بس يا بتحكو الخبر كامل يا لا تحكو بالمرة احسن , يعني اي مواطن سوري بطلعلو ألف ليتر سنوي بسعر 9 ليرات للتر يعني يلي بتأثر بهاد الغلا المواصلات العامة , طبعا الخبر مالح يتأثر على الحكي , و حسب جريدة تشرين اليوم تم رفع رواتب الموظفين 25% بمرسوم جمهوري

“صدر السيد الرئيس بشار الأسد المرسوم التشريعي رقم 24 للعام 2008 القاضي باضافة زيادة قدرها 25 بالمئة الى الرواتب والاجور الشهرية المقطوعة للعاملين المدنيين والعسكريين في الوزارات والادارات والمؤسسات العامة وشركات ومنشآت القطاع العام والبلديات ووحدات الادارة المحلية والعمل الشعبي والشركات والمنشآت المصادرة والمدارس الخاصة المستولى عليها استيلاء نهائيا وما في حكمها وسائر جهات القطاع العام.”ر

هلأ المشكلة مو برفع لأنه اصلا سوريا تأخرت برفع الأسعار , لأنه يلي عم بصير مو بس على دولة و دولتين على العالم كلو ف رفع اسعار المحروقات متوقع و شبه مفروض , بس يعني كل دولة إلها سياستها … ك

على العموم شباب عندي ألف ليتر بسعر كويس حدا الو مصلحة ؟؟ بس ادفع مواصلاتهم واصلين لتنك عندك ههههه

Sphere: Related Content

لك شو حظ

Published by Qabbani on 23 April 2008 in Arabic, Damas, Days, Personal, Transportations, tourism and travel. 28 Comments

مرحبا , لقد عدنا إلى ارض الكفاح و العمل , الاردن العزيز

بس شو اعمل لك انان حظي دمااار تحطيم شي خرافي , يعني مو معأول كل ما سافر لازم و يجب يصير شي لطيف يعمل جو لزيز لسفرة

الخلاصة :

اليوم رجعت بالباص , اعد جنبي شب “غريب” سبحان الله مابعرف حسيت اه غريب هالإنسانت حركاتو نظراتو , اعد ساكت و عادي اكتير , و عم يتصرف بهدوء زايد

المهم عم اطلع عليه لقتو عم يقرأ كتاب اطعلت على العنوان لقيتو الديمقراطية و حقوق الإنسان , لما شفت هيك الت أيواااااا
الباص بوزع علب عصير عطاني انا 2 بما انه اعد على الطرف امت عطيتو وحدة ألتلو تفضل: بكل عنّف أل لأ لأا شكرا اكتيير مافي داعي شكرا ,

رديت عليه التو هي ضيافة البااص , اخد العلبة و لسا ما درت وشي كان شربانها وصلنا على الحدود الإردنية و صف الباص و ضل صافف , و لسا واقف , و ما عم يتحرك , شو في يا جماعة, ال في واحد عليه مشكلة و حجزو جواز سفرو و مالح يخلو يمرا …. ايواااا عليكم نور ,هو الشب يلي جنبي , من هون لهون و شي ساعة و نص انتظار اجا و معو روقة عبور و مراجعة مركز امن , … ايه ايه شو بدنا نعمل و الزلمة طول الطريق و هوة صافن بهل الموبايل و الشباك و عم يرجف …. الله يعينو , على فكرة جواز سفرو اردني

سفرتي كانت جيدة و ممتازة الحمد لله :) ما عدا

الأنترنت المنزلي بسوريا رااااااااااااااااااااائع يعني لما بتكبس على لينك بتحس فعلا انك عم تطلب صفحة من عالم الانترنت وانه الجهاز عم بحملها بايت بايت و جمعهم و يعطيك الصفحة كاملة .. يعني شغل متقن ماشاء الله

الأسعار قريبة من اسعار عمان , الإختلاف بالتنوع و الجودة

حضرت معرض الويب أي تي سوريا ... جميل في شغلات لطيفة بس شبه فاشل
حضرت معرض ملتقى المعلوماتية في كلية الأداب في جامعة دمشق : ضعيف إلى فاشل جدا جدا مع تخلف جامعي و مستوى غبي و ليس بالجدير ان يكون معرض على مستوى جامعي اطلاقا

في كمان شغلات لبكرا … نهاركم سعيد

Sphere: Related Content

خطوات ما قبل السفر

Published by Qabbani on 25 March 2008 in Arabic, Chat, Damas, Days, Form there, Fun, Funny, General, Knowledge, Shamٍ, Smile, Syria, Transportations, comment, learn, memories, tourism and travel. 14 Comments
أولا:
تأكد من الأوراق اللازمة للسفر (جواز السفر , تصريح …. ألخ ) و خاصة ان كنت تسافر ب حافلة مع 44 شخص غيرك
يعني : لما ضلينا ملطوعين على الحدود من 10-1.30 ساعة و نص زحمة حدود و الباقي مشان تنين معن تصاريح سفر و أوراق ناقصة و ممنوع يدخلو و مدري شو , مدري شو قصتن المهم شغلة اوراق , وانا المفروض كون بشام على 12.30 .. ااااااااااااااخ بس
ثانيا:
تأكد من اسعار صرف العملات بنسبة لعملة بلدك او للعملات العالمية متل اليورو و الدولار , حتى لا تحرج نفسك !!
يعني :
يلي صار انه المجموعة ما غيرها , في احد الإستراحات عم تصرف دينار اردني لدينار سوري , صرفت ال 50 دينار ب 3100 ليرة سورية يعني الدينار 62 ليرة سورية , البنت صرخت نوعا ما و عصبت و قالت عنهم نصابين و انه مش معاول هيك يعني انا “كنت” اصرف ال 100 الدينار ب 7000 ليرة(طبعا اخر مرة كان الدينار 70 شي من 7 اشهر ) هلأ بعطيني 3.1 يعني 6.2 ,يعني شو هاد ايه استغلال و حرامية … مع انه سعر الصرف بنسبة للبنك هوة 63 ليرة يعني الزملة ما ضحك عليها ولا شي بس هي مالها عرفانة شي مفكرة انه العملة بضلها ثابتة  , و معروف الإستراحات بعطو سعر اقل ب ليرة عن البنك , و الحلو بالموضوع انه المجموعة كلها حاسبة حساب ال 100 دينار 7000 ليرة  وهي فعلا بهداك اليوم  6200…
ثالثا :

Continue reading ‘خطوات ما قبل السفر’

Sphere: Related Content

Jordan The Country (BAJO#1)

Published by Qabbani on 12 March 2008 in Amman, EN, Form there, Information, Jaresh, Jordan, Jordan's :), Map, Media, Transportations, english, news, tourism, travel and web. 7 Comments
Jordan Flag
Geography

The Middle East kingdom of Jordan is bordered on the west by Palestine and the Dead Sea, on the north by Syria, on the east by Iraq, and on the south by Saudi Arabia. It is comparable in size to Indiana. Arid hills and mountains make up most of the country. The southern section of the Jordan River flows through the country.

Government

Constitutional hereditary monarchy.

Continue reading ‘Jordan The Country (BAJO#1)’

Sphere: Related Content

Pissed offff lets say Maaaaaaaaaa3

Published by Qabbani on 8 February 2008 in Amman, Days, EN, General, Jordan, Jordan's :), MOODS, Thought's, Transportations, WORK, community, english and news. 7 Comments

Yes today officially the Oli prices in Jordan raise and many things happen in this Sweet nice Cool great memorable day

Thanks for Hani for the price table

the prices are in canisters (20Liters):

Type Old
Price
 New
Price		 Notes
Gasoline- Regular 8.6 11.5 (33.7%) To be replaced by
Unleaded/90
in two weeks
Gasoline Super 12.1 13.2 (9.1%) To be replaced by
Unleaded/95
in two weeks
Gasoline - Unleaded/92 12.8 13.2 (3.1%) To be replaced by
Unleaded/95
in two weeks
Diesel (Heating Fuel) 6.3 11.1 (76.2%)
Natural Gas 4.25 6.5 (52.9%) To be revised
end of March

Continue reading ‘Pissed offff lets say Maaaaaaaaaa3′

Sphere: Related Content

شو مشان العجئة بالبرد!!

Published by Qabbani on 26 January 2008 in Amman, Jordan, Market, Markting and Sells, Taxi, Transportations and WORK. 22 Comments

صباح الخير!

طبعا الطل بيعرف الأوضاع الجوية السائدة في المملكة الفترة الماضية ! يلي بصراحة اكتير مزعجيني و كل مرة بصير , هو وين المشكلة بالبرد و المطر و التلج؟؟؟ في مشكلة فيهن ؟يعني ليه العالم بتجن وقت المطر و التلج !!

ليه المحلات بتسكر بسرعة , و العالم بالضوووج وكلو فوق بعضو , و عجئة و اكتيير شغلات بتلتغى مواعيد ,زيارات, مدري شو وكل ما تحكي مع حدا بإلك برد , الجو , ما انته شايف , يعني هلا اذا نزل تلج الكل لازم يسكر و يهرب , علما انه التلج ما بجمع اكتر من 10سم هاد اذا جمع!!!!!!!!ء

شو مشان انه في شي غلط بمخ الناس !!! يعني مو هيك

صاحب شغل قال: والله ما انته شايف كيف الجو , خلص , خليها لوقت تاني منشوفك على رواق و دفى (علما انه بشركة فيها تكييف و تدفئة و على شارع رئيسي و الساعة كانت 12 الضهر )

شوفير التكسي : شوارع مي (استنتاج فظيع خارق لما يكون جو مطر و يحكي هيك) و فش حركة الواحد يروح يصف سيارتو و ينام بالدفى احسن , وعلمك مصورفها بزيد بشتى و منيح يلي منلاقي ركاب , وانا منيح مني يلي شغال بهيك جو مفكر اروح اصفها على بابا الدار و اقعد مع الأولاد احسن من هلقرف

و الشوارع بتفضى والأسواق بتسكر , و العالم بتختفي , مو من قليل الكهربا ما بتتحمل الكل بركض على بيتو , تلفزيون و اكل و دفاية , كل هلعالم

Continue reading ‘شو مشان العجئة بالبرد!!’

Sphere: Related Content

قيادة السيارات في عمان

Published by Qabbani on 1 August 2007 in Amman, Days, Form there, General, Jordan, Taxi and Transportations. 7 Comments
و تزكرت الأمثال و الأقوال المتداولة بشارع من سائقي العمومي والخصوصي ويلي تثبت نظرية انه المشكلة شغلة وقاحة
———–
“لأولوية للأصفر , يعني لتكسي “ رواية سائق تكسي ”
والشارع ملك الدولة وانته مادخلك ” رواية سائق سرفيس عمره 60 سنة “و لما بتسوق لازم تتطلع قدامك وما الك بيلي حوليك “ماخد السواقة بشكل جدي جدا ”
لا تسرع يا بابا نحن في انتظارك “ بوستر من كازية و مغسلة ” ء
و يلي بكسر عليك الحقو بالسيارة و شل **** “زلمة و قد حالو ” ء
فاردة العزا عيب تطلع عن سرعة 40
و بفاردة العرس عيب ما تسكر الشارع ربع ساعة على الأقل حتى لو كان شارع رئيسي
الأولية لشاطر ” سائق زعرة ” زعرةهي بي ام دابليو شغل 1970 و اشي
اليسار للأقوى , واليمين للعوايات , العوايات مصطلح يستخدم لتعبير عن الشطب او يلي سلامتك ولا حبة التعبان
وقف و طلع الراكب لو انه لاحقك صاروخ و وراك موكب “رواية سائق باص كوستر “ء
 تجاوز عن شمالها  عادي  ” السائق شب”ء
و غيرها
… عادي القيادة زوق و فن و اخلاق (بس بلاش ) ء

Sphere: Related Content

أستعدو للأزمة السير في عمان

Published by Qabbani on 21 July 2007 in Ad, Amman, Jordan, Stuff, Transportations, abdali and ِammaneh. 14 Comments
المفروض انه تم افتتاح مجمع سفريات الشمال في منطقة شارع الأردن بديلا عن مجمع العبدلي بكامل محتوايته

اكتر حلو وممتاز و الله يعطيهم العافية , بس لما قرأت هاد الحكي صفنت والت الله يستر هيئة تنظيم المواصلات و أمانة عمان !! كرمال الله شو عم تعملو !!! يعني والله بحب عمان اتكون منظمة و مرتبة و احسن شي , بس مو هيك !!

ستسلك السيارات القادمة من منطقة شمال المملكة شارع الأردن للوصول إلى المجمع بدلا من شارع الملكة رانيا العبد الله (الجامعة سابقا).
وتسلك السيارات القادمة من محافظة البلقاء ومناطق عمان الغربية شارع الشهيد بواسطة دوار المدينة الرياضية، في حين تسلك السيارات القادمة من مناطق جنوب عمان (مادبا، المطار، الوحدات) نفق ميدان جمال عبد الناصر (دوار الداخلية) مرورا بشارع الاستقلال حتى المجمع.

شو رأيكم ؟؟؟
يعني يلي بشوف دوار المدينة و دوار الداخلية بالأيام العادية بحاول يتجنب الوصول اله بعتباره نقطة سوداء لأنه ازمة من كل الجهات , يعني هنن خففو ضغط من جهة و لحشوها على الجهة التانية ولا شو ؟!!!!!!!!!!!!!!!! مابعرف بس عنجد مالي متفائل بنوب , حاسس انه رح اتصير بهدلة مرتبة , الحلو مو بس يلي بطلع مواصلات رح يتبهدل هههههه و يلي معو سيارة كمان

شوب , و عبءة , و شمس , و زحمة سير , يا عييييييييين نشاط و حيوية بكرا منشوف و المي بتكزب الغطاس , ان شاء الله يطلع توقعي غلط و يكون كل شي 100% و الناس مرتاحة و مبسوطة

طبعا المفروض لأجرة ما ارتفعت , ولا حتى مبين خط سرفيس العبدلي شلون بدو يمشي , بس للإحتياط يلي بطلع بالمواصلات من هنيك يعمل حسابه ساعة زمن ابكر على الأقل مشان يوصل على الوقت

نقطة صغيرة , الأعلان لنقل المجمع تم الإعلان عنه بالجرايد قبل يومين و مرة وحدة بالإذاعة , غريب لو حطو لوحة متل لوحات الإنتخابات بالمجمع انه رح ينتقل كان الناس عرفت , خاصة انه يلي بطلع مواصلات ما بسمع راديو اكتير و مو الكل بقرا جريدة
لهلا عم حاول افهم شلون بتخدو قرارات و بتصرفو ما مابعرف , ومشان الحلال والحرام الجماعة عملو دراسة قبل ما يحطو عي الخطة !!