Yes I am in Damas ,
the weather is nice and evey thing is going cool so far
seeing my lady give me more power, also theres some bussiness offers and deals must be done….
so far 3 fights , 2 hot arugement ….
traffic is so bad , it take me like 20-30 min at least to catch an empty one…
now am walking in Baghdad St. and Damas air is always Diff. and changed my mood
keep smile every one :) and have a nice sweet day
صباح الخير!
طبعا الطل بيعرف الأوضاع الجوية السائدة في المملكة الفترة الماضية ! يلي بصراحة اكتير مزعجيني و كل مرة بصير , هو وين المشكلة بالبرد و المطر و التلج؟؟؟ في مشكلة فيهن ؟يعني ليه العالم بتجن وقت المطر و التلج !!
ليه المحلات بتسكر بسرعة , و العالم بالضوووج وكلو فوق بعضو , و عجئة و اكتيير شغلات بتلتغى مواعيد ,زيارات, مدري شو وكل ما تحكي مع حدا بإلك برد , الجو , ما انته شايف , يعني هلا اذا نزل تلج الكل لازم يسكر و يهرب , علما انه التلج ما بجمع اكتر من 10سم هاد اذا جمع!!!!!!!!ء
شو مشان انه في شي غلط بمخ الناس !!! يعني مو هيك
صاحب شغل قال: والله ما انته شايف كيف الجو , خلص , خليها لوقت تاني منشوفك على رواق و دفى (علما انه بشركة فيها تكييف و تدفئة و على شارع رئيسي و الساعة كانت 12 الضهر )
شوفير التكسي : شوارع مي (استنتاج فظيع خارق لما يكون جو مطر و يحكي هيك) و فش حركة الواحد يروح يصف سيارتو و ينام بالدفى احسن , وعلمك مصورفها بزيد بشتى و منيح يلي منلاقي ركاب , وانا منيح مني يلي شغال بهيك جو مفكر اروح اصفها على بابا الدار و اقعد مع الأولاد احسن من هلقرف
و الشوارع بتفضى والأسواق بتسكر , و العالم بتختفي , مو من قليل الكهربا ما بتتحمل الكل بركض على بيتو , تلفزيون و اكل و دفاية , كل هلعالم
يعني حاولت , و قاومت اني ما احكي او علق او بربر على حدا , بس فشلت و ما طلع بإيدي, لك لعمى على هالقصة , المفروض انه نحنا بشهر فضيل و متعودين عليه حتى يلي دينو نص كم بصوم , او بياكل هوا و ما بإرجي حالو انه فطران , يعني نواعا من الأحترام , الحيا الخجل تمسيح الجوخ شو ماكان ,بس انه مو ادام الناس والعالم , لك و الله لهلأ بتذكر ايام المدرسة كان عندي شي اربع رفئات يا خمسة مالن مسلمين و بدخنو , والله العظيم ما صدف انه في واحد منن برمضان اكل او دخن ادامنا , لعمي على هالقصة ,
اتصل زبون معي اليوم , عنده مشكلة على السيسم ,تبعو والطابعة و حملت حالي و رحت لعندو , اخو اعد بالمكتب و نازل على حشيش عم بدخن و يشرب نسكافيه المصيبة مو انه يبعد عني لأ اعد فوء راسي يدخن حسبي الله و نعم الوكيل
بتطلع مع شوفير تكسي سيارة دخان و معلق ورقة اد راسو تحت المراية مكتوب عليهامن يتق الله يجعل له مخرجا ويرزقه من حيث لا يحتسب
واحلى نهفة ,واحد من هالشباب ما عم يصوم , يا ابني ليه ؟ ال هو صلاة ما بصلي ليه ليصوم ؟ بعدين بحس حالي منافق ؟
التلو يمكن لأنه الصيام بخليك تستحي على دمك و تصلي و تاخد رجلك على الصلاة و تصير تصلي على طول او يمكن لأنه لازمك شي بينك و بين ربك لو شو ما كان
ال اي هوة اذا بدو يصوم , لازم يكون صح 100% صلاة المسجد , و قيام ليل, و حفظ قران , و عبادة , غض بصر و و , بعدين ,بصوم
ههههه, اي طول بالك عمو, مافي شي بجي هيك مرة وحدة اول شي بتصلي و بتقطش فرض ايه 10 لأ , بعدين بتصير تصلي 10 ايه و تقطش واحد 2 بعدها بتصلي فرض بالجامعة بعدها 2 وبعدا كلن , هيك الشي بصير خاصة اذا مالك متعود على انك تصلي , مافي شي بجي مرة وحدة كلو بالتدريج بصير, اما تألي انا ما بصوم لأني ما بصلي و ما بصلي لأني بعمل اشياء اكتير ما الها دخل بالدين و بحكي مع بنات , و و , اي سيدي , اذا ما مشيت خطوة لأدام ولا بعمرك بتصير زلمة
الصلاة حتى لو مع معاصي بضل صلة وصل بينك و بين ربك و معها معها و اهتمام اكتر فيها بتصير تساعدك على انك تترك المعاصي اما هيك مهوي على الأخر و مقتنع انه على معصية و مابدك تعمل شي إي لا تخنتااا
مابعرف الناس يا حابة اتكون متل صحابة الرسول عليه السلام, يا اما متل ابو جهل , اما انه يحاولو يزبطو وضعن لاتعجز مافي حدا فينا كامل ,بس الواحد شي ومنو و معو معو بصير بس اتكون هيك ايد من ورا و ايد من ادام
الله يصلحنا ,المشكلة انه دائما بفترض انه يلي بفطر معذور لسبب انا اجهله او اي شي تاني , بس لما اتكون الشغلة فيها وقاحة غير
و ما ننسى ” اذا بتليتم فستتيروا”ء : يعني الله باليك بشي شغلة استر على حالك
حاولت اكمش حالي اكتر من هيك , انو طول بالي اكتر , و لاقي مبررات , واقنع نفسي انه في ناس غبية سبحان الله بطبيعتها , وانه في ناس ماعندها اخلاق ولادم ولا احساس بغيرها , ولا اي شي من الإكسسوارت يلي بتجي مع البني أدم كمحسنات اداء , و لا عندا شي اسمه دين
و يجي بستفزك بطريقة حقيرةو تحكي معو و بسوء الشرف يلي ما عندو منو و بطول لسانو و بخبص بالحكي وبس تألو روح يا ابن الناس الدنيا صيام , و تمشي تحاول تتفادى و يضل متنح بوشك و يستفزك بزيادة, و تئلو كرمااااااااااااااااال الله حل عني ماني ناقصك , و يألك شو بدك تعمل , شو بطلع بأمرك , و تتغاضى و تمشي وانتي بدون هلواسطة اعدة على نكشة , و يزيد بالحكي و يكبر , اي ما أقدرت :( و انا اصلا من الصبح وضعي مو مزبوط , وفايت بالحيط و عئلي عم بخشش ما أدرت اكمش حالي اكتر من هيك طلع خلقي عليه طالع الدم من مخي لك بدي امعسو معس , ولولا ولاد الحلال يلي اخدو للمتخلف بأخر دئيئة الله بعتهم مدري من وين اجو الحمد لله , اخدو من وشي وإلاو الله العظيم ناوي طالع العئل الشاغوري عليه خلي يعرف شو يعني احترام الناس لعمى بألبو سكتنا ركبني بالحكي , وفوق كل هاد كان عم بدخن بوشي يا الله شو كلب , لك كلو شئفت شوفير حئو فركين ولد , الله لا يوفقه سم لي بدني طول النهار و كان رح يروحلي صيام عليه و طلعت الفشة اخر شي بشجرا ادامي , يا الله ضل بوشي شو كان جاي على بالي فصفصو كنت بأوج الطاقة عندي
الحمد لله مشي على خير , بس الأعراض بضل ارباعشرين ساعة ,
ايدي عم تجعني :( و لسا بدني مسموم من هلحمار يخرب بيت البه شو تنح و متخلف
تكسي , تاكسي, سيارة الأجرة ,تكاسي ,
انا اخرتي شي يوم يجو الشباب يتكفلوني من المخفر من تحت شوفير (سائق) تكسي , لأنه عنجد عنجد سائقي التكاسي بعمان , على “الغالب ” ما بستحو و وسخين و ماعندهم اخلاق و لا شي بالمرة على الشطب , و متأكد شي يوم بدي دئ وواحد فيهم الته مع انه ما بستاهل بس هيك
ولما ستي الله يرحمها كانت لما بدها اتبهدل حدا تألو متل شوفير تكسي , وكان في مثل بحكو بالشام انه تلاتة ما بنعطو “مشان الزواج يعني ” الحلاق , اللحام و شوفير التكسي
ف فعلا شوفير تكسي مسبة , مع احترامي الشديد للسائقين المحترمين , بس الطالح غلب على الصالح
ملاحظات عنهم
معهم شهادات جامعية و مش ملاقين شغل على قولتهم طبعا
العداد ظالم و مالها موفية معهم بالمرة مشان هيك في فوق ال عشرات الألف من التكاسي ,
الشرطة حاطين حطاطهم على مخالفات كلها ظالمة و هم ما عمرهم خالفو و كلو تبلي
حمير حساب , بما يكون العداد 75 قرش بطلع معو دينار و لما يكون دينار و خمس قروش بصير دينار و نص
دائما في ازمة حتى 11 بليل , و لازم ياخدك من شارع الإستقلال او الأردن مشان يلف عمان كلها
كلهم بحبو الحكي وللت و العجن , واذا ما بترد عليه و بتاخد وبتعطي بلف عمان كلها
اغلبهم بدخن او بحشش كمان , واذا بتقلو بدايق من الدخان , بألك معقول ما بدخن ؟
و اهم شي لما تطلع معو مشان يوصلك على مكان بحملك جميلة انه وصلك و انه هو كان رايح يتغدا بس شافك واقف بشمس او المطر حزن عليك و حن و ال حرام خليني وصلو , كأنو طالع معو ببلاش
الأجنبي(خاروف) رقم واحد الصبية (الحلوة ) رقم التنين , والشب الله لايردو بتحمل ,
لما تطلع معو صبية بصير عزابي و لسانو حلو و المراية بتتركز على النص و مابمشي اكتر من 40 على السرعة النظامية
دائما رقمو يا الزجاج الأمامي , يا المراية على الكرسي الخفي مع الأسم المستعار
بالصيف الهم ريحة مميزة إع إع ,
صفاتهم ما بتنتهي , بس عنجد انهم ما بستحو , مع انه بالأردن السيارات العمومية معفية من الجمارك لتكون خدمة للمواطن , يعني العربي السيارة التكسي مو ملك صاحبها
اااخ بس
