The internet cafe i know, show this paper in all the place,
and the funny thing that there’s a guy in the internet cafe smoking daytime, when he told him excuse me no smoking here,
the guy answer : oh sorry I didn’t know it’s not allow to smoke here its the first time for me in your place…………………..
well the cool thing is , the guy is an Egyptian and Muslim and he didn’t know that NO SMOKING in the cafe , Daaaah what about RAMADAN !!!!!!!!!!!!!!
am travel today like 9.00pm
يعني شد الرحال إلى بيت الله الحرام الله يسرها
and i still have ton of things must done , cuz they say it Tuesday , and now its Monday
any way , am not going to be around my blog at least for 10 Days , so dont expect me reply at any comment here for a while , plus your not going see my comment here and there too :)
oh u might see some post schedule to be posted
wish all of u happy days , Smile
and great fasting :D
and for all who ask for pray , i typed it on a paper i hate to forget any one …
يعني حاولت , و قاومت اني ما احكي او علق او بربر على حدا , بس فشلت و ما طلع بإيدي, لك لعمى على هالقصة , المفروض انه نحنا بشهر فضيل و متعودين عليه حتى يلي دينو نص كم بصوم , او بياكل هوا و ما بإرجي حالو انه فطران , يعني نواعا من الأحترام , الحيا الخجل تمسيح الجوخ شو ماكان ,بس انه مو ادام الناس والعالم , لك و الله لهلأ بتذكر ايام المدرسة كان عندي شي اربع رفئات يا خمسة مالن مسلمين و بدخنو , والله العظيم ما صدف انه في واحد منن برمضان اكل او دخن ادامنا , لعمي على هالقصة ,
اتصل زبون معي اليوم , عنده مشكلة على السيسم ,تبعو والطابعة و حملت حالي و رحت لعندو , اخو اعد بالمكتب و نازل على حشيش عم بدخن و يشرب نسكافيه المصيبة مو انه يبعد عني لأ اعد فوء راسي يدخن حسبي الله و نعم الوكيل
بتطلع مع شوفير تكسي سيارة دخان و معلق ورقة اد راسو تحت المراية مكتوب عليهامن يتق الله يجعل له مخرجا ويرزقه من حيث لا يحتسب
واحلى نهفة ,واحد من هالشباب ما عم يصوم , يا ابني ليه ؟ ال هو صلاة ما بصلي ليه ليصوم ؟ بعدين بحس حالي منافق ؟
التلو يمكن لأنه الصيام بخليك تستحي على دمك و تصلي و تاخد رجلك على الصلاة و تصير تصلي على طول او يمكن لأنه لازمك شي بينك و بين ربك لو شو ما كان
ال اي هوة اذا بدو يصوم , لازم يكون صح 100% صلاة المسجد , و قيام ليل, و حفظ قران , و عبادة , غض بصر و و , بعدين ,بصوم
ههههه, اي طول بالك عمو, مافي شي بجي هيك مرة وحدة اول شي بتصلي و بتقطش فرض ايه 10 لأ , بعدين بتصير تصلي 10 ايه و تقطش واحد 2 بعدها بتصلي فرض بالجامعة بعدها 2 وبعدا كلن , هيك الشي بصير خاصة اذا مالك متعود على انك تصلي , مافي شي بجي مرة وحدة كلو بالتدريج بصير, اما تألي انا ما بصوم لأني ما بصلي و ما بصلي لأني بعمل اشياء اكتير ما الها دخل بالدين و بحكي مع بنات , و و , اي سيدي , اذا ما مشيت خطوة لأدام ولا بعمرك بتصير زلمة
الصلاة حتى لو مع معاصي بضل صلة وصل بينك و بين ربك و معها معها و اهتمام اكتر فيها بتصير تساعدك على انك تترك المعاصي اما هيك مهوي على الأخر و مقتنع انه على معصية و مابدك تعمل شي إي لا تخنتااا
مابعرف الناس يا حابة اتكون متل صحابة الرسول عليه السلام, يا اما متل ابو جهل , اما انه يحاولو يزبطو وضعن لاتعجز مافي حدا فينا كامل ,بس الواحد شي ومنو و معو معو بصير بس اتكون هيك ايد من ورا و ايد من ادام
الله يصلحنا ,المشكلة انه دائما بفترض انه يلي بفطر معذور لسبب انا اجهله او اي شي تاني , بس لما اتكون الشغلة فيها وقاحة غير
و ما ننسى ” اذا بتليتم فستتيروا”ء : يعني الله باليك بشي شغلة استر على حالك
بالبداية تنويه انه هاد الحكي ,هو رأي شخصي ,ولا يمس اي شخص معين خاصة
العراقية مشان ماحدا يزعل….
الساعة كانت شي ستة و ربع و انا و صديقي سعيد عم ندور على محل نفطر في , و الله عمى على البي وألت تعى نجرب هاد المطعم و دخلنا , و المطعم كان مليان فوووول ” مؤشر انه المطعم منيح ” , و كان في طاولة فاضية اعدنا و غسلنا
الطاولة طبعا اول ما تفوتو عليها , صحن تمر مجعلك مزبوط من ابو 10 كيلو بدينار مجلتن مشان النضافة على اساس , صحن سلطة سادة و معه نص ليمونه مقابل كل كرسي ,ملعقة “معلق” كبير عن الحجم العادي يلي عنا بالبيت , شوكة و سكين , قنينة ماء ,كاسات(ألن رائحة غريبة طلبنا تغيرن , الن مافيهن شي بس غيرهن ) ومملحة زيت و خل , و علبة لبن , و زبدية مخلل
ونحنا اعدين اكتشفنا انه مطعم عراقي , لما اطلعت على قائمة الأكل , مافهمت غير اكلة او تنتين وتأخر الوقت عن التراجع , و بما انه انه طالعين وبدنا ناكل مسخن و هو الشي الوحيد يلي بالقائمة مناسب انه نطلبه طلبنا لأنه المنسف الأردني ب 8.5 دينار و مالي مصلحة جربو ,
طبعا بغض النظر عن رائحة الأكل , و الصحون يلي كانت تنزل على الطاولة شكلها غريب بمعني الكلمة , لك عمركن شفتو مخلل اصفر هو خيار بس مصفرن و الفلفة يلي معو خضرا!!!!! ؟؟ و بزبدية مع مرقتو يعني بدك تغطس ايدك لتاخد مخلالاية وبطلع طعهما بشبه كل شي إلا المخلل, الشي يلي استطعمت في السلطة وكانت رفيل يعني عبي اد مابدك , المهم , انا كنت مفكر حالي من الناس النادرة يلي بضل ينادي السرفجي مشان يسئل و يطلب وبتفلسف عليه , طلع سعيد بدو سفرجي يضل واقف جنبو يشوف شو بدو على بدل الكاسة , صحن سلطة تاني خبز, ليه طول
, ما سمعنا الأدان , عرفنا انه ادن من الناس لما بلشت تاكل
, نزلو الشوربة شميت ريحتها ماعجبتي سعيد شرب شفة و صار و جه اصفر , نادي السفرجي الو خدو خدو مشان الله , اكلنا السلطة و خبز طابون سخن طيب ربنا الله , و انتظرنا وايدي على البي , انا كل شي بمزح في معي إلا الأكل
, و نحنا عم نشوف صحون فيها رز ب الف لون يعتمره اللحم , رايح جاي , انا احكي لسعيد يا خوفي المسخن يطلع مقلب, المهم وصل المسخن , وياريتو مسخن , صحيح بصل و سماق و شي بشبه الجاج , مالو طعم فخدة و صدر على اساس نص جاجة هي,
اطلع بسعيد و نضحك , اكلنا , و هو يحكي مافي بعد اهل جنين بالمسخن , هاد مسخن هاد , على أولتنا هاد اكل مصخم , اكلنا و بلشت حس بأشياء غريبة تجري في معدتي انجكشن و صابني نعاس , و يا عين شو مخسن شي مصخم رسمي اااااخ , واجا حطلنا صحن في حلو السمنة اكتر من القطر من المنظر ما بسترجي امسكو لصحن ولي بغط على ألبي اي انا حلو عادي يلا يلا اكلو , و بعد شوي جاب كاسة شاي استكانة مع حبة هال في طيب ولله , و سعيد مقطوع من الدخان , طلب من السفرجي سيجارة ,
و نشوف صدورة رز ولحم تنزل على الطاولات و الف واحد ياكل منها طاول عليها شي 30 شخص , ينزلنن صدور و ياكلو ,
المهم في شي اسمه منسف عراقي على قولت السفرجي يا عم يضحك علينا بحطو في رز مشكل مع فاصولياء و بامية و مدري شو , لما سمعت هيك الت عم يجدبها , ف يا ريت يلي بيعرف المنسف العراقي من شو بتكون يطمني لأنه وجعني البي اذا بنحط معو فاصولياء,
اسماء من القائمة
فطور :
مخلمة لحم غنم
جلنفري لحم غنم
كبة حامض
قزاطمة لحم دجاج , غنم
دجاج بالثوم الحامض
—
قوزي على تمن
دجاج على تمن
برغل مطبق بالضلوع
تمن وانواع المرق
ثاجينة على تمن
كص على تمن
تشريبات دجاج
مسخن دجاج
منسف لحم (اردني) ء
منسف عراقي
برياني
في اكتر من هيك بس طلعت الصورة مو واضحة ما عرفت اقرأهن , المهم
يلي بإدر احكي انه الأكل العراقي اخر شي بهتم في شكل الأكل يعني , نحنا لما نعمل اكل منعمله شوية ديكور , رز تحت اللحم بالنص فوقو على جنب , لوز صنوبر , رز بكون متل تله مرتبة اما المناظر يلي شفتها اليوم ….. فظيعة !!!!
و المحل ملياااااااااااااااااااااااان سبحان الله شلون طبيعة البلد و اهلها وكيف اكلن مختلف عنا صحتين وهنا على البن و الله يعيني على هليلة حاسس معدتي بدها تسبني …
الخلاصة : مارح فوت مطعم عراقي ابدا ابدا , ولا عندي استعداد جرب شي انا شامي و مرتاح ومبسوط بأكلنا على الأرباعشرين ايواااا
ايه اللتها لماما , ألتلي لكان , امك عامله محشي هون وانته معزوم برا على أكل مصخم , سخنلك تاكل !!!ء
او انه بإدن ابل الأذان الموحد لمدينة عمان و ما حولها , يعني عمرك ما بتلاقيهم بأدنو مع بعض
بعدين بتسمع شي 5-6 تهاني برمضان و فطور هنيء من كل المساهمين في برنامج رمضان معهم غير شكل “رمضان معنا احلا”
يلي ديكرو الإستديو في ملفت لنظر بدرجة انك تحكي لك شو هاااااااااااااااااااد
و الرائعة التالية , انه برنامج المسابقات فعلا محرز , يعني مجرد ما شبك معك الخط بتألك
عرفت شو ربحت معنا ؟؟
خمسين دينار,
و بسئلو سؤال محير جدا , بحيث اي شخص بجاوب من غير تردد متل
تايتنك( تيتانك ,تيتانيك , نيتنك) بغض النظر عن لفظها , انه هي كانت شو ؟
الخيارات
اسم مدينة
دولة
سفينة !
و بس اتجاوب بتختار باب , مو 1 2 3 لا باب القمر , باب النجمة باب الشمس ولا مدري شو اسمو
يا خسارة ما ربحت السيارة , بس شوفو شو بتربحو
طقم سفرة بقيمة 800 دينار من عند فلان الفلاني
رحلة عمرة من كتب علان الفلاني
مشتريات بقيمة 300 دينار من محلات فلان العلاني
بس؟
لا و في كمان طقم مطبخ او مدري شو بقيمة 500 دينار
و كمان شغلة
بلإضافة لل 50 يلي ربحتهم اول ما شبك معك الخط
يعني بصراحة جوائز محرزة , بتصير إلك بس بمجرد شبك معك الخط ….
يلي بخليني استنتج , حالة اليئس عندهم حتى عم يعطو كل هالجوائز بدل من انهم يعملو برنامج متل العالم و الناس مشان العالم تحضرو و تنبسط في , بإلك دعاية و الشركات المساهة هي يلي عم تدفع بغض النظر , بس المتاسبق لما يعد على الخط شي 15 دئيئة مشان حفلة الجوائز تخلص , و الرقم يلي عم يتصل منو دئيتو 4 اضعاف الدئيئة العادية سعرا , اديه يلي بعدو بدو وئت ليستنى !؟
على العموم مابدي كمل عن الباقي لأنه ما كملت متابعة , خاصة انه بخاف انفعل وانا عم اكتب لأنه فعلا , الشي الوحيد يلي لهلا ما عم يعرفو يزبطو هو التلفزين البرامج أو اي شي تاني الو دخل في , لك حتى الدعايات , مبكية و بتخليك تشتري شفقة
As Sam , ask me to clear why Ramadan is different this year so here we go
Reasons
One:
First Ramadan with this Domain and Blog
Two:
First Ramadan for me in Summer time , as it going to stay for another 5-6 year’s , then it need 30 year’s to be in Summer time again
P.s: every year Ramadan came early by 11 day , so next year it will came in the beginning of Sep.
Three:
just get sure than am going by Allah welling in last 10’s of Ramadan With MUM , to
Here
and Here
Four :
NO single project to work on , all under negotiation phase and that mean no $$ incoming this month
Five :
i have a 3 serious decision to make , it might upside down my life
Six :
no enough the rest is for my self :D
حاولت اكمش حالي اكتر من هيك , انو طول بالي اكتر , و لاقي مبررات , واقنع نفسي انه في ناس غبية سبحان الله بطبيعتها , وانه في ناس ماعندها اخلاق ولادم ولا احساس بغيرها , ولا اي شي من الإكسسوارت يلي بتجي مع البني أدم كمحسنات اداء , و لا عندا شي اسمه دين
و يجي بستفزك بطريقة حقيرةو تحكي معو و بسوء الشرف يلي ما عندو منو و بطول لسانو و بخبص بالحكي وبس تألو روح يا ابن الناس الدنيا صيام , و تمشي تحاول تتفادى و يضل متنح بوشك و يستفزك بزيادة, و تئلو كرمااااااااااااااااال الله حل عني ماني ناقصك , و يألك شو بدك تعمل , شو بطلع بأمرك , و تتغاضى و تمشي وانتي بدون هلواسطة اعدة على نكشة , و يزيد بالحكي و يكبر , اي ما أقدرت :( و انا اصلا من الصبح وضعي مو مزبوط , وفايت بالحيط و عئلي عم بخشش ما أدرت اكمش حالي اكتر من هيك طلع خلقي عليه طالع الدم من مخي لك بدي امعسو معس , ولولا ولاد الحلال يلي اخدو للمتخلف بأخر دئيئة الله بعتهم مدري من وين اجو الحمد لله , اخدو من وشي وإلاو الله العظيم ناوي طالع العئل الشاغوري عليه خلي يعرف شو يعني احترام الناس لعمى بألبو سكتنا ركبني بالحكي , وفوق كل هاد كان عم بدخن بوشي يا الله شو كلب , لك كلو شئفت شوفير حئو فركين ولد , الله لا يوفقه سم لي بدني طول النهار و كان رح يروحلي صيام عليه و طلعت الفشة اخر شي بشجرا ادامي , يا الله ضل بوشي شو كان جاي على بالي فصفصو كنت بأوج الطاقة عندي
الحمد لله مشي على خير , بس الأعراض بضل ارباعشرين ساعة ,
ايدي عم تجعني :( و لسا بدني مسموم من هلحمار يخرب بيت البه شو تنح و متخلف
