2_عنيدة , عزة نفسي , كرامتي و مابتنازل — مرأة
Tuesday, August 19th, 2008الظاهر الموضوع السابق كان فعلا موضوع على الوجع و محرز انه الواحد يتناقش في و ف يلي حابب يعرف الموضوع يقراة هون مع التعليقات
تابع لموضوع انا عنيدة عزة نسي كرامتي و ما بتنازل —- المراة
خلاصة الموضوع
يلي بحدد شو بصير بعدين هي طبيعة العلاقة من اساسها و خليني حللها بطريقة منطقية مشان تصير الفكرة واضحة
هلأ في انواع من العلاقات و الإرتباط بين الرجل و المرأة , الرجل بدور على احد هي الإرتباطات
لطبخ والنفخ , من جماعة حاضر , متل مابدك , متل ما بتأمر ,امرك , تاكل الكف و تسكت و تحكي هاد نصيبي
- أمراة فقط يعني بمعنى زوجة المتعارف عليها , وجه حسن , اكلة طيبة , فرشة دافية, بيت نضيف , راحة البال و تربية أولاد , ماكان لراحة النفسية ..ء
امراة للفرشة و بس , يعني مفهوم العائلة مو شرط يكون موجود , زواج او إرتباط لإشباع الحاجة و بس
شريكة حياة و زوجة , يعني زوجة و مساهمة في بناء الإسرة من ناحية مادية و معنوية , وطبعا هاد بختلف عن يلي قبلها انه بكون كل شي إلو حساب مختلف , لأنه المرأة هون مساهمة ” ماديا ” و وقتها مشترك بين زوجها , بيتها , و عملها .. و بالتالي موضوع الأولاد يأخد وقت اطول , و كل شي بكون اله وضع خاص , وهي العلاقة بتاخد و قت
-شريكة كفاح و نضال , بكون بدور على وحدة عندها طموح عالي نوعا و بدو وقت طويل , بكون في اتفاق بينهم عليه و هون الرجل بتحمل المسؤولية و بتشارك بوقته بالعناية بالإسرة اكتر من الزوج العادي لأنه الزوجة اكيد بدها وقت اكتر لتحقيق طموحها يلي الزوج موافق و راغب فيه ليه ممكن يختار هاد الشي ,
عدة اسباب منها
حلمه انه اتكون زوجته “شغلة”
كسله في تحقيق هاد الشي و رغبته انه يشوفه مع شخص عزيز عليه , او يستغله
أو انه نفس مجال طموحه و بده إنسانه تمشي معه الطريق
-زوجة او صديقة مودرن متل حكايتو , يعني حب و رومنسية و غزل طول الوقت , تشتغل حرة تعد بالبيت حرة , تصاحب تعمل يلي بدها ياه و يعمل يلي بدو ياه , بس المهم يحكو انه مع قمر الزمان و هي مع وردة الشباب … بالزبط متل قصة مسلسل نور
بالنهاية بتتغير كل الموازين لأنه الرجل و المرأة اد ما طولو و قصرو بضل في عوامل خارج قدرتهم انه يتحكمو فيها ….ء
المرأة هي يلي بتتعب بالحمل يعني في تقريبا سنة المرأة بين حمل و ولادة و نفاس ما بتكون بكامل قواها لا العقلية و لا الجسمية و هاد امر مفروغ منه جسمها و هرمونتها ما بتقدر تتحكم في ف بتالي هي السنة بتغير اكتير و يمكن تغير مخطط الحياة
المرأة عندها فترة شهرية بتأثر عليها ,يعني بتقدر احكي انها ما بتكون كمان بكامل طاقتها بفترة قد تصل ل 12 يوم بالشهر
المرأة عندها طولة بال اكتر من الرجل و صبر اكتر من الرجل في كثير من الحالات و هي ميزة ما حدى بقدر ينكرها , و الرجل الأصل انه يقدرها
المرأة اكتر حساسية من الرجل , يعني يمكن فشلها بمقابلة مهمة لها و لطموحها تدخل في مرحلة إحباط قد تستمر ايام , يمكن موقف من اهل الزوج او ملتقى اجتماعي يعكر صفوة المرأة و لفترة كمان ,
حنان و عطف المراة , لا يمكن لرجل تقديمه مهما فعل
الرجل شو بقدر يعمل بهي الحالات اكتر من الدعم المعنوي و انه يكون سند للمرأة !! و يستوعب هاد المواقف و يتعامل معها ويحاول التخفيف !! شو بطلع بإيدو يعمل اكتر من هيك ؟؟؟ و الأنتباه انه هي الفترات مو شغلة يوم او تنين بس , الوضع ما بكون سهل لما تستمر الشغلة اسبوع متواصل و اتكون متكررة , و بعض الحالات شهر و أكتر , و كل ما توسعت نشاطات المرأة كل ما زادت الضغوط عليها وعلى نفسيتها
بالنهاية هدف العلاقة و التفاهم اهم شي , يلي لازم يكون واضح من البداية عند الرجل و المراة لي اصدقاء , يبحثون عن المراة الطموحة و عندهم استعداد لدعم لأبعد الحدود بس و بعدين ؟؟
بس خلينا منطقين من هلناحية لما يصير في إرتباط جدي و زواج و تكوين عائلة الامور ما بتكون سهلة متل لما تكون مجرد كلام ,يعني في اكتير من الرجال بعد فترة بشوف انه الزوجة لازم تشتغل لتساعدو بإعالة البيت و خاصة مع الغلاء و الحياة يلي عم تصعب يوم بعد يوم , و اكتير منهم بعد مايصير في أولاد و تربية بلاقي انه بطيختين بالإيد ما بنحملو و هون المرأة بتختار بين انها تعطي همية و قت اكتر لإسرتها مشان تحسن تربية اولادها مو يكبرو و ينسب على ابو يلي جابوهم , او انها تستمر بطموحها و تعطي مجهود يمكن 3 اضعاف مشان تقدر توازن و لو شوي و بالنهاية بتلاقي حالها مقصرة … و المشكلة انه النتيجة ما بتبين إلا بعد سنين و بكون الوقت فات على إصلاح الأمور
إلا اذا كانت وجه نظرها انه الرجل لازم يتولى التربية و هي تكمل بطموحها , و اذا حدى فيكم بإدر يإلي انه امه متل ابوه , انا ما عندي مشكلة انه الرجل يكون هوة المسؤول عن تربية الأولاد بشكل رئيسي
مشان هيك التنازل و التفاهم و الإحترام المتبادل و تقدير كل من الطرفين جهود الاخر و كل ما يقوم به حتى لو كان بسيط يكفي لإنجاح العلاقة بينهم , يعني لا العناد و لا تكبير الراس لح بجيب نتيجة واذا كان مجرد اسلوب للوصل لشي اخر , فتأكدي بالأول انه الرجل فهمان هاد شي مشان ما تكون الشغلة بقبله و تكبر و تخرب كل شي
——————–
هاد كلو رأي شخصي , مبني على تحليل الأمور و معلومات الحياة لإجتماعية في سوريا و الإردن
Loading ...
