زينة مافي
ميس قالت بتعجب و صوت عالي
ميس : ماما ماما , زينة مافي زييييييييييييينة ماااااااااافي
ماما :شو حبيبتي شبها زينة
ميس: خالو ال زينة مافي , زينة مافي
زينة : ايهي ايهي بنبرة تصاعدية
ميس: خالوووووو ااال
هاد اول بث صوتي :) مابعرف اذا هيك احسن او انه يكون الموضوع طويل
ثلاث اجزاء
الجزء الأول
Again a new Pose for Mais 5anoom :)
Before any one comment , i was not there at all not even close
معلش تاخدوني على أد عئلي , بما انه الجو جوا نتخابي برلماني بالإردن و عم اقرا شغلات اكتير هون وهون , و عم ننعزم على غدا و سهرات ,
ممكن اذا حد بإلي شو يعني
يعني واحد متكلف على الأقل شي 300 الف ل نص مليون دينار ,ماعرف يختار شي اوضح من هيك , يعني انا بصراحة بدي حدا يفهمني شلون زبطو هدول الشعارات مع اصحابهم , يعني والله مابعرف
———————
بعدين توقيت ظريف يطلع في 382 حالة تسمم في منطقة ساكب(جرش) اول مبارح مبارح احداث شغب في نفس المنطقة , طبعا طلع الموضوع مي , بعدين لأ , الأعراض تسمم غذائي , (حمص فول ,فلافل و خضراوات (السرفيس))ء
كمان مرة اجاني تلفون انه , عم صهرك توفى , و في اربد احمل حالك و تعال على الدفن , و فعلا كنت بإربد وقت الصلاة وطلعنا على المقبر ة و دفنا الرجال, و ارجعنا على الجمعية , و تغدينا منسف و دعيت لرجال من البي بعد النسف كان منصف صح يعني 7/10 و راجعت على عمان العصر
الشعور يلي بجيني كل ما اطلع على دفن حدا غريب جدا جدا , يعني مو يوم ما دفنت ستي الله يرحمها و كانت اول انسان متوفي بشوفه عن قرب او بلأحرى عن قرب اكتير , لهلا هداك اليوم ببال من وقت ما رن التلفون على 4.30 الفجر و حملنا حالنا انا ماما وانزلنا على الشام , و فتنا كان الوضع مكركب اكتير , وانا و ماما غسلنها و كفناها طبعا لأنه ستي كانت صحتها منيحة اكتير ف كان صعب انه يحركوها منيح , ف كان لازمهم مساعدة و طبع كفنتها انا و امي , و طلعنا على لمقبرة مقبرة الدحداح بدمشق و نزلت بالقبر و نزلتها لستي , و من هديك اللحظة اكتير شغلات اختلفت عندي , كانت خبرة فريدة من نوعها اذا بدي اكتب هداك اليوم بتفصيل رحيكون اكتير طويل لأنه لسا ببالي متل ما هوة كانو مبارح
كنت جوا القبر و مدخلو ضيق وعلى فكرة القبرو بلشام غير عن عمان المهم نزلنها و ركزتها و سكرنا القبر و مشي الحال ضلت 3 ايام و انا اعصابي باردة جدا , و ولاحتى دمعة بعيني , مع انه كانت الها معزة بقلبي خياليه و كانت تحبني اكتير و عنجد البي زعل عليها , بس ما كنت بموقف بسمح انه كون ضعيف في , اغلبهم نسوان و الكل فارط و ستي كانو محبينها اكتار ف ما كان الموضوع سهل وكان لازم يكون في حدا ماسك الوضع و راكز و صحيان مزبوط
طبعا بس ارجعت على عمان , دخلت غرفتي و بتزكر اني بكيت اكتير عليها ,
منبعدها بجد كل نظرتي للموت و الحكي هاد كلو صار مختلف , الميت يلي ناس بتخاف منو عبارة اعن انسان نايم , يعني اذا اله ميت كم ساعة لحد نهار بضل جسمه شوي طري و كانه شخص نايم بس ما عم بحس بالمرة , بس على يلي شفتهم يلي منيح و عامل خير بحياتو بكون ما بخوف هيك مألوف و هادي عادي , بس يلي عامل والعياذ بالله ميت قصة ابل ما يموت فعلا لما تطلع عليه و هوة ميت بكش بدك بتحس انه الله يعينه
و بنصح اي شخص بتجي فرصة انه يشوف انسان ميت , يفضل انه يشوفه لأنه جد بتغير مفهومك للموت وبترك فيك شي ,
و على فكرة الحزن على الميت عندي بجي من باب فقدانه انه ماعدنا انشوفه ابدا , و يلي بزعل بحكي ليه مات و تركني , بإدر احكي له انه خلص عمره و هيك الله كاتب , والله يرحمه و يغفر له ماألك غير الدعاة الو
تنبيه صغير , اياك انك تدعي بشي وانته مالك مدرك معناته او مقدر ثمن الدعوة لأنه والله مو مزحة يلي بفكر انه اوحد بألو بدعي عليك شغلة سهلة
ستي الله يرحمها كانت دائما تألي :” لك روح يا موفأ ان شاء الله بتأبرني و تكفني يا ستي “ء من باب المدح و الحب
وفعلا هاد يلي صار و ربنا استجاب لدعوتها و كفنتها و ابرتها بإيدي
Mansaf is one of the great meals , i Adore it
اكلت منسف بإربد يوم الجمعة و قبلها الأحد شغلة البقية بالأسفل هههه …
Manasf:
Mansaf (Arabic,منسف )is a traditional dish popular in Jordan, Palestine, Iraq, Kuwait and to an extent in the Levantine countries.
The dish’s main ingredients are lamb, rice, and sometimes a dried form of dairy called jameed. many people argue that the Karaki jameed is the best jameed to cook the Mansaf with. Mansaf is arranged with a layer of thin Arabic bread called Shrak or Markook bread on the bottom of the platter. Rice covers the bread and meat is placed above the rice. The yoghurt sauce is then applied liberally to the platter. Traditionally the head of the animal sits on top of the dish. Mansaf can be garnished with almonds and pine nuts.
Jameed:
Jameed (Arabic) is hard dry laban made from goat’s milk. Milk is kept in a fine woven cheesecloth to make a thick yogurt. Salt is added daily to thicken the yogurt even more and the outside of the yogurt filled cheesecloth is rinsed with water to allow any remaining whey to seep through. After a few days of salting the yogurt, it becomes very dense and it can be removed from the cheesecloth and shaped into round balls. It is then set to dry for a few days, if it’s dried in the sun it becomes yellow and if it’s dried in the shade it remains white, it is important that the jameed is dry to the core because any dampness can spoil the preservation process.
Jameed is very popular in Jordan because it is used in making the national dish, mansaf. it can also be used to make rashoof and shakreyeh (other arabian yogurt dishes).
The most famous jameed is from the Jordanian city of Al Karak.
heheh wikipedia is ROCK … Mansaf Jameed
يوم الجمعة كان في غدا مشان جمعة المرحوم
طبعا اول وجبة اكلتها لما رجعت من الشام يوم الأحد الفجر كانت منسف كان شي امنتز من الممتاز , اما تبع يوم الجعمة يلي هوة مبارح كان جيد جدا , بس شوووو منسف !! خطير
بعشق هلي الأكلة و حظي اجا اني وقفت على السدر بعد ما قالوا تفضلو مع صاحب العزيمة الحج و اجي اوحد من وراي و دئني على كتفي ال خود موفأ معلقة” ملعقة ” , طلعت عليه و انا مدحبر لقمة و عم ارفعها انه لا شكرا صار يضحك , ال بعلمي شامي و هيك؟, رديت عليه : مالك يا خال ؟؟ الحج بطلع في و بقول نشمي نشمي كل كل , و بلشنا ااااخ ما بعرف بس المنسف ما بزبط إلا بالإيد ما بحبو بالمعلقة بنوب ,
القاعدة الذهبية للمنسف تقول
غب غب الجمال و قوم قومت رجال
وانا نازل على دحبرة و اكل و الحج مو مقصر يفت لحم و هييييييي يا ولد شراااب , شرب شرب هون
و انا عم اكل سمعت كلمة صفنت وطلعت بيلي جنبي على السدر التاني
و بجحر يعني انظر بقوة : و بحكي , مالو ؟؟ شو بحكي هاظ
بطلع بالزلمة : و بقلو مالك يا رجل شو بتحكي !! لا يسمعوك الجماعة ؟ انته عارف الغدا لشو ؟؟
يلي حوليه و الظاهرما حدا بيعرفو نبهو للموضوع
الأخ خلص اكل و قال ” دايييمة يا جماعة ” والأصل ما يحكي هيك لأنه غدا على روح زلمة طبعا انا متأكد انو ما بيعرف و بالغلط لأنه متعود يحكيها بعد الأكل عند الناس , بس منيح انه ما حدا سمعه هيك انا فكرت
طلع في واحد انظم منو هداك خلص اكل و ادام ولاد المتوفي قال : إن شاء الله دايمة يا جماعة
طبعا صار وجه الشباب الوان و مشي الموضوع بس ضل يطلعو عليه انه مع مين هاد جاي
طبعا الأفضل انه يقول :
بالأفراح ان شاء الله , يرحم ما فقدتو , و نفس الشي وقت شرب القهوة بالعزا بحكي تسلم , عشت
طبعا وانا نازل بالسدر الحج الظاهر شبع لأنه بلس هيك ينأور من هون وهون وطبعا ما بقدر يترك السدر و يقوم لأخلص انا لأنه مافي غيري معو على السدر , انا اختصرت اكلي و قمت , و بعدين انا السدر يلي علي ما حدا بقرب عليه إلا اذا كان قد حالو مشان يللحق لأنو انا بئول بسم الله و بسحب و مابرفع ايدي لأوصل لجنب التاني ههههههههه
طلبت كاسة شراب جميد يعني متل هي يلي هون و اااااخ شي بعبي الراس
و بعدها ضروري جدا قنجان قهوة سادة يغسل الزفر و يتصحصح شوي ,
المنسف و الشاكرية اكلاتي المفضلة و بالعربي برخص عليهم اكتييير و صعب احكي لأ لأكلت منسف خاصة اذا كانت ريحتها مزبوطة و على الأصول يعني مابعرف صعب عيش بدونن اااخ منسف هيك على سدر و اللحم و الجميد سخن اووووه خيلة يعني اكلة صح من الأااااخر , بدي اكتب قصدية غزل بالمنسف ههههههههههه بس عنجد ما بقول لأ لعزيمة منسف مرتبة حتى لو كنت متغدي, المنسف إلو مكان على طوووول
جاي على بالي منسف !! او شاكرية ! جعت .. ز
رجعت للأردن بسرعة لسبب هو وفاة والد صهري”زوج اختي ” الحاج ابو حسن ( اسماعيل ظاهر بيبرس) في اربد , الله يرحمو كان يحبني
اليوم كان اخر يوم , وههههه انقطت الكهربا مساءا شي ساعتين و كان العزا الشموع يعني عزاء رومنسي والله كان راااائع , يعني مو لأني بحب الشمع بس ,لأ بس لأنه كان في سكون حلو , و صلاة العشا كانت على العمتة بس والله كان الجو اكتر من رائع
صحيح شوووووب بس مشي الحال
الظاهر نوري قوي اكتير على البلد بعد الغياب , ف أتوقع بكرا الثلاثاء في انقطاع في عمان ههههه بما اني
وصلت على دمشق انقطعت الكهرباء
وصلت لأربد انقطعت الكهرباء
و بكرا بعمان
استعدو عطوفتي قادم
| www.flickr.com |
