ما عم جمع!!
Wednesday, June 25th, 2008ما عم جمع يا جماعة !!!ء
الي كم يوم ما عم جمع بنووووب عم فوت بالحيط و تصدر عني تصرفات غريبة , انا عن نفسي بستغربها , يعني بعرف حالي بالشوب عألاتي بصيرو جوزتين بخرج , بس بدكم الصراحة و لا حتى شايف جوزة وحدة … ء
امثلة:
اجيت بدي اتصل من الموبايل عم اطلع في لقيت انه فاتح مسج جديدة و كاتب فيها” هالوو أي ونت يو تو فايد مي ” بس مو كاملة و لهلأ عم حاول اتزكر لمين كنت بدي ابعتها ما عم تزبط معي
————
طلعت بالسرفيس و اعدت ادام , شوي ولا عطيت الشوفير الأجرة , رجعلي ياها اطلعت في بستغراب , قلي مالك يا زلمة انته دفعت اول ما طلعت
انا اااه اوكي
بصراحة تمنيت انه اخدهم ولا حس حالي هيك
—–
رايح نام تمددت على السرير ما أحلاني و اطلع حولي في شي غلط اكيد في شي غلط , بعدين انتبهت انه الضو مشعول ابتسمت و الت صح الضو كيف انسيتو
تحركت من السرير (ركزو معي هون ) و شوب طبعا ناااااار , اطلعت من الشباك في نسمة هوا خفيفة , رحت على باب الغرفة سكرتو و رجعت على السرير و انا مبسوط تمددت بعدين ابتسمت مرة تانية و فعلا ايقنت انه عندي مشكلة و حسيت بقمة الهبل
ليه؟ لأنو ما طفيت الضو , امت فتحت الباب لأنه شوووب و ابتسمت انه يا حبيبي عليك يا موفأ ما عم تجمع ما الباب كان مفتوح اصلا من الشوب , و طفيت الضو و الحمد لله و نمت
بالنهاية ما فقت على الفجر لأنه الموبايل يلي المفروض يكون على المكتب جنبي , طلع مو بجيبة البنطلون متل ما كنت مفكر الصبح , لأ طلع بشنتاتي على باب البيت كمان ايه ايه ولا و انتزعت يا موفأ
ف انا ما عم جمع مع الشوب طاقتي بتنزل 50% اذا مو 70 % و فيوزاتي بطق و عألي بخش ششش شش شش
يحرأ أخت هالشوب شو دبحني :( و ال شو يوم الجمعة 42 درجة الحرارة يا حبيبي اذا الصيفية هيك كلها و رمضان كمان بدي زلغط ليليليلي يش , لك انبئ البي اد ما شربت مي ….
دخلتكم ما في شي مكيف بركب يو اس بي ؟؟ ينشبك على الكمبيوتر ؟ في مراوح بس عمرن قصير و ما بهو منيح
انا من هلأ شطبو علي على الشوب شوب حر يا واراديييي
, بح بح
