MQabbani, Minds Talk

الحملة الإعلانية الخاصة بالبنك العربي و يلي عملتها شركة دعاية و إعلان ما بدي احكي اسمها , بس يلي بعرفو و
التحشيش بالموضوع انه حملة متل هي كلفت مبلغ ب كذا صفر , و الشركة المصممة و مستلمة الحملة بتروح بتعمل جوجل عليها ما بتلاقيلها موقع !! او مابعرف ما طلع معي يمكن لأنهم بشتغلو بس للبنك العربي او مدري شلون بس على الأقل بروفايل

هي الحملة ما دخلت مخي بالمرة ولا حسيت الها طعمة طبعا ما رح احكي ارقام مشان العالم ما تحكي معأوووووول كل هلأد, على كل مابعرف شو خطر على بالن بالخواتم يلي عبيت البلد تأول شركة جديدة نازلة متل و قت امنية شركة الموبايل الرابع بالإردن نزلت كنت وين ماتروح تلاقي , إعلان بس انا كنت شوف خواتم خواتم انه يا الله شو هي ؟؟ شركة جديدة اكيد , محل مجوهرات على الأغلب, او يمكن شركة تأمين ,فكر انه شو هو الشي يلي ممكن يكون اله علاقة بالدوائر هي , بعدين لما شفت انه للبنك العربي ضحكت وعلى فكرة لو ماكانو كاتبين البنك العربي بنك الشباب و استمرو كانت الت هي دعاية محل البسة او سبورات

, انه شو دخل كل هاد بالبنك العربي؟؟ وين الفكرة ؟؟ الإبداع الفن ؟ شو مشان انه حكي فاضي دائرة واحد عم بنط منها و بطلع و مدري شو , لك هاد بنك بنك يعني لو على الأقل حطو دينار , بطاقة فيزا , صورة جمل  , شي من شعار البنك نفسو لك اسمو البنك العربي شو مشان مافي شي بدل على انه بنك اولا , ولا انه عربي تانية, حتى الصور يلي مستخدمينها لناس اجانب , يعني كأنو شي أوروبي ولا اله دخل ,

حاولت انه افهم الفكرة ما زبطط معي يعني المفروض الإعلان موجه الي كشخص يمكن يستفيد ,لك اهم االشغلات بسيطة عن الإعلان و الدعاية

انه توصل فكرة للجمهور , مو انه المصمم بشو كان عم بفكر او شو متخيل انه عم بنط جوا الحلقة الخاتم و ينشء بنطلونو او انه احسو بدو يطلع من الإعلان وا مدري شي هاد كلو شو الو علاقة بالبنك , بعدين صور الشباب انا شايفهم مراهقين ولاد يعني , مو يعني مو شباب بدن بيت و سيارة و الإعلان ركز على انه برنامج الشباب , مابعرف كيف كان بفكر المصمم كان لازم يكتب تحت كل إعلان انا كنت عم فكر انه هيك مشان افهم وجهة نظرو يلي ماالها طعمة

بصراحة انا ما وصلتي اي فكرة و لا حتى فهمت انه شو بدهم من كل هاد ولا حتى ليه هيك عملو , يعني سبحان الله بضل الواحد بحكي ارزاق و مو من أليل ناس فايتة بستين حيط بصير معها مصاري و انا بعتبره رزقة و حظ ويتهنى المصمم المبدع و صحتين على الخاروف العربي  ,

على فكرة يلي جاكرني انه يلي عملو الحملة مقتنعين انها ابداع و فن و اكتار الو انه اي مبتدء فوتو شوب بيعمل احسن من هيك

واخر شي عرفت هدول الدوائر طلعو وحدة من الدوائر التلاتة تبع الشعار , يلي في جمل بصحراء و باين نخلة و راه , و حصان ماشي عم يتقدم , وجزء من خارطة العالم و خارطة الوطن العربي بارزة فيها و بتأدر تأول الخواتم فيها زركشة عربية

يعني الإعلان اختار الديكور تبع الشعار و ترك المضمون انه عربي , الإعلان المحترف لازم يوصل فكرة اوضحة جدا جدا مو فكرة محترفة ما رح يفهمها إلا متحرفين

مثال عليها هي الصورة من هون

تحليل سريع انه الإعلان واضح اكتير شو بدو و إبداعي , عندك تبع سرطان الثدي , بتقرا منو , بإيدك انتي بتقاومي السرطان شولن؟ ايد وحدة عاملة شعار االنصر بإصبعين و غيرت من سرطان الثدي للهزيمة السرطان ,

التانية موضوع الإباحة , حرف لا واضح , بس على شعار البلي بوي و يلي هو شعار الإرنب و معروف بدول العلم

التالتة إعلان جينزات , يعني يلي بدو يقرا الإعلان رح يحس بأهمية انه بنطلون الجينز لازم يكون مميز وبتحمل