MQabbani, Minds Talk

this is a sample of BLACK Gatayef :D

and its not me i swear

بالبداية تنويه انه هاد الحكي ,هو رأي شخصي ,ولا يمس اي شخص معين خاصة
العراقية مشان ماحدا يزعل….

الساعة كانت شي ستة و ربع و انا و صديقي سعيد عم ندور على محل نفطر في , و الله عمى على البي وألت تعى نجرب هاد المطعم و دخلنا , و المطعم كان مليان فوووول ” مؤشر انه المطعم منيح ” , و كان في طاولة فاضية اعدنا و غسلنا
الطاولة طبعا اول ما تفوتو عليها , صحن تمر مجعلك مزبوط من ابو 10 كيلو بدينار مجلتن مشان النضافة على اساس , صحن سلطة سادة و معه نص ليمونه مقابل كل كرسي ,ملعقة “معلق” كبير عن الحجم العادي يلي عنا بالبيت , شوكة و سكين , قنينة ماء ,كاسات(ألن رائحة غريبة طلبنا تغيرن , الن مافيهن شي بس غيرهن ) ومملحة زيت و خل , و علبة لبن , و زبدية مخلل

ونحنا اعدين اكتشفنا انه مطعم عراقي , لما اطلعت على قائمة الأكل , مافهمت غير اكلة او تنتين وتأخر الوقت عن التراجع , و بما انه انه طالعين وبدنا ناكل مسخن و هو الشي الوحيد يلي بالقائمة مناسب انه نطلبه طلبنا لأنه المنسف الأردني ب 8.5 دينار و مالي مصلحة جربو ,
طبعا بغض النظر عن رائحة الأكل , و الصحون يلي كانت تنزل على الطاولة شكلها غريب بمعني الكلمة , لك عمركن شفتو مخلل اصفر هو خيار بس مصفرن و الفلفة يلي معو خضرا!!!!! ؟؟ و بزبدية مع مرقتو يعني بدك تغطس ايدك لتاخد مخلالاية وبطلع طعهما بشبه كل شي إلا المخلل, الشي يلي استطعمت في السلطة وكانت رفيل يعني عبي اد مابدك , المهم , انا كنت مفكر حالي من الناس النادرة يلي بضل ينادي السرفجي مشان يسئل و يطلب وبتفلسف عليه , طلع سعيد بدو سفرجي يضل واقف جنبو يشوف شو بدو على بدل الكاسة , صحن سلطة تاني خبز, ليه طول
, ما سمعنا الأدان , عرفنا انه ادن من الناس لما بلشت تاكل
, نزلو الشوربة شميت ريحتها ماعجبتي سعيد شرب شفة و صار و جه اصفر , نادي السفرجي الو خدو خدو مشان الله , اكلنا السلطة و خبز طابون سخن طيب ربنا الله , و انتظرنا وايدي على البي , انا كل شي بمزح في معي إلا الأكل

, و نحنا عم نشوف صحون فيها رز ب الف لون يعتمره اللحم , رايح جاي , انا احكي لسعيد يا خوفي المسخن يطلع مقلب, المهم وصل المسخن , وياريتو مسخن , صحيح بصل و سماق و شي بشبه الجاج , مالو طعم فخدة و صدر على اساس نص جاجة هي,

اطلع بسعيد و نضحك , اكلنا , و هو يحكي مافي بعد اهل جنين بالمسخن , هاد مسخن هاد , على أولتنا هاد اكل مصخم , اكلنا و بلشت حس بأشياء غريبة تجري في معدتي انجكشن و صابني نعاس , و يا عين شو مخسن شي مصخم رسمي اااااخ , واجا حطلنا صحن في حلو السمنة اكتر من القطر من المنظر ما بسترجي امسكو لصحن ولي بغط على ألبي اي انا حلو عادي يلا يلا اكلو , و بعد شوي جاب كاسة شاي استكانة مع حبة هال في طيب ولله , و سعيد مقطوع من الدخان , طلب من السفرجي سيجارة ,

و نشوف صدورة رز ولحم تنزل على الطاولات و الف واحد ياكل منها طاول عليها شي 30 شخص , ينزلنن صدور و ياكلو ,
المهم في شي اسمه منسف عراقي على قولت السفرجي يا عم يضحك علينا بحطو في رز مشكل مع فاصولياء و بامية و مدري شو , لما سمعت هيك الت عم يجدبها , ف يا ريت يلي بيعرف المنسف العراقي من شو بتكون يطمني لأنه وجعني البي اذا بنحط معو فاصولياء,

اسماء من القائمة
فطور :
مخلمة لحم غنم
جلنفري لحم غنم
كبة حامض
قزاطمة لحم دجاج , غنم
دجاج بالثوم الحامض
—
قوزي على تمن
دجاج على تمن
برغل مطبق بالضلوع
تمن وانواع المرق
ثاجينة على تمن
كص على تمن
تشريبات دجاج
مسخن دجاج
منسف لحم (اردني) ء
منسف عراقي
برياني

في اكتر من هيك بس طلعت الصورة مو واضحة ما عرفت اقرأهن , المهم

يلي بإدر احكي انه الأكل العراقي اخر شي بهتم في شكل الأكل يعني , نحنا لما نعمل اكل منعمله شوية ديكور , رز تحت اللحم بالنص فوقو على جنب , لوز صنوبر , رز بكون متل تله مرتبة اما المناظر يلي شفتها اليوم ….. فظيعة !!!!
و المحل ملياااااااااااااااااااااااان سبحان الله شلون طبيعة البلد و اهلها وكيف اكلن مختلف عنا صحتين وهنا على البن و الله يعيني على هليلة حاسس معدتي بدها تسبني …

الخلاصة : مارح فوت مطعم عراقي ابدا ابدا , ولا عندي استعداد جرب شي انا شامي و مرتاح ومبسوط بأكلنا على الأرباعشرين ايواااا
ايه اللتها لماما , ألتلي لكان , امك عامله محشي هون وانته معزوم برا على أكل مصخم , سخنلك تاكل !!!ء

This is a Syrian meal , mainly Damascus families made it, and not all Syrian ..

its called “Bas ma shkat “, “basmshkat”

its sheep meat or calf stuffing with rise and mincemeat … i guess photos will help more and who is vegetarians  don’t waste your  time or hurt your eyes  

also see this  “Mom’s meals (كبه)”

هي اكلة شامية معرفة عند اهل دمشق خاصة , اسمها باسمشكات , بسمشكات البسمشكات , , و متل ما فهمت اسمها الأصلي , يا “باشا مسكات” او” باس مشكات” على اساس انه شكات هي خياطة او شي اله علاقة بالخياطة  بالتركي , الأصل تركي عم بؤلو بس ما بعرف ما عرفت اصلها مزبوط لسة عم ابحث , بس عي عبارة عن لحمة عجل او خاروف رقيقة بتنعمل متل صرة و فيها حشوة رز و لحمة مفرومة , و بتتخيط و بتتقدم مع رز وسلطة و هي الصور

اللحمة الشرحات , يا عجل يا خاروف بس اهم شي اتكون مرقق منيح يعني اخف سماكة من الستيك العادي

الحشوة , رز و لحمة مفروة

هيك بنتحشى

بعد الخياطة

بتتقلى بالزيت او السمن

و تقدم مع سلطة و بجانبها أرز مفلفل و صحتين

:)

بطلت اطبخ شي بالمرة و يا ريت رديت على ميوش خانم لما التلي بلاه السمك :( جبت سمك ابو راس مقطوع داب و ما احلى و تبلتو وكلو تمام التمام

الت بدي اشوي بعدين لقيتها قصة الت بقلي حطيت الزيت على النار , وكلو تمام الت السمك صغير بلا ما قطعو , ايه مافيها شي

و حمي الزيت و كلو تمام , السمك كان 90% ناشف و بلشت نزلت اول سمك ال تشششششششششش اي عادي والتانية والتالتة و الرابعة كلو تمام وانا عم حركن بلش الزيت يطقطق شوي الت اكيد من المي عادي مو اول مرة بتصير و مافي مشاكل ,اما انه الزيت يطير بالهوا و طاطااطا طاااااااااااااا طااااااااااااااااا بق بق قنابل السمك عم يتفجر و الزيت عم يطرطش ولك و سخن بعدت ايدي بسرعة عنو بعد ما رش الكنزة بقع و الحيط و النملية و البراد و الغاز و تأول في 100 سمكة بالمقلاية بدي اطفي الغاز اعمل شي ابدا الأنفجار شغال و الزيت عم يطير و انا عألي عم يطير معو انه شلون بدي امسحو كلو هاد زيييييييييييت و اطلع انه وين الزيت عم يروح و يطلع و حاولت قرب بس الزيت حاميي

المصيبة انه السمك عم ينفجر من جوا مو من القشرة لأني برشتو شوي , و كان دايب التلج كلو عنو :( :( بس شو حفلة زيتينة مرتبة :(

و احلى تحية لفيري باليمون خدمني والله و الزيت المفروض وانا هيك حاسس انه راح طلع اهم شي من على الفرن بس انا زيتز ايدي زيتو كمان ورحات ريحة السمك

ال سمك ال , شبو المحيط او مبرور ولا ظراف بتعد عندن معزز مكرم بتاكل و بتطلع مبسوط مو مزيت و فوق كل هاد بتاكل بيض مقلي ..

ملاحظة بالنسبة لصور , مالقيت حجم عادي فحطيت العائلي :)