MQabbani, Minds Talk

بشلشت بالمصطلحات الشامية الأولي , و التانية , و التالتة عن قريب, لأنه طلع بوصل ل 6 و ما بخلصو , الت خليني غير شوي و اكتب بعض الأمثال الشامية يلي مستخدمة ببلاد الشام على الأغلب .. طبعا اكتار اكتير لقيتن ف هدول جزء اكتير صغير و الباقي قريبا

لأعور بين العميان ملك

عندك شي و ماعندن ياه طول عمرن , حتى لو ما كان كامل بضلك ملك ادامن

الو للبغل مين ابوك ؟ ألن (قال لهم) الحصان خالي

بالغالب يقال هذا المثل يلي بكون عندو شي بستعر منو و بحالو يتحلا بالشي الظريف عنو و بلف بدور يعني مابدو يأول ابوه الحمار الن الحصان خالي

ضربو يهودي بعلبة لبن ألن (قال لهم ) و ديني مشتهيها

وهاد المثل يلي ما بعترف انه اتبهدل , او صار في مقلب , بتعمل شغلة بواحد بجي بألك اي انا هيك بدي من أول و عادي

قاللو للكلاب ليش وانتو راكضين ما بتغنو مواويل قالولهم اي يالا نلحق اللهيت

هاد المثل للمفلسفين يلي بجي بلاقي الواحد مشغول بشي و بسئلو طيب انته ليه ما عم تعمل هيك كمان

قاللو يا شعبان ليش ما بتجي برمضان ؟ قاللو كل شي بوقتو حلو

واضح

قاللو يا فرعون مين فرعنك ؟ ألن ما في حدا يردني ” او ما لقيت مين يردني ” ز

هاد حال اكتييييييييييييير من يلي صارو فوق

قاللو شو فوتك لبيت عدوك ؟ قاللو محبي جوا

هاد مثال على الكولكة يعني هز الدنب

باللعب والأمزاح تشتفي الأرواح

يعني لما تشوف واحد و الجو هيك مزح و بتجي بتحكي عليه اي انت اصلا ما بتفهم و قليل زوق و بعدها بتضحك , يعني انه جو مزح , بس فعليا انته البك مليان منو و بدك تحكي هاد الشي ,

بتقولو تور بيقلك حلبو

يعني شغلة ما بتزبط بإلك زبطها , يا اخي عم أنقلك توووووووووووووور بتألي حلبوو , برد عيله لك بتزبط جربها

الجنازة حامية والميت كلب

هاد مثال بستخدم لما اتكون الشغلة حامية اكتير و كبير و صاحبها ناقص او اليل اصل و مابستاهل

صاحبي وحبيبي وناح الجيبة لا تقرب

يعني وقت العازة المادية انا مادخلني

طالع عالسلم بقبقاب

يقال لما الواحد بيعمل عمله مو زابطة بنوب, متل يلي بدو يطلع على السلم بقبقاب اديه بتعزب و ما بمشي الحال

عرق آس ولا شماتة الناس

يعني متل يلي عم الك موت و يحطولي اس على قبري احسن ما تشمت الناس في , و قيسو

المزيد في المستقبل القريب :)