مرحبا 
معلس ما تواخذونا عن الإنقطاع بس كان لظروف عده , بس كلها الخير الحمد لله
يلي صار هالكم يوم الماضيين ضغطني و نرفزني .و يوم عن يوم بأكد لي مقولات عدة و افكار خاصة بعمان عاصمة الإردن منها
الشوفير شوفير و بعمرو ما بشكر النعمة و لعبة المحرقات و طريقة التسعير المتخلفة مسخرة بمسخرة ,و دعمتو مزبوط ليصير نمرود بزيادة يعني بالله عليكم في شوفير تكسي عاقل بدو يروح يعدل العداد من 50 ل 54 متر لل كل 10 فلس ههههه بخسر اكيد ماإلو مصلحة
, بالإضافة انه العداد و أجور النقل وضعت على اساس اسعار النفط لما كان 145 دولار و نزلو سعر المحروقات اكتر من مرة على مراحل( صحيح انه صارى 70 دولار و الأسعار ما نزلت اكتر من 25% )
صحيح انه نزل بس الأجور ضلت متل ما هي(بنا أن على 145) , يعني بالعربي صاحبة وسيلة النقل كسبان التخفيض مربح زيادة , اما لما صارو بدهم يخفضو الأجور , الشوفيرية الموقرين اعترضو و صارو بدن يعملو اعتصام و اعتراض و اكل هوا و حكي فاضي يعني الشوفير همو مصلتحو و الله لا يرد الناس يلي الله باليها بشي اسمو مواصلات عامة
-الحكومة طاستها ضايعة و همها الاول و الأخير راحة و إرضاء الحكومة و نواب الشعب اما الشعب طبعا فهوة الأداة الامثل لهيك راحة ,يعني راتب النائب بحدود ال 3500 دولا شهري و على مــــــــــــــدى الحياة , و سيارة من غير جمرك و فوق هاد تزاكر حج , و النائب المسيحي شو بيطلعلو ؟؟ اكيد بدلات كاش او رحلة على سويسرا , تعويض للجرح المشاعر و التميز بين المسلم ب غيرو في بلد يفترض انه اسلامي
التخلف الإقتصادي الغريب العجيب, عمارات عمارات ابراج وين ما كان يلي العالم مو فهانة مين بدو يشغلهم , للأسف عم حالو انكر الموضوع او ما صدقو بس الموضوع مرتبط بموجة نزوح اخرى كون الإردن الوطن البديل و المنطقة على كف عفريت , وفي اسكانات و شوارع و جسور و استيراد من الصين و غيره , و استهلاك , و بورصة عم تخسير مليارات , و الدين العام للإردن ما نقص بالعكس زاد , و فوق كل هاد ما بتسمع عن انشاء اي مصنع محرز ,و لا عن اي مشروع حكمومي ضخم ربحي يغطي الخوازيق يلي عليها ,ليه ما الشعب يخزي العين معو مصاري
اذا اربد اد ربع عمان خسارنة 400 مليون بالبورصة و نصب و احتيال , يعني الشعب مشاء الله معو , خليكم ادفعو و الله لا يردكم هيك عودتو الحكومة انه شعب كريم و سخي
الفروق الطبقية في عمان و اختفاء الطبقة الوسطى بشكل ملحوظ جدا ,يعني صرت بتحس حالك ضايع بين يلي طالع يمشي الكلب الشيبرد تبعو بسيارة 2009 حئها 100 الف دينار بأضعف التقدير و لابس ملابس ب 1000 دولار
وبين
يلي ماشي بوسط البلد لابسة من البالة(المستعمل) و عم بمشي عرباية معو ببيع كعك او دحدح, او ترمس و فول و كلو على بعضو مع العرباية و لو تعصرو عصر ما بطلع حقو 200 دولار
اسف على هذا الحال , و فعلا ادعو الله انه يصبرنا و يعنيا لأنه يلي جاي اعظم الله يجير هلبلد بس من طمع الناس و الخراب الحكومي …..ء
