يعني واحد من الأمور الجديدة يلي بدائت بالانتشار بشكل ملحوظ
مواكب التخريج يلي مش قادر افهم قصتها
يعني مو صفيان غير يلي بخلص روضة و صف اول يطلعو كل اهلو و لاد عمو و خالاتو اخوانه وكل مين سمع عنو من بعيد بموكب سيارات و يعجئو الدنيا و ازعاج و سئاله
مواقف حلوة انه بتوقف جب سيارة موكب مثلا و بتسئل انه اي جامعة , بردو عليك مدرسة ( س) صف 11 يعني حتى مو توجيهي لسا
سيئات الموضوع انه الشوارع بتصير عجقة بزيادة , يعني ما بكفي طول النهار زحمة و قرف و بلحقوك بليل مشان تكمل معك
دائرة المواكب تدوم و تدوم و تدوم و تدوم …… يعني توقع انه نفس الموكب يطلعلك بكل مكان في عمان
صراخ الفتيات بالذات مابعرف الظاهر صار عرف انه الموكب لازم يكون في صبايا بتصرخ يعني سماع صوت صراخ فتيات مو موضوع محبب يعني بخطرلك انه يمكن في قضية شرف تحصل في الخارج
تزميو و صياح و بعض الاحيان سواقة طايشة يلي بحبو خاصة اذا دخل حدا على خط الموكب
و توقعاتي انه يستخدمو الفوفوزيلا بعد المونديال
المواكب كمان فرصة مناسبة لتعرف على الصبايا و الشباب
شركات تأجير السيارات و خاصة الكشف و السيارات الرياضة و الدفع الرباعي بتشتغل منيح مع انه تكلفة استئجار سيارة كشف او دفع رباعي فاخرة بنمرة خصوصي لا تقل 200 دولار لمدة 10 ساعات على الاكثر
طبعا المواكب ما بتكون عشوائية دائما , في تخطيط مسبق و خط سير و شوارع معينة يعني شي ابو راتب على كيف كيفك
الغريب بالموضوع انه يلي تخرج من مدرسة و مبسوط اكتير انه بدو يروح على الجامعة و يعيش الحرية يلي بدو ياها و اغلب الظن انه هيك شباب اكيد مو ناقصهم حرية
يعني الجامعة بدها اتكلف اهلو على الأقل 15 الف دولار اذا كان طالب نجيب وعم بنجح بكل فصوله
و الجامعات صارة فراطة بتقدر تحكي انه من طبق عليها مثل ” من دخلها فإنه ناجح ناجح ناجح ” يعني مع اختلاف المدة و الكلفة
طول ما في اب خارووف بدفع لإبنو او بنتو دائما ف هذا الطالب ة اخرتوها يتخرج و لو بعد حين ( حين قد تصل ل 7-8 سنوات ) ز
يلي بعز علي بكل الموضوع انه في ناس عنجد ما بتقدر النعمة يلي هي فيها و همهم الوحيد الاستمتاع بالحياة حتى لو كان على حساب راحة الناس التانين
١٧-٤ ٢٠٠٩ إن شاء الله
now I am an uncle for 6 nieces and one nephew 
