MQabbani, Minds Talk

التدوين !هل عكس الواقع السوري ام ماذا!؟

من فترة سيطر على الجو المدونات السوريه نقاش قوي نوعا ما طلب اختراق مدونة , حرية التدوين ,اتهامات مختلفة , علمانية , دين , إلحاد , تعصب , اخلاق , الحوار , الإنفتاح , ما يجب و لا يجب , اخلاقيات , لغة انجليزية أو عربية و من ثمه تصنيفات, !

الغريب في الموضوع انه الكثير من المدونين بشكل عام عندما يتحدث عن اي موضوع يأخذه بشكل شخصي اكثر مما هوه منطقي و واقعي

المدونات السورية بدأت تقريبا ب 2005 وكان اغلبها تدوين بللغة الإنجليزية , و كان عدد المدونات محدود جدا جدا و كان اغلبها للمغتربين و كنت دائما ابحث عن المدونين السوريين, و منذ تلك الفترة و انا اتباع و ابحث , و مع تحسن الوصول إلى الإنترنت في سوريا , زاد العدد سنة على سنة و أعتبر سنة ال 2008 هي سنة الإزدهار للتدوين السوري حث ظهر عدد جيد بنوعية جيدة من التدوين و اصبح هناك عدد مقبول مع بقاء ضعف الفاعليه له ( يعني عدد المدونات السورية اللتي تعتبر نشطية لا تتجاوز ال 20 )

على العموم ما يحصل قدي يكون مختصر على الأصوات العالمية حيث قام السيد يزن بدران بطرح الموضوع في الأصوات العالمية

الخلاف سيبقى موجود مهما حصل , لأنه سوريا خليط عجيب و قد جري حديث بيني و بين اكثر من مدون على موضوع انسجام التدوين السوري إن صح التعبير و هل هو ممكن؟
المدونون السوريون ايضا خليط عجيب , و ما يميز هذه الخليط انه لا مثيل له في الدول المجاورة , و ايضا النفسية السورية التي ما زلت اعاني منها و افتخر بها بنفس الوقت

سوف احاول الإختصار ما استطعت ,
الخليط عائد لإختلاف الإنتماء , التربية و مكانها , الأفكار , طبيعة الحياة , مكانها ,الثقافة , الدين ( إن وجد) …إلخ

المدونون السوريون حاليا
مدون مقيم في سوريا ,
مدون مغترب و يتردد على سوريا بفترات قصيرة
مدون مغترب و بتردد بفترات بعيدة على سوريا
مدون مغترب لا يستطيع العودة إلى سوريا

بإمكان اضافة احد هذه مقابل كل اسم فقط واحدة ( مسلم محافظ , مسلم ملتزم ,مسلم بالهوية , ملحد , علماني , مسيحي , اخرى )

اضافة للغة متعدد الإختيار ( انجليزية , عربية , فرنسية )

دراسة ( طالب ,خريج معهد , جامعي , شهادات عليا ) لم التقي بطالب مدرسة سوري يدون إلى حد الآن

الدراسة الأساسية ( مدرسة عامة , خاصة , خارج سوريا , مدارس اجنبية )

التوجه السياسي ( لايوجد , مصلح , مؤيد , معارض , ضايع )

اهداف التدوين متعدد الإختيار ( شخصي , سياسي, مقاوم, فزلكة , تجربة )

على العموم الفكرة بالطرح يلي فوق انه الكل بختلف عن الكل بطريقة او باخرى , و بالنهاية تجد انه هناك نوع من التحيز و التجمعات و هو امر طبيعي , فتجد ان من يدون باللغة الإنجليزية يصبح في دائرة ما تلقائية و من يدون بالعربية في دائرة اخرى , و من ثمه المغترب مع المغترب … إلخ و تبقى هناك حلقة وصل (بالرغم من انها ضعيفة ) , و لكنها موجودة

يلي بدي اوصله انه التدوين امر شخصي و هوة عبارة عن اناس ولكن على شكل صفحات إلكترونية , و كل إنسان إله طبيعة معينة شخصية و الكثير من الاشياء , فالمدونين يرغبون بالكتابة باللغة الإنجيلزية لهدف ما , و اخرون باللغة العربية لهدف مختلف عن الاول , يعني ل كل شخص هدف خاص من التدوين (هيك بفترض ) و اسلوب برتاح عليه !

لتجيمع هيك خليط و تخلي متجانس , بدك تلاقي هدف مشترك بينهم , هلأ على المعطيات يلي عندي و على عدد المدونين السورين يلي إلتقيت فيهن و تحاورنا و بالإطلاع على ساحة التدوين و الخلاصة
الإنسجام بينهم بدون هدف واحد واضح , امر شبه مستحيل !! و سيبقى الحال على ما هو عليه ( دئ المي و هي مي)ء

هاد بدو يغير النظام بطابع إسلامي
وهاد بدو النظام يصير عادل بدون طابع ديني
وهاد مابدو كل النظام
ويلي ما بدو دين او إرتباط ديني اصلا
وهاد معارض للحكم , موالي لمدري مين
و هاد بدو نظام عادل و بس
و هداك مو سائل عن شي المهم ينام مرتاح
و التاني بدو يصلح البلد من بعيد و ما عمره دخلو , وبحكم على “لي بسمعه” و بس
و هي بدها حقوق انسان مفتوحة بغض النظر عن النظام
و بنط واحد تاني بإلك حقوق المرأة اهم من كل شي

و بد بجي مدري مين بإلك وين العدل و وين الحرية و المساواة
و يلي بإلك التدوين يجب ان يكون رسالة و موجه , و قواعد لتدوين
و يلي بحط قواعد و بيعمل حالو ابو الفهم و مالو بالقصر إلا من مبارح العصر

ويلي بغار على قضية معينة و بتسرع بالحكم و مع ذلك ما بخلص من الحكي
ويلي لما بتحاورو بطلع عليك بالعالي و بيعاملك بسخط

في من النقاط اعلاه اشياء مشتركة بالتدوين العربي مو بس السوري

و كل واحد بغني على ليله و و بعتبر حالو صاحب قضية مختلفة عن الأخر و بالنهاية بتلاقي كل هالمشاكل( اذا اعتبرناها مشاكل) موجودة منذ الأزل و الكل بنسى انه هي مشاكل عالمية مو بس عربية و انه ما بتنحل هيك

كل الأنظمة فيها فساد , و كلها غير عادلة , و حقوق الإنسان مهدورة من اميركا الراعي الرسمي والأب الروحي و جر لباقي الدول!!!ء نحن اسوء شي؟؟ ما ظنيت!

يعني كأنو يلي عم بصير شي غريب و ظاهرة اكتير غريبة , على عيني وراسي الكل بحب انه الشي يتحسن و ينصلح ! حلو تمام و الشغل حلو و تمام التمام انه الواحد ما يعد ساكت و ما يعمل شي , بس مو لما اتكون حضرتك صالح ؟؟ مو لما تكون عندك استعداد تتنازل عن شي مقابل شي مو لما انا اسمع منك كون مقتنع انك فعلا انسان محترم و صالح و اهدافك نبيلة و صاحب قضية !!!!ء

مقولة ل غاندي : إن الأرض تكفي لحاجات كل فرد وليس أطماع كل فرد

طيب مو الأحسن الواحد يبدا بحالو اول شي و بعدين بأهله , بأقاربه, و بحارته, بقريته , ….إلخ

يعني التدريج شي حلو و هو الأساس و الصح , كل هل حكي و بعبعة اذا ما كان في تغير ذاتي و إصلاح ذاتي , بعمرنا ما منغير شي بالبيئة يلي نحنا عايشين فيها و نط من فوق الأساطيح ( جمع سطح) ما بجيب غير وجع الراس , لأنه البني ادم بدو يضل يلحق شهوته لتجيب اخرته

و متوقع انه في عدد هلأ بحطني على الائحة السوداء اي تنويه او تصحيح مرحب به

التعليق من مجهول مرحب فيه بس على الأقل الإيميل يكون فعال , غير هيك لن ينشر