كيف الحال؟ و شو الأخبار؟
الي زمان ما كتبت شي, اوضاعي غير مستقرة نوعا ما , و كل ما اجي بدي كتب شي ببطل , او هي خلص ما بعود جاي على بالي
رمضان تمام التمام الحمد لله , عم بمر اليوم بسرعة و شي ظرف :( للأسف صرنا بالعشر الأخير يعني رمضان عم نودعو ,
و العالم برمضان مشغولة كل العادة بكل شي , من شو تعمل على الفطور ,وين بدها تسهر و مسلسل باب الحارة الجزء 3 4 5 6 و ابو حاتم و ام حاتم , و جميلة و معتز الأبضاي و و كل الشلة , من العقيد ابو شهاب ل المشكلجي ابو غالب
و بما اني شامي , ف ما صفي حدا إلا و سئلني ليه موتو ابو عصام ؟ شو في شو صاير؟ كانو انا الموفوض او المندوب !! يعني كل عادة بتكون شغلة مصاري …
على العموم لازم نحن ننتقد كل شي و ننكش عيوبو أول بعدين اذا صفي وقت منشوف الحسنات , كل يلي انتقدو باب الحارة مسكو موضوع المرأة و انه حقوق و ما حقوق و رجعية و تخلف , طيب شو رأيكم انه هاد مسلسل عن تاريخ قديم ؟؟ يعني انه فعلا هيك كان اكتيير اشياء خاصة للمرأة هيك كانو فعلا بشكل عام و في ناس بالشام مازالو على هالعقلية مابعرف ليه محملين المسلسل فوق طاقتو !! وانه حقوق المراة , بدي افهم ليه كل ما يطلع شي بوضح سلطة الرجل على المرأة , بصر تخلف و رجعية!!!
يعني تركو انه كانو يدعمو الثوار , وانه كان يقامو الإستعمار , وانه كانو على بعضن و يسترو على بعض و يعرفو احوال بعض و يساعدو المحتاج فيهم ,وانه كلمة الكبير ما بتصير تنتين يعني مثابة ولي الأمر , و الغريب لما بكون بالحارة لازم يكون له سبب مقنع و بصير داسوس و غير مرحب فيه , يعني مو متل هلأ صرنا بأحياء ما بتعرف شو أسم جارك او شو بشتغل, و الواحد بيموت جاره بالحارة بيعرف بعد اسبوع اذا مو شهر , و الشاطر هلأ يلي بروح ببلغ عن جاره و بشك اسفاين
بالنهاية المسلسل ما دس افكار غربية ولا افكار جديدة علينا مو أحسن من مسلسل نور و مهند يلي عمل كوارث اخلاقية بين الشباب و خلافات زوجية صعبة !! ولا هلأ الكل صار متحضر و بفهم يخزي العين و نسي انه جده كان يحمل سته مسؤولية انه المولود بنت !! وانه جدك و جدي كانو ما يخلو نسوانهم يطلعو من البيت بدون سبب قاهر وانه المرأة مكانها بيتها! و انه الأب رجال البيت و كلمتو ما بتصير تنتين ! هيك كانو عايشين , والمسلسل ما جاب شي من بيت اهلو
ما بحكي انه المسلسل كامل بس إلو ايجابيات و اله سلبيات , بس انا شايف ايجابياتو اكتر بكتير من سلبياتو
و هلأ صار عيب انك تتفرج عليه للمسلسل !!
بتبابع باب الحارة ؟
يعني
يازلمة مسخرة , انا مش عارف الناس ليه حابينو ؟
زوقهم صعب شو بدك تعمل انه بس يطلع غمض عيونك بكون احسن
متفق معك الي حدا كبير..
يعني المسلسل ما في خطأ لأنه يحكي فترة قديمة..
بالإضافة إلا أنه بجانب قوة الرجال في الخارج والعاراكات إلا أنهم حنونين مع أبنائهم وزوجاتهم :)
تحياتي
أحمد نذير بكداشs last blog post..بدنا حدا يدفش القضية
غير انه الجزء هاد مش ممتع ولا في شي جديد
يعني بس صار سلسلة من الاحداث ونفس المشاهد بس بغير حكي وكلام
صرنا ماشيين على مبدأ يا طخه يا اكسر مخه
يعني يا اما بحكو شو هاد والمسلسل ما بنحضر فيو قمع للمرأة
يا اما بخلو النسوان من السته للسته بالشغل؟؟؟؟
انا بنت وشايفه المسلسل وشايفه انو اعطى المرأة حقها وصانها متل ايام زمان
, صح ما الها هديك الطلعات بس مسؤوليتها بيتها وولادها وزوجها… بس هيك الاصل
eNASs last blog post..Between the life part 2
يعني مسلسل باب الحارة حلو وفي افكار حلوة كتير
بس هالجزأ شوي بايخ صار
وطول لسان الستات صار زيادة
هلأ هوة الحكي مو مشان شي , بش مشان العالم يلي من خارج سوريا يعني عرب مو سوريين ما تاخد فكرة سيئة عن المرأة أنها لتاتة وما بيفوت لسانها لحلقها
لان بهالزمن هاد في هيك وهيك
وحتى بهداك الزمان اكيد في العلاكة وفي المرباية بس هنن مو مطلعين غير اللي بتلت وبتعجن عالفاضي
بس في افكار حلوة متل شهامة الرجال , مهذبين ما في مياعة في اخلاق حلوة
وقصة الثوار متل ما حكيت
el 3alab bas bedha tenqod w t3alle2 la2enno 7ayaton fargha ma 3andon shi gheir heik ye7ko feeh
KJs last blog post..Genetically Reversed XD
المسلسل ظهر بإقل من العام السابق ، للأسف
ولكن مازال منافس ، سواء من خلال الفكر و الطرح وتجسيد الشخصيات
وأتوقع آخر سطر حل أمثل :)
females last blog post..أبي طااااش
Musalsal bab el 7arah ana batab3u… leeesh la2 ya3ni, w zay ma 2olt 25i muoffa2 2elo 2ejabeyyatw salbeyyat, bs yemkin 27san shee ban3arad 7aleyyan, w b3deeeen bel nesbih lal mawdoo3 taba3 el mar2ah, ana shayif enno bel 3aks, homma mla6feen el jaw shway bema enno el musalsal 27dasu fe fatrah tare5eyyih 2adeemih shway.
hishams last blog post..reha aşk çiçeğim & some old Turkish Music
أحمد نذير بكداش
شكرا على المرور :)
eNAS
مشكورة على المرور :) و الأفكار مختلفة بالمسلسل , بس اكتير بأكدو انه الأفضل للمتابعة , اكيد بفضلو على قصة حياة مغنية ” اسمهان” يعني شهر فضيل مو مشان يعرض سيرة حياة فنانة
على العموم , انا ما بتباع و ماعندي اشي اسمه لازم :) ان كنت اعد بحضر و ان كنت برا البيت خلص
rana
تمام , هي نقطة اكتير مهمة انه فعلا اختارو الأمثلة بالنسوان الأويا و الرداحات , مع انه هاد الشي زمان كان ينتقص من قيمة المرأة لما تكون بهيك طبع
KJ
Shatoor :P 6/10
female
اكيد بأقل لأنه الأفكار صارت بنفس القالب و كل شخصية انعرف طابعها :) , مع انه زادو بعض الشخصيات بس لسا بدو اكتر من هيك ليصير بمستوى السنة الماضية بلإضافة للخروج الممثل عباس النوري ” ابو عصام” يعني الزلمة إلو شخصيتو :)
و شكرا على المرور :)
hisham,/b>
ya zalemh tabe3 wala t hoon :D
الموضوع انو شعبنا دائماً بينزع للتقليد، يعني ما فينو يكون مشاهد بدون ما يتأثر، هديك السنة تخيل على المسخرة، شب مراهق قتل رفيقو لأنو كان عم يطلّع على رفيقته، يا أخي قبضاي، هدر الدم صار مافي أسهل منو.
والفكرة كلها متل ما قلتلك انو شعبنا مشاهد متفاعل، يعني بنت شافت مسلسل نور، خلص صار بدها بوي فريند وبدها تطلع وتنزل وما حدا يسالها لوين، وإذا حاولت تسألها ها، مجرد سؤال، يا ويلك.
شب شاف باب الحارة، خلص، اذا شاف أختو عم تحكي مع واحد، بيقوم بيشختها على البلوعة [حقيقة صارت، شب سوري قتل أختو بسكين، فصل رأسها عن جسدها وتبين أنها عذراء = جريمة شرف !!!].
نهاية بعتقد سواء كان نور أو باب الحارة، عنصر الاثارة هو يلي بخلي المشاهد يلحق المسلسل، سواء كانت اثارة انثوية، أو اثارة أحقاد ومواقف، يعني صدقني شعبنا لا همو التاريخ ولا همو العلمانية، ولا همو حقوق المرأة، همو الوحيد هو الاثارة.
وهلا بعودتك.
علوشs last blog post..لماذا يعشق المستثمرين التضخم?!.
يعني انا باعتبر باب الحارة بيحكي عن اشياء موجوده للآن يعني من خلال المواقف وتركيبتها وبصراحه احنا لما منشوف اشي ناجح ما اشطرنا بهده ونقده يعني من متى العرب بيهتموا بحقوق المرأة
مرحبا ..
ياجماعة القصة ومافيها انو المخرج حابب يذكر أو يعمل Reminder عن التراث والثقافة
يعني الزلمة نيتو ايجابية .. بس متل ماتفضلتوا مشاهدنا السوي متفاعل ..
ونحنا بالنهاية صفيان التلفزيون عنا من باب الحارة … إلى ماتيسر مواضيع مناخد منها يلي ناقصنا .. وبرأي قباني أنا .. المسلسل إلو كتير ايجابيات .. ذكرنا بكتير شغلات حلوة كنا رح ننساها ..
ومابدنا نغفل اسلوب الحبكة الدرامية واتقان الأدوار وطريقة الإحراج بهالمسلسل .. ويلي رح يكون واحد من عدة اعمال رح دخل الدراما السورية للعالمية من أوسع ابوابها
Ahmad Edilbis last blog post..هل تريد أن تكون لديك مدونة جيدة ومربحة؟
حقيقة لا أعلم سر متابعة الكثيرين لهذا المسلسل
ولكنني أنا لم أتابعه لأنني لا أحس أنه يستحق المتابعة أو يحوي على موضوع
Ahmad . M . Gs last blog post..تمنى أمنية وهم سيتبرعون بدرهم
i think the first 2 parts where better, and i agree with everything else you said
wonderss last blog post..Stupid ATM machines! Grrrrrrrrr
انا بأيدك يا موفق بالنقاط الايجابية اللي انطرحت.. بس هي النقاط هي سمة مشتركة لكل الأعمال تحت موضوع البيئة الشامية.
بس بصراحة العمل جداً هابط فنياً والديكورات الخلبية الكزبية هون وهنيك بترجع الدراما السورية ٣٠ سنة للخلف. هاد لسه ماحكينا عن آداء الممثلين التجاري والمشقة الهائلة من بعضهم لاتقان اللهجة الشامية.. من ميلاد يوسف (الحومصي) وجرررر
اما ابوحاتم وابو شهاب يضربو هنه واللي حطهم.. اي اكبر منفاخ بالشام مابيحكي متلهم.. منفخة ورجولة مصطنعة!! وبوجئة عالفاضي والمليان.
والحلو بالجزء الثالث دحش كم شغلة حضارية متل الدكتور وشوية ناس مثقفين ليردوا على منتقدي العمل بالسنتين الماضيتين
والشغلة الأخيرة اللي مالا طعمة اسماء الحارات!! شو ضبع وشو بسة وشو فرّي؟!؟ ايمتى كانت حارات الشام بهالأسماء!! ليش مايحكو صراحة شي اسم حارة حقيقية متل الخلق
طبعا التفسير المنطقي لاعجاب الجمهور العربي بالعمل هو نفس سبب اعجاب هاد الجمهور العريض بمسلسل الحاج متولي ومدري شو!
نصيحة: انا مابتابع مسلسلات برمضان الا لقطات هون وهون.. بس “اهل الراية” مبين محترم.. و “ولاد القيمرية” كمان.. وفي “بيت جدي” كمان مبين ظريف
وبيضل العمل الخالد “أيام شامية ١٩٩٢” سيدهم كلهم
وعذرا للإطالة
http://www.youtube.com/watch?v=cVQ5pPtJDCA&eurl=http://www.jazarah.net/blog/
ˆˆ
husseins last blog post..Arabic calligraphy workhshop 3.0
تعقيباً على رد / سوزان / العرب من زمان مهتمين بحقوق المرأة
وخاصة ديننا الإسلامي أعطى المراة حقّها ولم يغفلهــــا
كتير استغربت ردك
Ahmad . M . G
اهلا بك اخي :)
لهلأ ما عم لاقي شي محرز بالتلفزيون بشجع المتابعة لا برمضان ولا بغيرو انا بتفرج التلفزيون بالمناسبات بس :)
wonders
yeah its always like that :) the first is better then it get worst
hussein
اكيييييييييييييد ايام شامية احلى شي مو لأني شاغوري بس هيك
لأنو كان إبداع عنجد
rana
لا تستغربي ردها :) كلامها مزبوط العرب غير المسلمين لأنه المسلمين صايرين بالإسم وبرأي اذا بدنا نمشي على دينا الإسلامي صح في اكتييييييييييير شغلات مقصرين فيها بدأ من حقوق المرأة المنصفة ل اقامة الدين و غيرو
بصراحة هي السنة بالذات ما تابعت شي ولا مسلسل لأنو كل رمضان نفس الحكاية بالنسبة للمسلسلات..عندك مسلسل شامي و واحد تاريخي ضخم و واحد أصة شي فنان راحل ومرايا وبقعة ضوء وشي مليون مسلسل سوري بقصص المجتمع نفسها.. نفس السستم كل مرة ….يعني الشغلة صارت بايخة ومملة …بالنسبة للبرامج أحلى شي ويلي في ايجابية عنجد ونحنا محتاجينوا هو عمرو خالد وأحمد الشقيري ف برنلمجهما الرائعين والهادفين..(عمرو خالد:قصص القران (بشكل مميز طرح القصص وبوجهة نظر رائعة)وأحمد الشقيري :خواطر )كمان كتير برنامج حلو و ما بياخد من وئتنا كتير 15د,وبنصحكم تشوفهم على قناة الرسالة ..شكرا
الله يسامحكم لأنكم اسبعدتم أبو عصام وجميلةوخيرية
وكمان عندي سؤال هل تريدون إرجاع أبو عصام
على المسلسل علشان معتز يتجوز خيرية
ارجو الرد حالً