يغيظنيي مصطلح ” رجل شرقي” وكأن الرجل الشرقي هو حثالة رجال العالم , الرجل شرقي ليس كاملا الصفات ولا يوجد انسان كامل , فلا ادري لماذا يطلق على هذا اللقب عليه الرجل عندما يتحدث في بعض الأمور المتعلقة بقضايا المرأة “اللتي لا تعجبها” و ينتهي الحوار ” أنته رجل شرقي لن تفهم ” أو هذا لأنك رجل شرقي”
المرأة الشرقية , مصطلحي الذي سأبدء استخدماه لأنهاء الحوار
يعني وين الفكرة لما بنت تلبس مكسم و تتمكيج و ادُوزن حالها و عطر و كلو من كلو بتع كلو و تمشي بشارع و تتمختر و تنزل على سوق الخضراوات سوق الخضراوات الشعبي ” يعني بسطات خضرا اماكن ديقة للمشي و عمّال اكتيير ” و يجي واحد او أكتر من واحد يلحشلو شي كلمة عليها (يعاكسها ) , بتأولم حضرتها بتردح و بتعيط
(تصرخ) و بتبهدلو و بتقلل من ايمتو أدام العالم و بطلع الشب : نوري ,مالو مربى , ماعندو أخلاق , ما عندو أهل, سرسري , بدو قص للسان , متوحش ,همجي كلب إبن كلب و عمرو مالو شايف بنت أزعر , و بدها اتجلبو الشرطة و تمسح بكرامتو الأرض لأنه إلها الحربة بللبس متل ما بدها … ألخ من الديباجة يلي حافظينها البنات
لك شباب ادن و دلئن و مزبطين حالن بخافو يفوتو على السوق خاصة انه هلفترة ما في حدا عم بوفر
شب بنت كلو بيشتغل معو ولا القطعة , شو هالجنان هاد
ردي عليها
انتي امرأة شرقية و بس …..
للبس + مي كب (المكياج) + العطر + مشي بالأسواق العامة المختلطة =معاكسات من الجنس الأخر باكج وحدة هيك بتجي
غصب عن الراضي والزعلان , هي هيك المعادلة من يومها هيك ما بتتغير , للبس المغري او متل ما بسمو المثير لشو ؟ يعني لمين انعمل اصلا ؟ شو هدفو ؟ واضح أغراء + اثارة , بس لمين ؟ للرجل , صح , ولا للأطفال ؟ طيب شو يعني ؟؟؟ ليه المرأة الشرقية رافضة الفكرة, يعني بدك اتكوني على 24 و مابدك تسمعي ولا كلمة ..
و عم يعملو برامج عن المعاكسات و التحرشات ويطلع الرجل الشرقي متخلف و مابفهم و عمره مو شايف مرأة و تفكيره غير سليم , ههههههه
صحيح إنك أمراة شرقية اذا بدك اتقلدي الغرب و ما تتحملي النتائج
الغريب بالموضوع انه عند الغرب يلي هنن جابو هي الموضة و اللبس لعنا , البنات الغربيات بطير عألن لما حدا بعاكسن و بتحركش فيهم , و عملو برنامج كمان انه شو شعورك لما حدا بعاكسك , طلع اكتر من 80% منهم بحسو بشعور جميل و كل ما عاكسها شباب اكتر كل ما دل على انها جميلة و مرغوبة اكتر من الذكور .. و هذا يعطيها شعور جميل و ارضاء لذاتها …
غريب ليه الرجال بعاكسو البنات بالغرب مع اننن شايفين اكتير , و منفتحين … مدري ليه يمكن لأنه عندهم نفس الغريزة يلي عند باقي الرجال …
ليه يلي بحدد ملكة جمال العالم حكام رجال على الاغلب مو نساء؟ و ليه تصاميم الألبسة النسائية الاكتر شهرة صممت من قبل رجال , وليه البنت بتهتم برأي الشب ب لوووك تبعها اكتر من رأي البنت ؟
ما بنكر انه في رجال عرب بزودها اكتيير و بتجاوزو الحدود , بس بضل الموضوع من الطرفين ما حدا
بقدر يحط الحق على التاني ,
————————–
الكلام أعلاه رأي شخصي
كلامي لا يعني انه ما في ناس بتزودها بالمعاكسات و فعلا بدها قص للسان ,
و كلامي على وجه التخصيص لكل فتاة بتطلع على الشارع كأنها رايحة على حفلة و بتزعل من كلمة
شو يا حلوة او إيش يا طقع دخيلووووو
Loading ...
ياعزيزي,
رجل شرقي مش هيك معناها!
الرجل الشرقس هو اللي بغار ع أهل بيته, اللي مابهون عليه إمو وأختو وزوجتو…الخ
اللي بعامل بنات الناس متل خواته, واللي مابرضاه لخواتو مابرضالهن إياه..
الرجل الشرقي اللي بس حدا يطلب منو مساعدة بساعدو مابلفّ وجهه وبظل ماشي..
باقي الموضوع مابختلف معك في ولا كلمة فيو..
Adoosh’s last blog post..Presentation Skills
الغريب انو هدول البنات نفسن تعا وشوفن بالبيت، شعر منكوش وريحة قلي وطبخ، وبجامة مهرتكة ومبهبطة.. انا بقول الحق على البنت، ازا كانت مسترة تعا وواجهني وشوف كيف ما حدا بيعلق عليها، واللي بيعلق عليها بيكون بدو قطع راس مو بس قطع لسان.. على فكرة، انا بعتبر الرجل الشرقي هو الرجل اللي بيحافظ على شهامته ونخوته وهاد طبعا افضل انواع الرجال
بس عند اكتير منهن , الرجل الشرقي هو الرجل المتخلف يلي راكض ورا البنات و يلي عمرو ماشاف بنت لابسة حفر او تنورة على قولتك فوق الركبة ب 3 كم , و يلي غير منفتح على الحرية الغربية و يلي لازم يكون فرييي على الأخر و يكون كيوت لما يشوف الغلط
انت معناه مو فاهم المرأة الشرقية. الموضوع بسيط وحأغني "راب" ميوسك
اللبنت العربية
لما تلبس لبس السهرة
وتنزل على سوء الخضرة
بدها ترجع بقصة
كيف شباب الحارة
ما سابوها بحالا
من كتر جمالها
ياي ياي ياي
elle sha3rato shaabooo…yet7assar 3a shababbooo !!
”al rajul al sharqi” is a very wide expression…in th way you metioned in this post….I think it is a complement to be one. And it is a blessing and a good thing if the husband or the borther is one.
أهلا و سهلا بك
Abed Hamdan
Jumana
actually that what MANY say about US , the FREEDOM they ask for , girls want to go naked in the street and if any Man say a word it consider a Stupid “mota5lf ” rajol sharqi
الرجل الشرقي هو شخص محترم ومعروف بالاخلاق الحميدة وهاد الحكي يلي عم يصير بسبب التقليد الاعمى للغرب من دون اي تفكير بالنتائج وللاسف عتبك عليي بيرد او بيقتنع وخاصة هدول البنات يلي بيطلعو هيك بالطريق .. موفق انشالله يا موفق:)
I was having a conversation with someone the other day, and they responded at one point by saying my ideas were typical middle-eastern. They meant it in a very negative way, and did not add anything else to the response as if it is enough to say "you are middle-eastern". It’s like it was equivalent to them to "You are a dog".
Hani Obaid’s last blog post..T.A.G. 241 - Why I Blog & 10 Random Facts
good point wallah
i agree with you 100%
and about western girls…not only do they like it…they actually say THANK YOU when they get compliments
Ghasheema’s last blog post..Emotional Bomb!
طيب
هلأ كلمة رجل شرقي كلمة كتيييير كبيرة… متلها متل كلمة رجل غربي… و مرأة شرقية و مرأة غربية كمان نفس الشي
الرجل الشرقي مو متخلف، ولا الرجل الغربي متحضر
تنيناتهم بيجو بكج كامل بحسناتو و سيئاتو
الرجل الشرقي يمكن بيهمو انوثة المرأة و شكلها أكتر من عقلها لأنو أصلاً بيآمن انو القوامة الو و انو هو صاحب العقل و انّو المرأة كائن حي لشغل البيت و التدليل
الرجل الغربي بيهمّو كتير عقل المرأة و بيشوف الجانب الانساني بالمرأة اكتر من الرجل الشرقي، لكن بيتوقع من المرأة انها تكون ندّ و تتحمل المسؤولية معو
المرأة الشرقية أفضل نموذج لالها هو نساء باب الحارة… سترة و حشمة برّا البيت و جوّا البيت على سنجة عشرة… بتريّح جوزها و بتدلّلو و بتهتم فيه لكن مافي مجال يفتح معها حديث لأنو عالمها محصور جداً بحيطان البيت
المرأة الغربية اكثر ثقافة و أكثر انفتاحاً و ممكن زوجها يتحاور معها بأي موضوع بالدنيا، لكنها اكثر أنانية، و ما بتتوقع منها انها تتفانى لزوجها و أولادها
طبعاً بيضل كل اللي ذكرتو نسبي…
و مشكلة شباب و بنات اليوم انهم مو عارفين شو بدهم و بيناقضو حالهم
البنت بدها تلبس كفتاة غربية و بتتوقع من الشباب يعاملوها كغربيين، لكن لما بدها تتزوج بدها زوجها يدللها و يهتم فيها كشرقي و مش مستعدة تتحمل المسؤولية معو
و الشب بدو البنت تساعدو و تحمل معو مسؤولية البيت و المصاريف، لكن بدون ما يساعدها بشغل البيت و بدو اياها كمان بالبيت دايماً لابسة و نضرة و متمكيجة و مشخصة
هاد الحكي ما بينفع
البنت اللي بدها تلبس كغربية بدها تكون نفسيتها كمان غربية و تتوقع معاكسات و تعترف انها بتلبس هيك مشان تلفت النظر
و الشب لما بدو يحكي مع البنات بشكل منفتح و يعتبر انو اهل للثقة بدو كمان تكون نفسيتو غربية و يثق بالبنت، مش يخنقها بالغيرة كرجل شرقي
ف يا اما شرقيين 100%، يا اما غربيين 100%… أما هيك مسوخ لا نحنا هون و لا نحنا هون ما بيزبط
العولمة يا عمي دبحتنا بمصلحات وبتصرفات غير شكل
رجل شرقي = تخلف
امرأة عصرية= التشلح
اخر موديل=شو لابسة الممثلة الفلانية
الجمال= عمليات تجميل
الرجل=بدوش الا سوبر موديل
المرأة= بدها براد بيت او جورج كلوني
وكتير وكتير تخابيص
يا ريت كلنا شرقيين مضبوط
nana’s last blog post..وقفة تقدير ….. ليك يا مصر
شرقي… غربي… الأرض كروية
(إذا سمعت هذا المصطلح السخيف مرة ثانية رد وقل: شرقي؟ أنا لست صينياً!)ه
أما عن المعاكسات، هناك رجال يا أخي يعاكسون أي شيء مؤنث، حتى لو كانت قطة أو فأرة، فما بالك إذا كانت امرأة
يعاكسون المحتشمات واللابسات الحجاب واللابسات الخمار، يعاكسون الجميلة والقبيحة والتي شعرها مسرح ومنكوشة الشعر، الطفلة والعجوز والحدباء
المهم أنها امرأة والسلام
وهؤلاء لا ينفع معهم أي احتشام في الدنيا، وأي احترام في الدنيا. تضطر البنت إما لتجاهلهم، كأنها لا تسمع شيئاً. فإذا تمادوا فماذا يبقى أمامها إلا الردح؟
مع هذا أتفق معك أن لكل وقت ومكان لبسه، وأن من تلبس ميني جيب وتتزين وهي ذاهبة لسوق الخضار حمارة لا تفهم، تماماً كالتي تلبس جينز وتذهب إلى حفلة عرس. إلا بالطبع إذا كانت تقصد لفت الأنظار إليها وجذب المعاكسين نحوها!!!ه
ياسمين حميد’s last blog post..ظاهرة جديدة ومؤسفة
ولو إنو باعتقادي مفهوم الرجل الشرقي أو الغربي تم اقصاءه بفعل العولمة، خصوصاً لم بتعرف إنو هوايات المراخق العربي هي نفسها في اليابان ونفسها في أمريكا بفعل تنميط العادات الاستهلاكية.
صراحة ما بيهمني أي مصطلح يتم وصفي به، ويلي بيراسي رح أعملو، تخلف، بطيخ مبسمر، طز، أنا هيك.
ما ذكره أدوش، أتفق معه بشدة، وهذه ليست مواصفات الرجل الشرقي، هذه مواصفات الرجل المحترم.
أما عن المعاكسات، فبعتبرها حلوة، خصوصاً إذا كانت معاكسات غير مباشرة.
وطبعاً كل ما ارتفعت التنورة وزادت شفافية الألبسة بترتفع عيار المعاكسة وتصبح أكثر مباشرة، وهذا شي طبيعي، لأنو أي شي متطرف، بدو تطرف يوازيه حتى تتوازن المعادلة.
علوش’s last blog post..على أبواب التخرج…
فعلا موضوع حساس وتقريبا بشكل يومي بشوف هيك عالم, انا لما اسمع رجل شرقي اول ما بيجي ببالي هوانه هاد الانسان بخاف على عرضة وبغار علية وبفكر انه اذا عمل شغلة هيك او هيك رح ييجي اليوم وتصير مع اخته,امه ,مرته …واول ما بيجي باله “كما تدين تدان”
بس للاسف في كتير ناس سخيفين,والله يا موفق في شباب ما بتفرق معهم الوحدة وطريقة لبسها بس حياللا برمو حكي…حتى بالجامعة في متخلفين , بس فعلا في بنات ما بخافو الله بلبسهم اي اذا انا شفت وحدة هيك لابسة انا وصحباتي بنصير نتفرج عليها ونحنا مندهشين ……….!!كيف الشباب
ومش بس اللبس طريقة المشي والضحكة واسلوب الكلام كمان يعني فعلا كانها بس بدها تجلب الانتباه…وفعلا هاد اللي بصير
eNAS’s last blog post..Finally…The Tag
وقد كبير في عطلة نهاية الاسبوع!
drama diva’s last blog post..Hola España, Adiós Frankfurt
have a great saturday ahead!!
drama div@’s last blog post..Hola España, Adiós Frankfurt
موفق
اسمح لي أن أكتب رأيي المتواضع
فقد أثرت أنت نقطة هامة جداً
و الأخوة المعلقين أثروا الموضوع بآرائهم و فكرهم الواعي.
على فكرة مع أنني ضد نظرية المؤامرة شكلاً و مضموناً
و لكني أستطيع أن أجزم إلى أن هناك أيدي خفية تريد تفريغ مضامين قيمنا و أخلاقنا و عاداتنا من كل ما هو جميل و غني و محترم.
فأصبحت كلمة رجل شرقي تساوي الشتيمة, و لكنها بالحقيقة هي صفة يا ريت جميع الرجال يتحلون و يتصفون بها.
لقد أًصبحت مفاهيمنا الحياتية تتجه نحو التضاد و العكس.
و كل الموضوع ينتهي بكلمتين فقط:
غض البصر.
و للأسف نحن أصبحنا في عصر يتعرض فيه الشباب لإغواء الفتيات علناً و على عينك يا تاجر.
و بالفعل أصبحت الفتاة رخيصة لدرجة كبيرة قصدي الفتاة التي تُرخص نفسها.
و العالم من حولنا يريدنا أن نسير في هذا الركب لأنه ببساطه: عااااادي
انظر الى الكليبات و برامج تلفزيون الواقع و شوارعنا ستفهم لماذا جعل الله من السبعة الذين يظلهم الله في ظله يوم القيامة, شاب دعته امرأة اليها فاستعصم و نأى بنفسه عن هذه المعصية الرخيصة.
فالحل ليس مستحيل و هو يعود لشخصية و تربية الشباب سواء كان فتاة أو شاب.
ملاحظة: لقد ذكرت أنك شاهدت تقرير عن شعور الفتيات بالمعاكسة, أتمنى ألا يكون هو نفس التقرير اللي شفته أنا, لأن الفتيات الواتي أشدن و سررن بالمعاكسة, يستحق من يعاكسهن جائزة عبارة عن دواء مضاد للغثيان قبل المعاكسة و بعدها ههههههههههه
laila’s last blog post..عتــبٌ على الأيام
ياسمين حميد
اهلا و سهلا بك
I don’t like it how some men seriously almost harass a woman on the street, but then again my friend tells me "ma el benet is asking for it".
Fi shabab beddon a9 lsan w banat biddon khayyata la hal tannoora el nes kem.
KJ’s last blog post..Waiting at the Airport
يا زلمه ليش أنا دايما متأخر
مع اني قريت الموضوع 3 مرات قبل .. بس كنت أخايف أعلق أول واحد و بعديت هات قطّب
بصراحة التعليقات و المعاكسات عندنا بالأردن "مشكلة" عامة و مزمنة … ما بتسلم منها لا بنت محترمة و لا بنت لابسة لبس محتشم و لا صغيرة و لا كبيرة .. طبعا أنا بقصد لما يكونون الشباب قاعدين على جنب الطريق و نازلين بالرايحة و الجاية
بس برضوا مرات في بنات بطولوا التعليق من قاع العلقوم .. يعني بسحبوا الكلام سحب بلبسهم و مشيهم و سلوكهم .. طبعا هذا ما ببرر المعاكسات كمان
و على فكرة البنات الأجنبيات بالغرب بحبوا يسمعوا التعليقات و المجاملات كثير .. و ممكن تكون مع جوزها أو صاحبها كمان … و غالبا بتمزعك شكرا و ضحكة قد البلد .. بس برضو هاي عبارة عن ثقافة اجتماعية لأنه البنت بتفترض من الكلمة اللي سمعتها مجرد مجاملة أو أعجاب .. أو طريقة لبدء الكلام .. وهاذا الكلام كله مقبول اجتماعيا
بس ببلد زي الأردن المعاكسات المفروض المقصود منها … بلاش نكمل أحسن
ِAmjad’s last blog post..بدون تعليق