شو مشان العجئة بالبرد!!
صباح الخير!
طبعا الطل بيعرف الأوضاع الجوية السائدة في المملكة الفترة الماضية ! يلي بصراحة اكتير مزعجيني و كل مرة بصير , هو وين المشكلة بالبرد و المطر و التلج؟؟؟ في مشكلة فيهن ؟يعني ليه العالم بتجن وقت المطر و التلج !!
ليه المحلات بتسكر بسرعة , و العالم بالضوووج وكلو فوق بعضو , و عجئة و اكتيير شغلات بتلتغى مواعيد ,زيارات, مدري شو وكل ما تحكي مع حدا بإلك برد , الجو , ما انته شايف , يعني هلا اذا نزل تلج الكل لازم يسكر و يهرب , علما انه التلج ما بجمع اكتر من 10سم هاد اذا جمع!!!!!!!!ء
شو مشان انه في شي غلط بمخ الناس !!! يعني مو هيك
صاحب شغل قال: والله ما انته شايف كيف الجو , خلص , خليها لوقت تاني منشوفك على رواق و دفى (علما انه بشركة فيها تكييف و تدفئة و على شارع رئيسي و الساعة كانت 12 الضهر )
شوفير التكسي : شوارع مي (استنتاج فظيع خارق لما يكون جو مطر و يحكي هيك) و فش حركة الواحد يروح يصف سيارتو و ينام بالدفى احسن , وعلمك مصورفها بزيد بشتى و منيح يلي منلاقي ركاب , وانا منيح مني يلي شغال بهيك جو مفكر اروح اصفها على بابا الدار و اقعد مع الأولاد احسن من هلقرف
و الشوارع بتفضى والأسواق بتسكر , و العالم بتختفي , مو من قليل الكهربا ما بتتحمل الكل بركض على بيتو , تلفزيون و اكل و دفاية , كل هلعالم
يعني وين المشكلة اذا العالم اشتغلو بالبرد !! يعني بموتو بمرضو ؟ ليه بشترو جاكيتات للمطر و كنزات صوف و لبس شتوي و جاكيت عشرين طبقة و مبطن , اذا وقت ما بنزل مطر او برد او تلج بروحي بعدو جوا البيت و ما بتحركو برا ليه بشترو هيك شغلات خلص بلا منها !! مافي داعي تشترو شتوي خليكم بالبيت وقت البرد و انتهى
صيف , أعياد , ربيع , عطلة نصفية , و هيك ,و لما يكون في برد و تلج كلو بسكر يعني فوق هالهم خود هالهم , و الغريب انه الكل بحكي انه ايه عادي
لك شلون عادي!!!!!!!!!!!!!!!!!!!! فهموني حدا يعطيني سبب منطقي ليه الناس بتهرب من البرد و المطر بهيك اوقات!! يعني مابعرف عم فوت بالحيط انا , انه جدلا بدي انئبر على ألبي اشتري شئفة جاكيت لك كلووو مسكر بدي حوص من الحسين لصويفية لمدري وين للاقي حدا فاتح اشتري جاكيت من عندو و لك ياريت متل ما بدك لأ بتشتري غصب لأنه مافي غيرو فاتح!!! مو بس هيك وعلى اكتر من شغلة
برجع و بحكيها الشعب دلوع و دمه باااااااااااااارد لا اقصد اهانة بس والله هاد الحكي اذا ضل هيك مسخرة و لا بعمرنا منصير زلم,
الدول الغربية مثلا بحسبوها على كم ساعة شغل و زعلانين انه عندن يوم عطلة بلإسبوع , هون الكل بدو يوم واحد دوام والباقي عطلة
من كتر ما بشتغلو و بتعبو!!!!!!!!!!!!!!!ء لازم الكل يفهم انه بإي سوق يلي بحدد كيف يشتغل هوة الشعب الناس لما الناس بتروح و بتجي و بتتحرك وبطلع من بيتها و تتصرف عادي , ساعتها صاحب المحل بضل فاتح و التكسي بشتغل و التاني بتسبب يعني بصير في حركة و بضل كل شي طبيعي !ء مافي داعي نعمل موضوع البرد والمطر شغلة والجو الغائم شغلة متل مصيبة او عيد وطني !
January 26th, 2008 at 11:54 am
.نحنا هيك بنغرء بشبر مي!!عادي
salam’s last blog post..Waking Up To A Foggy Amman
January 26th, 2008 at 3:20 pm
ya3ni ya man el bte7ki feee sa7eeee7, lesssa rooo7 3ala el ma5abez wel kazeyyat, betla2i el nas elli beshtari 5 kilo 5obiz aw jayeb ma3a meeet galan fadi beddo y3abbi kaz t2ool el denya bedha te3′ra2 talj wel kol yen7abas bel yoooot 2asabeee3…
allah be3eeen.
Hisham’s last blog post..Nice One
January 26th, 2008 at 8:03 pm
طول بالك موفق مافي شي مستاهل يا زلمة، صحتك بالدنيا
كنت ناوي إكتب رد طول و معبر بس لانو الدنيا برد قررت إختصر
عم امزح ها لا تعصب
January 27th, 2008 at 12:27 am
والله ما أنا عارف شو بدي أحكي غير إنو نحنا الشعوب العربية شعوب متخلفة وعمرنا ما راح انصير للأسف
January 27th, 2008 at 12:35 am
عنجد هالشغلة بتجاكر ! هداك اليوم كنت طالعة انا ورفقاتي ، قام قاللي بابا لوين ؟ في حدا بيطلع بهالبرد ؟ والله ما بيطلع من بيتو إلا المقلّع
النهفة بالموضوع انني عايشة بالسعودية ويوما كانت درحة الحرارة شي 10 يعني مثلا وين البرد؟
لأ وازا بدك وانا طالعة .. قال: الله يرضى عليكي سمكي، سمكي
Lila’s last blog post..Hijab… To wear or not to wear !!
January 27th, 2008 at 10:28 am
tawel balak :) el3alam bedha 7ijeh to23od bl bet…
wonders’s last blog post..A new member to the blogsphere
January 27th, 2008 at 10:35 am
بتعرف انو انا كمان نفسي أفهم انو ليش هيك؟؟؟
بس أنا بقلك ليش… لأنا مو متعودين عالتلج هاد أولاً، و تانياً لأنو الناس عنا مجانين و نفسياتهم مو مزبوطة… يعني عالسريع أول اشي بفكروا فيه “يا روح ما بعدك روح”… هلأ بتفضى الدكاكين و المخابز و الكازيات و ازا ما متنا من الجوع منموت من البرد!! مهو لكان يا عمّي!!! ازا انت و جارك و جار جارك بتفكروا هيك طبعاً بدك تموت من الجوع و البرد!! كلّو خايف عحالو و فجعان لكان!!!
بعدين أنا بقوللك ليش الناس ما بتطلع بالتلج… لأنو ازا بسيارتك في تسعين مصروع ما بيعرف يتعامل مع التلج و بيسرع و بيعمل فيك حادث، و اذا بالمواصلات فسواقين الباصات ما بيمشوا على خطوطهم!!! انا بتزكّر مرة علقت بالتلج بالجامعة و والله العظيم ولاااااا باص لوادي السي كان في!! لدرجة انو باص مرج الحمام فتح الشباك و سألني: لوين؟ قلتلّو عالتامن، اشّرلي بايدو انّو “تنحرقي” و تركني و راح!!! بلا نخوة بلا حكي فاضي عمّي… ما ضلّ منها هاي… يعني يومها لولا اني شفت وحدة بالشارع بعرفها ساكنة بالبيادر و وصصلتني الله أعلم شو كان صار!!
هيك شعب بهيك نفسيات ما بيلبقلو تلج ولا شتا ولا اشي.. أما غير دول (زي روسيا مثلاً
) متعودين عالتلج و عادي طول الشتويّة عندهم تلج و حياتهم ماشية طبيعي و ما بتتعطّل!!
January 27th, 2008 at 10:44 am
looooooooooooooooooool.. this is hilarious! sha3b dalloo3 jad!
secratea’s last blog post..The Palestinian Heart of Darkness
January 27th, 2008 at 11:25 am
مابعرف.. انا لاحظت العكس في بعض الاوقات!! يعني استغربت من شوفير التكسي اللي كان مبسوط ومروء.. وعم بيشكر ربنا على هالنعمة.. والموظفين بالمكتب عملو من القصة مناسبة ليشربو هوت شوكليت مع مارشميلو
والكل كانوا مبسوطين وسعيدين!! وطبعاً انا كمان.. قعدت امشي تحت التلج مسافة طويلة قبل ماركب بالتكسي.. والمسا بعد ماخلص الفيلم السوري بدارة الفنون.. كانت كابسة ماشاءالله ومن احلى المناظر التطليع عالسما جنب شي عامود كهربا بجبل الللويبدة
هادا الزائر الابيض لازم نستقبلو بالسعادة والنشاط والمحبة.. لان مو كل يوم بيصحلنا نشوفو
ومبروك الثيم الجديد استاز موفق
ˆ ˆ
January 27th, 2008 at 12:15 pm
salam
معك حا بشبر مي
Hisham
that’s things 5ebz o other stuff 7adeeth wala 7araj
mohammad-online
كمان عندكن برد ؟
January 27th, 2008 at 12:18 pm
orangee
مم لا منصير لا تخافي هنن اول 60-70 سنة بعدين بتفرج
Lila
اهلا و سهلا و وين هالغيبة
ايه ردي على البابا و سمكي هاها شو بدك تعملي يعني
wonders
mshan shoo ya 7azreek ??
January 27th, 2008 at 12:41 pm
أححححح، برررردددد، وينك موفق، بسبب موضوعك هاد انا طلعت من مدونتي خصوصي لحتى زورك، يالله خاطرك، راجعة على مدونتي حط راسي ونام، بلا قراية وبلا كتابة، خخخخ
هلأ بالله جد، يعني الواحد بهالمطر بيحب يتأمل ويشوف نعمة ربنا، يعني منطق نروح عالشغل وننحرم من هالشوفة؟؟ خليك منطقي يا اخي
January 27th, 2008 at 12:48 pm
Naryat
اليوم على بالك تكتبي اكتيير مشاء الله , و مو بس عندي كمان لوووول
secratea
Yeah sho bendna na3mel ma3hom!!
hussein
صحيح :) انا كلامي مو عن الكل , بس عن الأغلب , يعني انا مثلا لا تلج و مطر بمنع اني اطلع من البيت
January 27th, 2008 at 12:56 pm
mafgoo3a shekli, mu?
January 27th, 2008 at 12:58 pm
في حدا براسو عقل بطلع بهالبرد؟!
صوبّة.. وكستنا.. وابريق شاي سخن.. و 3 حرامات… وبدنا نروح نشتغل؟!
ملحقين ع الشغل بس تصيّف
Adoosh’s last blog post..الذوق العام
January 27th, 2008 at 1:54 pm
walla mazboot…
even here in Jeddah…it rained for an hour…only an hour…and everyone went crazy…
students didn’t go to schools…maybe be becuae they are not used to this here in Jeddah…but in Amman things should be deferent.
January 27th, 2008 at 4:50 pm
فعلا .. احنا مابنصدق وتيجيها ريحة ثلجة .. نص الشركة بتظل في بيوتها تستنا وزير التنمية السياسية يعلن عطلة :) واللي داوم بكون يتابع مواقع الأخبار عشان مايضيع ولا ثانية بس يطلع الخبر!!
والشغل.. ملحقين عليه
abulyassin’s last blog post..فركة أذن
January 27th, 2008 at 11:05 pm
عنا برد لأنو انا صرت بجمهورية حمص المستقلة من 3 ايام
January 28th, 2008 at 12:25 am
ههه….
أول شي مبروك الشكل الحلو، كتير ظريف.
ثاني شي بدي أعتذر منك اعتذار شديد على عدم قدرتي بملاقاتك بسبب الظروف
وثالث شي باركلي طلعت موادي كلها عدا وحدة.
ورابع شي يا سيدي نحن بلاد الشمس وأنا بكره البرد والشتى، وبعشق الشمس ونور الشمس، أنا خلص قررت أشتغل بالأردن، ههه، أطيب شعب والله.
خامس شي….خلص حاج ما ضل شي…
على فكرة اصبعتي مبروءة وعم أكتب باصبع وحدة طالعة من طرف المشد
علوش’s last blog post..المدونة ستغوص في بحر الامتحانات.
January 28th, 2008 at 10:32 am
Jasmina
والله لو الكل بروح بتأمل و بحس احساس حلو , ما بزعل , بس بروح بحط راسو يا بنام يا بياكل و بضيع وقت
Adoosh
معك حق بس تصيّف , شوب حم ناااااار الجو مين بدو يعرف يشتغل بهيك جو و اذا الشركة مافيها مكيفات , انسى الموضوع
Jumana
well it must be different its not the first time , and its almost snow every year here !!!!
January 28th, 2008 at 10:44 am
abulyassin
اهلا و سهلا :)
دائما ملحقين على الشغل , وبسئلو ليه الإقتصاد تعبان!!
mohammad-online
aha u back home :) nice
علوش
سلامات :)
اي اهلا و سهلا انا بضمن لك ما داوم كل الأيام
January 28th, 2008 at 12:30 pm
أنا عندي كلام عن الشتا يا موفأ..ودي أعبر
مثل ما إنت عارف عندنا في الخليج فصلين بس
صيف وشتا
طول السنة صيف..وشوي عن خاطرنا..قول شهرين شتا
اللي قاهرني الناس صايرة تشتكي
يقولون وايد برد
حرام عليهم إحنا ما صدقنا…
واللي يسمعهم.. يقول من البرد ماشالله نزل علينا ثلج وصقيع
واليوم يا حظي…خاف البرد وشرد
وشكله مو ناوي يرجع مرة ثانية
holacarino’s last blog post..بـــــاتـــاتـــــس :)