الوحدة الوطنية!!!و تسممُيشن
معلش تاخدوني على أد عئلي , بما انه الجو جوا نتخابي برلماني بالإردن و عم اقرا شغلات اكتير هون وهون , و عم ننعزم على غدا و سهرات ,
ممكن اذا حد بإلي شو يعني
الوطن للجميع
الأردنيون أردنيين
يعني واحد متكلف على الأقل شي 300 الف ل نص مليون دينار ,ماعرف يختار شي اوضح من هيك , يعني انا بصراحة بدي حدا يفهمني شلون زبطو هدول الشعارات مع اصحابهم , يعني والله مابعرف
———————
بعدين توقيت ظريف يطلع في 382 حالة تسمم في منطقة ساكب(جرش) اول مبارح مبارح احداث شغب في نفس المنطقة , طبعا طلع الموضوع مي , بعدين لأ , الأعراض تسمم غذائي , (حمص فول ,فلافل و خضراوات (السرفيس))ء
يعني الخلاصة , مافي شي مستحيل هون , و بصراحة الكل كان متوقع حوادث التسمم بالفلافل والحمص , لأنه بالعقل يعني معئول الشااااااااااااااورماااااااااااااااااااا يصير فيها تسمم والفلافل لأ ؟؟؟ يعني كبيرة ولا مو حولة بحئها لصندوشة الفلافل هي أولا بهيك سمعة
برائي اسباب التسمم هي
اولا: غيرة يعني معأول يطلع في حالات تسمم مختلفت الأنواع ف عمان , اربد, المفرق , جهة معان ,لك الأغوار و البقعة كمان, و شو يعني جرش أنقص مننن ولا ازود لا يا سيدي متلا متنل و هي حالات تسمم مو بعدد محرز على قولت عدوش
ثانيا: مطاعم الحمص والفلافل تعتبر اوسخ ظاهريا من محلات الشاورما,و الزيت قلي الفلافل من اول ما الحج الله يرحمو فتح المحل لهلأ ما غسلنا المقلى لسا بركته فيها , بس منزيد عليه زيت , ف حلوة محلات الشاورما تتبهدل و محلات الحمص و الفلافل لأ ماحلوة
ثالثا : صار تسمم بسلع رئيسية و حيوية , مياه , حليب ,رمان,شاورما, و الكل بيعرف انه الحمص و الفلافل سلعة رئيسية و حيوية اذا لازم يطلع فيها تسمم
رابعا: البلد عم تكبر و التجار هالمساكين شو بدن يعملو مشان يلبو حاجة المواطن المصخم , و يجيبوله شي على اد مصاري ,و ربحن يزيد اها , يعني لازم يسترخصو بالتخزين و النقل و الشحن و اي صح و النوع
خامسا: صاحب المطعم خاف من حالات التسمم متوقعة والرقابة , ام غير الزيت و نضف محله مزبوط على دوز بارة , للأسف هاد الشي ما كان مناسب للشباب ام تسممو من نضافة الأكل الزايده
طبعا لهلأ ما ثبت 100% شو سبب الحالات , مع انه وزراة الصحة نبهت انه هي المنطقة معرضة للأمراض, بس تسرب مياه مدري شو على الشو اسمو
لألكن شي , خلاصة الخلاصة يلي لح يصير كلأتي
اذا كان تلوث مياه : وزارة الصحة قامت بالتنويه عن وجود مشكلة و الحق على المتابعة المقصرة
اذا كان التلوث من الخضروات: سبب التلوث هي استخدام خضراوت من نفس المنطقة و التي تروى بالمياه الملوثة التي نبهت عنها وزارة الصحة سابقا او غسلت فيها
اذا كان التلوث من مادة الحمص: تخزين سيئ, عدم نظافة المحل , او غير مطابق للمواصفات والمقاييس المنصوص عليها في البند و الفقرة ,وسيتم ملاحقة المستورد و مقاضاته
اذا كان التلوث من الفلافل : ف الحمص احد مكونات الفلافل الرئيسية , و عدم نظافة المحل او المقلى , و بطلع قانون خاص للمحلات بستخدام نوع معين من الزيت و مقالي خاصة من ماركة اكس لا يستوردها إلا محل عين
اوف الساعة 2 تأخر الوقت بدي روح نام , نهاركم سعيد , اي بتعرفو شو بدايقي بهالشي يلي انه الله يسترنا تجينا شي طرطوشة
و الكل عم يحكي انه مع التسمم يصاحبه إسهال , هي مشكلة عندي بالإسهال ما بحبو بِلبك
ملاحظة : الرد على التعليقاتكم في المواضيع السابقة جاري التنفيذ
October 30th, 2007 at 8:44 am
i want to laugh, but i can’t its politics
October 30th, 2007 at 10:35 am
أها! هيّك تجرأت وكتبت
هلأ الشعارات الإنتخابية حدّث ولاحرج, لسة تع شوف عنّا في الزرقا! عم بحضّرلي بوست محترم عن الموضوع, بس تا أكتب وصيتي أوّل..
بعدين يا موفق توقعتك أذكى من هيك! مافهمت شو يعني “الأردن للأردنيين”؟
مش صعبة
بعدين أسمها أدووش, من أندريه.. مين عدوش هاد؟!
October 30th, 2007 at 11:24 am
eyad
laugh ya man , no it is not , its life in Jordan :)
Adoosh
مكتوب , الأردنيون أردنيين , مش الأردن للأردنين في فرق يا إبني ,
بعرف انها ادوش , بعد ما كتبتها طلعت الت اوفففف مابدي اعدل و ضليت مكمل ,
October 30th, 2007 at 11:31 am
walla ana ma 3endy 7aky akthar men elly 7aka Ahmad hassan fe el rai newspaper here is the link..
http://www.alrai.com/pages.php?opinion_id=6959
w
http://www.alrai.com/pages.php?opinion_id=6953
ekra2o ya jama3a w shofo..
October 30th, 2007 at 2:33 pm
الوحدة الوطنية تعني بأن جميع ابناء الوطن عم يصابوا بالتسممات والإسهالات ..
أي أن المجميع متوحدين في تحمل مصائب الوطن..!!
October 30th, 2007 at 11:24 pm
لا حول ولا قوة إلا بالله
October 31st, 2007 at 1:46 pm
awal ishi ballah ma istafadit min ma3rifit ino el-2ordonion homeh nafs-hom el-ordonieen
ba3dein 5alli hal-dakatra w el-mostashfyat tishtghil shoy into leish za3laneen ,ya3ni kul tajer w ilo wa2to ,5ilis wa2t el-akil w el-ma6a3im w ija wa2t el-mostashfayat w el-dakatra ..
October 31st, 2007 at 3:44 pm
3njad allah ye3eenkom, ana mn hoon ma2hora keef ele 3aysheen bel balad
October 31st, 2007 at 6:15 pm
Jood
yeah , 3andi we learn new things here :)
Dandooneh
ana zay ma 2lot mo mday2ni 2la mawdo3 al 2eshal
orangee
:)
fatosha
ايه و هيك لازم الكل يتحمل , ااااخ
bahloul
thanks for the links
October 31st, 2007 at 9:11 pm
looooooool
يا سلام .. شعارات بتجنن :-) ماهوا الحكي ببلاش .. بعدين الناس بطلت تقرا ورق
والله مسكينه الحكومة مش ملحقة على الناس قد ما صايرين يتسمموا :-) و كل مرة منين بده ايلاقوا تفسير “ما يخرش المية” على رأي المصريين
October 31st, 2007 at 10:58 pm
عادي تعودو الناس و صار عندها خبرة ,
اليوم عم بحكي مع واحد عم بقلي سمعت في تسمم بجرش ,
رديت عليه اه شايف
صار يضحك , و قال يلا حصل خير , المهم ما يتأخرو بتلقيط الزيتون
November 2nd, 2007 at 9:23 am
LoL @ at the people t3awado 3ala elwasakha so tsamamo min elnathafee…haha…im scared to buy food from here now…i guess ill wait untill im back to canada to enjoy falafel and shawarma
November 6th, 2007 at 10:42 pm
الوحدة الوطنية هي حراام لان فى الاسلام لايوجد وحدة وطنية بل يوجد وحدة اسلامية لماذا تجعلون الغرب يضحك عليكم بهذة الترهات انبذو هذة الوحدة الوطنية التي تفرق بين المسلمين وبسببها نتنازل على عن حقنا وبيع الارضي ونعترف بإسرائيل
كل هذا بسبب الوحدة الوطنية الخبيثه وهي ليست من الاسلام بصلة