i post a reply but all disappear !!!!!!!!!!!!

you when u see me running you will laugh too , bkon 3m 5ed 5ad :D
عبد الله
اهلا اخ عبد الله , كلامك مزبوط
مشكلتنا هون بلبلد الزوق و الحياء و هاد الشي يلي مخرب كل شي , لأو الناس بس بتستحي على حالها و بتحس بغيرها بيمشي الحال

fatosha
في اشارات مررو , و في ممرات مشاة من غير اشارات ممر و هي الأغلب خاصة بوسط البلد عمان و اكتير من مناطق عمان الغربية , هي نط السور كمان موجودة اكتيير هون , بس الحلو انه لما يكون في ممر مشاة ما بكون في سور ,

يعني موضوع ممر المشاة ولا اشارات المرور ولا السيارات والباصات والمكرويات يلي بتوقف بنص الشارع
(o0)
ببساطة النظام عنا معدوم
اي اذا بالدائرة الحكومية او الخاصة الناس ما بتوقف عالدور رح يلتزموا بطريق ولا تقطيع

عنا الناس كسلانين مالون حيل لا يمشوا زيادة خطوة
والسيارات شرحو !!

بس بتعرف المفروض

شهادات السواقة بالاساس ما تنعطى الا ليلي بيعرف يسوق متل العالم وبيعرف قوانين السير

يعني شلون يلي عم يسوق السيارة بدو يعرف انو المشاة لازم يمروا اذا مو معلمينو ياها بالاصل ؟؟
بغض النظر اذا كان فهيم وبيعرف يقرا شو مكتوب او ما بيعرف ومو فهيم ..
هاد تعليـــــــــــــــــــم ا ب السواقة :]

خليها لالله !!!!

ذكّرتني بمسرحيّة العيال كبرت, لما سعيد صالح بدّو ينتقم من أبوه قلّه بكرة بس أجيب ولاد وديني لاقطع عنهم المصروف..

يا سيدي وصفك للموقف كان تماماً متل ما صار معي اليوم، قسماً بالله، مو ناقص غير أنط لعند الزلمة وأبوس شواربه إنو وقفلي، ومو هيك، بيطلع فيني، متل كأني عامل عملة، وهو غطى علي.

روعة، يا موفق، روعة. تم لطشها، لارسالها عبر مجموعتي البريدية.

على فكرة، بتذكر يوم تتويج حلب كعاصمة ثقافية، حطوا شرائط لزق عالمية، يعني مو دهان، فوسفورية، وخلال 24 صار لونهم من لون الشارع.

حلب، دمشق، عمان، بيروت، كلو عرب.

يعني حسب خبراتي المتواضعة بعرف أنو ممر المشاة بيكون بعد الإشارة .. هو صحي دايما بيكونوا السيارات واقفين عليه بس أنو ممكن تشوفوه من بين السيارات .. ولى مافي سيارات عندكن بيوقفوا ع الإشارات

لأ بس كلو كون والعالم يلي بتشوفها عم تنط من فوق السور كون تاني .. طيب هنن حطوه سور مشان ما تأطع الشارع من هون .. ومشان تقطعوا بس من ناح ممر المشاة .. بس بالجكر العالم بتشوفها عم تنط متل القرود .. طبعاً هنن عم يساهموا بتزيين المنظر الحضاري لبلادنا … وعجبي!!

ركبت قبل يومين مع صديق كان بيشتكي من حكاية تقاطع المشاة وقلة ذوق السواقين ويا مساكين هالمشاة.

بنفس اليوم ارتكب نفس الكبائر ضد مشاة اللي كان قبل ساعة عامل حالو زعلان عليهم .

يا ابو الشباب الكل بيعرف الصحم من الغلط والدليل انو نفس هالحيوان (صاحبي) لما نكون في دبي بيسوق أحسن من الألمان. ولما يكون في عمان بسيوق زي الصرماي.

والغريب انوا من اهم عشائر البلد وبيحب ينتقد تخلف الآخرين .

يا أخي هاي ناس شغل حكي وتنظير ونفاق. والمشكلة مش بس في موضوع المشاة, المشكلة بكل شي بهالبلد يتطلب انسانية واخلاق وزوق وحياء.

ومع كل 52 خطبة جمعة بالسنة و 30 يوم صيام و 1826 صلاة بالسنة, الله مو قادر يعملنا ناس محترمين.