بتعرفو هاد شو ؟؟؟
المفروض انه ممر مشاة , شو يعني ممر مشاة يعني المكان الأنسب و الأكثر امانا لعبور الشارع ,هيك المفروض الحلو بعمان و بشام كمان مشان ما حدا يزعل
اول شي لازم تعرف وين في ممر مشاة , و شغلة بدها خبرة نوعا ما , لأنه ممر المشاة ابيض اول ما يندهن , بظرف اقل من 72 ساعة بكون لونه متل لون الشارع او افتح بشي بسيط, ف بدك تعتمد على ذاكرة , او اللوحة يلي مرسوم عليها ممر المشاة ,
ممر المشاة عبارة عن شي مغري لسائق , كيف يعني بسيطة
اول ما تدعس برجلك عليه مشان تعبر الشارع , بشتغل الرالي سباق السيارات انه كل السيارا ت يلي بالشارع بدها تقطع الممر قبلك يعني حظك هيك كلنننننننننن مستعجلين و ما بإدرو يهدو او يوقفو بالرة , و هون يا بتكون شاطر و بتركض !!!! او بتمشي متر و بتخلي سيارة تمر قبلك تمشي كمان متر و تخلي باص يمر هييييك لتوصل سالم لجهة التانية, او الحل الأخير تستنى شي نص ساعة لتشوف سيارة بعيدة عن الممر من أقل من خمسين متر و بتمشي هرولة لأنه بكون صار يزمر او يعطيك ضو عالي واطي مشان تمر, و العلئة وييييين لما تكون بنص الشارع و السيارات من أمامك و من خلفك ويييييييييين ويييييييييييييين وييييييييييييييين , انته متمسمر بمكانك مو ادارن تتحرك , الروح غالية والله غالية , ليجيك ابن حلال يشغل رباعي و يخيلك تمر ,
يعني يلي بستغرب منو , انه شو بيخسرو يهدو شوي لتمر العالم , لك المصيبة مو بس هيك اذا واحد طلع ظريف و خلاك تمر بتحس بعيونه انه يلاااااااااا عيشششش خليتك تمر , اي شو مشان !!!!! لا هاد محترم , طبعا اذا ما اجى تاني نأرك زمور فلجك في مشان تشد رجلك , او بتلاقي مسرع و شحط فجأة و نشف الدم بعروقك وادامه الف لوحة بتألو هدي في ممر بطيخ مشاة هون و , وغير كل هدول يلي بمرئك و بسبك , يعني بتسمع مسبتك بإدنك اذا مريت و عجقت سايق السيارة , و بإلك شوووووووووووووووو بتكزدر و انته بتكون ناتع شي عشرة كيلو كياس و الك ساعة بالسوق , كمان لازم اركض ؟؟؟؟ شو هالمسخرة هي و اذا طنشت و ضليتك ماشي على قدر استطاعتك , في منن ما عندو مانع يدعسك او يخوفك بضل يقرب يقرب متل تحدي انه يا بتمشي يا باخدك بطريئي , و القرار إلك والأظرف و الأكبر تحميل للجميل و المنية انه مررك هو شوفير التكسي لك بتحس كأنو لازم تروح لعندو و تبوسو لأنه خلات تمر و تتشكرو و تفئش نص دينار بإدو كمان إكرامية على حسن الخلق و القيادة يعني عنجد ازا شوفير تكسي خلاك تمر , شغلة الله وكيلكم شغلة اكتيييييييييييييييييييير كبيرة و عرفو انه تكسي مميز
,
اما لما تمر صبية لك يخزي العين على النخوة و الشهامة و اذا كانت مطئطة و مزبطة وضعها , انسى الموضوع , بتسمع بعضن بإلها على مهلك انا معي لصبح , تمختري , يا حلوة
لك اااخ شي بجنن على اساس حلوها شوي بموضوع ممر المشاة مع مطب , بس على الفاضي مو الكل بخفف السرعة ونفس القصة وين ماكان و مو كل الأماكن بتزبط فيها , و بالنهاية على الطرف التاني بتلاقي واحد بطلع فيك و ببتسم و بإلك حمد الله على السلامتك ,
Sphere: Related Content
This entry was posted
on Saturday, October 27th, 2007 at 1:59 am and is filed under Amman, Days, Form there, Fun, General, Jordan, Jordan's :), Market, Roadُ, Stuff, Taxi, ammaneh, downtown.
You can follow any responses to this entry through the RSS 2.0 feed.
You can leave a response, or trackback from your own site.
October 27th, 2007 at 7:19 am
tell me about it! this is what mnages 3layi 7ayati fee 3amman! i want to go back home where crossing the street does not cause my heart to pound like crazy..especially when i have to cross with the kids..but u already know how i feel about this subject eh??
October 27th, 2007 at 11:28 am
welcome to jordan
2a7la 2eshe: بتكون ناتع شي عشرة كيلو كياس و الك ساعة بالسوق , كمان لازم اركض ؟؟؟؟
LOOOOOOOL
October 27th, 2007 at 1:59 pm
“يعني يلي بستغرب منو , انه شو بيخسرو يهدو شوي لتمر العالم ”
ركبت قبل يومين مع صديق كان بيشتكي من حكاية تقاطع المشاة وقلة ذوق السواقين ويا مساكين هالمشاة.
بنفس اليوم ارتكب نفس الكبائر ضد مشاة اللي كان قبل ساعة عامل حالو زعلان عليهم .
يا ابو الشباب الكل بيعرف الصحم من الغلط والدليل انو نفس هالحيوان (صاحبي) لما نكون في دبي بيسوق أحسن من الألمان. ولما يكون في عمان بسيوق زي الصرماي.
والغريب انوا من اهم عشائر البلد وبيحب ينتقد تخلف الآخرين .
يا أخي هاي ناس شغل حكي وتنظير ونفاق. والمشكلة مش بس في موضوع المشاة, المشكلة بكل شي بهالبلد يتطلب انسانية واخلاق وزوق وحياء.
ومع كل 52 خطبة جمعة بالسنة و 30 يوم صيام و 1826 صلاة بالسنة, الله مو قادر يعملنا ناس محترمين.
October 27th, 2007 at 6:49 pm
معلش سؤال .. طيب شو مشان إشارات المرور
يعني حسب خبراتي المتواضعة بعرف أنو ممر المشاة بيكون بعد الإشارة .. هو صحي دايما بيكونوا السيارات واقفين عليه بس أنو ممكن تشوفوه من بين السيارات .. ولى مافي سيارات عندكن بيوقفوا ع الإشارات
لأ بس كلو كون والعالم يلي بتشوفها عم تنط من فوق السور كون تاني .. طيب هنن حطوه سور مشان ما تأطع الشارع من هون .. ومشان تقطعوا بس من ناح ممر المشاة .. بس بالجكر العالم بتشوفها عم تنط متل القرود .. طبعاً هنن عم يساهموا بتزيين المنظر الحضاري لبلادنا … وعجبي!!
October 27th, 2007 at 10:08 pm
من زمان ما ضحكت من قلبي متل اليوم، ولك أهلا بعودتك يا موفق…
يا سيدي وصفك للموقف كان تماماً متل ما صار معي اليوم، قسماً بالله، مو ناقص غير أنط لعند الزلمة وأبوس شواربه إنو وقفلي، ومو هيك، بيطلع فيني، متل كأني عامل عملة، وهو غطى علي.
روعة، يا موفق، روعة. تم لطشها، لارسالها عبر مجموعتي البريدية.
على فكرة، بتذكر يوم تتويج حلب كعاصمة ثقافية، حطوا شرائط لزق عالمية، يعني مو دهان، فوسفورية، وخلال 24 صار لونهم من لون الشارع.
حلب، دمشق، عمان، بيروت، كلو عرب.
October 27th, 2007 at 11:45 pm
Endaree.
October 28th, 2007 at 8:40 am
lol :P
ana 6ool 3omree ba5af mn 2a63et el share3, b7es eno mottee ra7 yekoon 3ala 2eed she saye2.
baseer zay el z`3ar bamsek be 2eed nas aw eza kont la7alee bakoon mayteh 5oof o ma basade2 awsal 3al jeha el tanyeh.
October 28th, 2007 at 10:08 am
el mawdo3 mo 2oset fe 56o6 aw l2, sho3obna mo met3awdeh 3l zo2 bkol basata…
October 28th, 2007 at 1:33 pm
hahaha, I love it when u loose ur mind belshami.. i am reading it loudly to my collegues. sho mshan ilta3seeb !? tawel balak
October 28th, 2007 at 4:30 pm
الحلو في الموضوع يا موفق إنو مشاة اليوم شوفيرية الغد,
يعني بكرة بس يصير معك سيارة ع خير وسلامة بتنسى كل هالحكي.. بالعكس بتصير تدوّر ع مشاة تدعسهم انتقاماً للي كان يصير معك أيام ماكنت مشاة!
ذكّرتني بمسرحيّة العيال كبرت, لما سعيد صالح بدّو ينتقم من أبوه قلّه بكرة بس أجيب ولاد وديني لاقطع عنهم المصروف..
October 28th, 2007 at 7:30 pm
I think in Lebanon things are “slightly” better.
October 29th, 2007 at 9:49 pm
والله يا موفق عم تحكي على مشكلة ببساطة أزليـــــــــــــــة
يعني موضوع ممر المشاة ولا اشارات المرور ولا السيارات والباصات والمكرويات يلي بتوقف بنص الشارع
(o0)
ببساطة النظام عنا معدوم
اي اذا بالدائرة الحكومية او الخاصة الناس ما بتوقف عالدور رح يلتزموا بطريق ولا تقطيع
عنا الناس كسلانين مالون حيل لا يمشوا زيادة خطوة
والسيارات شرحو !!
بس بتعرف المفروض
شهادات السواقة بالاساس ما تنعطى الا ليلي بيعرف يسوق متل العالم وبيعرف قوانين السير
يعني شلون يلي عم يسوق السيارة بدو يعرف انو المشاة لازم يمروا اذا مو معلمينو ياها بالاصل ؟؟
بغض النظر اذا كان فهيم وبيعرف يقرا شو مكتوب او ما بيعرف ومو فهيم ..
هاد تعليـــــــــــــــــــم ا ب السواقة :]
خليها لالله !!!!
October 31st, 2007 at 6:23 pm
sam
Yeah wallh this is problem 5asa where u live , the street there too much 3aj2a o riski
orangee
:)
you when u see me running you will laugh too , bkon 3m 5ed 5ad :D
عبد الله
اهلا اخ عبد الله , كلامك مزبوط
مشكلتنا هون بلبلد الزوق و الحياء و هاد الشي يلي مخرب كل شي , لأو الناس بس بتستحي على حالها و بتحس بغيرها بيمشي الحال
fatosha
في اشارات مررو , و في ممرات مشاة من غير اشارات ممر و هي الأغلب خاصة بوسط البلد عمان و اكتير من مناطق عمان الغربية , هي نط السور كمان موجودة اكتيير هون , بس الحلو انه لما يكون في ممر مشاة ما بكون في سور ,
October 31st, 2007 at 6:42 pm
thank you all for pass :)
i post a reply but all disappear !!!!!!!!!!!!
November 6th, 2007 at 1:42 pm
لأ لأ لأ…
لاااااازم أعلق هون…
ااااخ بس لو أحكيلك عممرّات المشاة ببريطااانيااااااا…
اشي مش معقول!!!
ازا كنت على ممر مشاة، غمّض عينك و اقطع…
اذا اشارة المشاة خضره، غمّض عينك و اقطع الشارع بكل بساطة… و اجعص اذا بدّك و امشي على مهلك (مع انو الانجليز ما عندهم هاي البرادات!!!) بس الفكرة يعني…
اشي بيفقّع