شو مشان صيام ما صيام
يعني حاولت , و قاومت اني ما احكي او علق او بربر على حدا , بس فشلت و ما طلع بإيدي, لك لعمى على هالقصة , المفروض انه نحنا بشهر فضيل و متعودين عليه حتى يلي دينو نص كم بصوم , او بياكل هوا و ما بإرجي حالو انه فطران , يعني نواعا من الأحترام , الحيا الخجل تمسيح الجوخ شو ماكان ,بس انه مو ادام الناس والعالم , لك و الله لهلأ بتذكر ايام المدرسة كان عندي شي اربع رفئات يا خمسة مالن مسلمين و بدخنو , والله العظيم ما صدف انه في واحد منن برمضان اكل او دخن ادامنا , لعمي على هالقصة ,
اتصل زبون معي اليوم , عنده مشكلة على السيسم ,تبعو والطابعة و حملت حالي و رحت لعندو , اخو اعد بالمكتب و نازل على حشيش عم بدخن و يشرب نسكافيه المصيبة مو انه يبعد عني لأ اعد فوء راسي يدخن حسبي الله و نعم الوكيل
بتطلع مع شوفير تكسي سيارة دخان و معلق ورقة اد راسو تحت المراية مكتوب عليهامن يتق الله يجعل له مخرجا ويرزقه من حيث لا يحتسب
واحلى نهفة ,واحد من هالشباب ما عم يصوم , يا ابني ليه ؟ ال هو صلاة ما بصلي ليه ليصوم ؟ بعدين بحس حالي منافق ؟
التلو يمكن لأنه الصيام بخليك تستحي على دمك و تصلي و تاخد رجلك على الصلاة و تصير تصلي على طول او يمكن لأنه لازمك شي بينك و بين ربك لو شو ما كان
ال اي هوة اذا بدو يصوم , لازم يكون صح 100% صلاة المسجد , و قيام ليل, و حفظ قران , و عبادة , غض بصر و و , بعدين ,بصوم
ههههه, اي طول بالك عمو, مافي شي بجي هيك مرة وحدة اول شي بتصلي و بتقطش فرض ايه 10 لأ , بعدين بتصير تصلي 10 ايه و تقطش واحد 2 بعدها بتصلي فرض بالجامعة بعدها 2 وبعدا كلن , هيك الشي بصير خاصة اذا مالك متعود على انك تصلي , مافي شي بجي مرة وحدة كلو بالتدريج بصير, اما تألي انا ما بصوم لأني ما بصلي و ما بصلي لأني بعمل اشياء اكتير ما الها دخل بالدين و بحكي مع بنات , و و , اي سيدي , اذا ما مشيت خطوة لأدام ولا بعمرك بتصير زلمة
الصلاة حتى لو مع معاصي بضل صلة وصل بينك و بين ربك و معها معها و اهتمام اكتر فيها بتصير تساعدك على انك تترك المعاصي اما هيك مهوي على الأخر و مقتنع انه على معصية و مابدك تعمل شي إي لا تخنتااا
مابعرف الناس يا حابة اتكون متل صحابة الرسول عليه السلام, يا اما متل ابو جهل , اما انه يحاولو يزبطو وضعن لاتعجز مافي حدا فينا كامل ,بس الواحد شي ومنو و معو معو بصير بس اتكون هيك ايد من ورا و ايد من ادام
الله يصلحنا ,المشكلة انه دائما بفترض انه يلي بفطر معذور لسبب انا اجهله او اي شي تاني , بس لما اتكون الشغلة فيها وقاحة غير
و ما ننسى ” اذا بتليتم فستتيروا”ء : يعني الله باليك بشي شغلة استر على حالك
September 28th, 2007 at 1:08 pm
لا حول ولا قوة إلا بالله , الشغلة صارت علنية , لازم يكون في قانون بحيث إذا شكيت عليهم يتحاسبو , الحمد لله اللي عافانا مما ابتلا غيرنا…….والله يجيرنا من النار وحرها , ما حدا بفوت الجنة بأعماله بس كلنا راح نفوتها برحمة ربنا …..
September 28th, 2007 at 4:21 pm
للأسف أن البعض صار يفطر علناً أمام الناس، بلا أي حياء أو خوف!!
الأجانب نفسهم لايفطرون أمامنا إحتراماً لنا كمسلمين..
لكن البعض -هداهم الله- لايُعبّرون أحداً..
فعلاً، لابد من قوانين في كل البلدان الإسلامية لمن يفطرون أمام الناس..
وإذا بُليتم فاستتروا
تحياتي :)
September 28th, 2007 at 7:37 pm
أووووووووف..والله قوية
ناس تفطر في رمضان عيني عينك؟؟؟
ليش؟؟ما في حيا؟؟ ما في خوف من الله؟؟
الله يهدينا ويثبتنا على طاعته
September 29th, 2007 at 12:34 am
إيه بعين الله … شو بدك تعمل هيك حال الدنيا ما فيك تحكي غير الله يهديهن !!!! وفي متل هدول الناس كتييير … لك عنا في شغيله عم يشتغلوا في البيت وهني ما بصوموا وفوء كل هدا عم يطلبوا نجيبلهن مي وكولا ونعملن قهوة !!!! وبنعطيهن …. يعني شو بدنا نعمل !!!! الله يصلح الجميع
September 29th, 2007 at 10:25 am
yup!!
o ana sert ashuf nas miftereen 3eeni 3eenak 2odam el3alam!!
shuft hadak elyom wa7ad mashi belsayyara o mtalle3 edo mn elshobbak o elsigara tale3 menha da5neh…
akeed hu el 2a3ed beda5en y3ni mesh el 2oxozt masalan!!
Allah yehdi eljamee3…
bs fi3lan ramadan m3 elshob o m3 elnhar eltaweel 3m be5taber 2uwet o da3f iman el nas…
Allah ythabetna…
September 29th, 2007 at 11:30 am
walla bs bn7ky la 7awl w la qwata ella bellah…
ho mo enno awal ramadan elnas heek betsawy bs elnas sara7a zadatha behada elramadan, ana be7koly enno beljam3at sayreen yf6aro rasmi koddam kol el3alam men la 7aya w la 5ajal
September 29th, 2007 at 6:36 pm
It’s sad to know… I mean fasting IS one of Islam pillars!
3an jad
“اذا بليتم فاستتروا”
ya rabb tehdeehom
Ameeeeen
September 30th, 2007 at 9:14 am
هم فعلاً كثير كثرانين وصاروا يتباهوا مباها بالشغلة..
بس موفق كإني منزل هالبوست قبلك بيومين! حقوق النشر والغسيل محفوظة… بالثلاجة..
October 1st, 2007 at 8:07 pm
“الصلاة حتى لو مع معاصي بضل صلة وصل بينك و بين ربك و معها معها و اهتمام اكتر فيها بتصير تساعدك على انك تترك المعاصي اما هيك مهوي على الأخر و مقتنع انه على معصية و مابدك تعمل شي إي لا تخنتااا”
ولك يسلم هل التم…والله يبارك فيك.
October 10th, 2007 at 11:21 pm
عينك تشوف المنظر بمطار الشام برمضان، المتة شغالة والدخان ع ابو جنب ، والكفريات والمسبات ، والمغازلات ..وغيرو !!
شي بيخجل
October 11th, 2007 at 4:47 am
ينصر دينك يا شيخ
والله كلام روعة بالرغم انه ” عامي ” بس والله
بالصميم ..
October 17th, 2007 at 9:27 pm
يعني عنجد الموضوع خرط مشطي
لانو كتبتو بطريقة مباشرة بعد الموقف يعني خلنج مزبوط؟, او سخن متل رغيف الخبز
بصراحة احترام ديننا ما بيجي الا عن طريق معرفتو ( حق معرفة )
فهالأشخاص يلي عم تحكي عليون انو ما بيصوم انو ما بيصلي و ما بيصلي لانو .. والحبل جرار
هدول بدون مين يمسك بايدون و يساعدون ليرجعوا يمشوا بالطريق المزبوط
المحزن بالامر .. ويلي هوة لب الموضوع كلو .. هوة معرفة ديننا
هاد بيجي عن طريق التربية .. التربية يلي بترتكز على زرع حب الله ولرسول صلى الله عليه وسلم بقلوب الاطفال
في حديث لسيدنا محمد بما معناه مالي حافظتو : لاعبه لسبع و علمه لسبع وفي وحدة تالتة لسا
يعني بس يصير عمرو سبعة وما فوق بيبلش يعلمو عالدين والصلاة والفرائض بحيث يحببها بقلبو
اسفة اذا الرد طويل بس خطرت ببالي هالشغلة وحبيت قولها
تحيّـــة لفشة الخلق
October 18th, 2007 at 6:27 am
orangee
قانون شو؟؟ الدين مو ألزامي اذا بدو يكون في قانون يكون لإغلاق المحلات وقت الصلاة
محمد
الأخ محمد :) شكرا على تعليقك اللطيف , في قانون في الأردن و كان في ما سبق في سوريا , انه من يفطر في الطريق العام بشكل علني , عليه عقاب , بس القانون ساري المفعول اذا كان بمكان عام و بشكل ظاهر جدا ,اما في ملكيات خاصة متل السيارة او المكتب فلا قانون
moneera
أمين , حيا و خوف مين نحن في العشرين
Asoora
امين :) هي مشكلة كمان
Naryat
ِامين :) و يثبت كل المسلمين
October 18th, 2007 at 6:36 am
bahloul
Yes , this year way too much , allah yehdehom
Lalla Mona
:) Ameeen
Adoosh
عنجد ؟ غريب
علوش
ميرسي و يبارك فيك كمان :)
مسعود حمود
اااخ على الشام , فعلا شي بخجل ,انا نزلت رمضان الماضي على الشام , و بصراحة انصدمت انه الفلتان مو طبيعي , لسا بالأردن ارحم بكتير
rana
اهلا و سهلا :) نورتي , لا ردك مو طويل ولا شي زز فعلا في اكيتر اشياء اساسها التربية وعلى فكرة بين المدونات في مدونة لوحدة مغتربة ما عم اتصوم لأنه اهلها اصلا ما اعطو الموضوع اهمية من هي و صغيرة و تربت على هيك :)