شو ليلة ! غير شكل
هلأ بليل كان شوب ولا انا لحالي كنت مشوب بعد عشا حمص و فول و بصل بعد بمنتصف اليل مع حسام ,عند مطعم هاشم,انه صارت الساعة شي تنتين و نص , الت يا ولد حاجتك عندك شغل الصبح روح نام, حطيت راسي على هالمخدة, و بدأت طقوس النوم , ما زبطت معي شوووب , اتقلب يمين شمال , إئلب المخدة , حرك رجلي في جميع جوانب وانحاء الفرشة انه منطقة ابرد من غيرها , صارت الفرشة كلها سخنة بزيادة , و اتئلب , و لما تئلئ و ماتعرف تنام وانته بدك اتنام , بتبلش تفكر و تحلل و ميت قصة بتخطرلك , يا الله مبارح مو نايم غير 4 ساعات و اليوم ما فتت على البيت لل وحدة ونص ,و تعبان , وعيوني البو اد الزيتونه لك ليه ما عم اعرف نام , و عد خرفان و ضباع و سبح اعمل اي شي يجذب النوم , ابدا مافي خواص بنوب بنوب , خطر على بالي المروحة تخفف من الشوب , واو فكرة رائع بس انه وينها بعيدة تلت غرف عني , حفلة و مشواااار روح جيبها و اجي , خلص هلا بنام , اي هلا يعني الي منيح وئت حلي , هه اربت النومة كمان شوي يلااا , و اااااخ صارت ساعة تلاته و الت خلص يعني هلا بغمض عيوني اكتر بنام وبشد على حالي مزبوط بنام , ولا شو ؟
ء”طج طج طج طي طج وحدوووووووووو يا نام وحد الدايم, لا إله إلا الله, وحدوووووو , رمضان مدري شوووووو “ء
طلع عنا مسحراتي بالحارة الله يجزي الخير يا رب شغلة الله وكيلكم , اي شو مشان الساعة تلاتة؟؟؟؟؟ و على نأر على تنكة و لا طبلة , وانا بلشت احكي مع حالي , ساعة تلاته , و الأدان على خمسة !!!! انه ليه يلي بدو يتسحر بدو يفيئ هلاء يعد ساعتين مشان يصلي و ينام كلو سحو ايو 10 دقايق حتى مع سيجارة !! و طج طج طج وحدوووووووووووووووو , يا نااااااااايم …. , لك كنت بدي اطلعو من الشباك عيط عليه الو يامعلم يا حبيب ساعة تلاتة الفجر , رجاع نأور بعد ساعة ازبط , انا بدي نااااااام كرمال النبي , و كملت معي , خود بئا بدي عيد السيناريو يلي فوق مشان ارجع اوصل لمرحلة النعسان و ادنفس ونام ,
ويا الله شو شوب , و رجعت اتقلب صارت الساعة شي تلاتة و نص او أأل , و رجع طج طج طي طج , طلعت خلص اللفة و رجع لتحت شباكي !!!, لك اي شو هلحظ هاد, انسم بدني بزيادة وألت حبسي الله ونعم الوكيل , و عم الهدوء الفظيع و جائتني الناعوسة الصح و اشعر بدفئ النوم , و المنام بدو يبدا و مبسووووط انه يااااي رح نام , بتزكر اني غفلت , وانا بلمنام اسمع صوت تيت تيت تيت , عرفتو شو هي !! مزبوط منبه الموبايل ساعة اربعة و نص و خمسة ,خرستو ابل ما يكمل , شوي تانية , موفأ اووم تسحر يلا اووم “ماما”, لك بدي زلغط انا !!!!! مابدي اتسحر امي , شو تانية , موفأ يلا صار السحور مابدك تؤوم ” رغد” , لا حول ولا قوة إلا بالله , بعدين سمعت الأدان الأول , الت خلص فرطط , امت شربت مي و أنا مغمض عيوني , توضيت صليت , ادن الأذان الثاني , صليت , رجعت لنام , هههههه مازبطت نفس السينارو لك شووووووب , امت كتبت هاد البوست وهلا الساعة ستة إلا عشرة الصبح , و رح ارجع نام ,ابصر بتزبط ولا ما بتزبط ……… تصبحو على خير , نهاركم سعيد
September 19th, 2007 at 6:32 am
شابف يا عزيزي هاي الغلطة الكلاسيكية اللي بيوقع فيها معظم الناس. إنو لما يكون الوقت متأخر زي هيك وشفت حالك مو نعسان أو مو عارف تنام مو لازم تغصب حالك عالنوم، بالعكس لازم تقوم وتشغل حالك بشي شغلة مشان تستفيد من هالوقت .
على العموم انا عندي الحل الشافي والدواء الكافي لهيك حالات. أحسن اشي ازا كنت بدك تنام عالسريع انو تدورلك على هالمحطات التلفزيونية على شي مسلسل أردني وتقعد تتفرج عليه. يا دوب خمس دقايق و راح تلاقي حالك الا نايم فجأة وانت مش دريان عن نفسك. هاي طريقة علمية مجربة.
September 19th, 2007 at 6:36 am
المفروض اني انام , هيك الأصل يعني لما توصل الشغلة انه اغفل , بتطلع نهفه يعني كنت نايم إلا شوي لما اجى المسحر , و بس غلفت اهلي فيئوني , وهي هلا الساعة 7.35 و مانمت لسا !!! عم بتصفح و اعمل كم شغلة
September 19th, 2007 at 7:17 am
hey,
what a bad night,eh? :)
may be you couldn’t digest “fool” ;)
Ramadan karim
September 19th, 2007 at 7:31 am
Eyad :) welcome to my place :) , well i have no night , am still awake an didn’t sleep yet , its 8.30 now thanks , Allah yet2abel mena o menkon
oh about Fool , i didt eat that much just taste it ;)
September 19th, 2007 at 8:03 am
ya haram…that happened to me the night before…i could not sleep until 4am…and then i had to be up by 6 to get zozo ready for school…i was so tired all day but could not nap …:( it sucks when u can not sleep…bas it was not hot tonight..i was cold and all covered up….
September 19th, 2007 at 8:06 am
i see , ur area is cold any way :)
well am still wake :( , i didn’t sleep get busy with work :( , its 9.00 now
September 19th, 2007 at 8:31 am
looooool
hala2 2adeesh elsa3a? o nayem wela lessa?
Allah y3eenak… I HATE these nights like this!!
September 19th, 2007 at 8:52 am
يامسكين.. حزنتني عليك ع هالصبح..
وهلأ عندك دوام انشالله؟
ع سيرة المسحراتي اللي ماإلو داعي, إحنا عنّا بالحارة ببدو من الساعة ووحدة الله وكيلك, وطبّل على هالتنكة واجعر لحدّّ مايقلق الموتى.. بمرق هاد مابتلحق تغفى ولا جاي اللي بعده.. وهيك تايقول الفجر الله أكبر.
لأ وبأواخر رمضان أقل شي بيجي 4 - 5 حفرتلية بدقوا ع الباب بقلك أنا المسحراتي تبع الحارة بدي عيدية!!
واحد أعطيته السنة الماضية لإني خفت منو بصراحة, وواحد ثاني إجا بعيه ب 5 دقايق قلتله إحنا مسيحيين عمي الله يعطيك!
طوّلت عليك, أحلام الهنا موفق
September 19th, 2007 at 8:57 am
Naryat
no still mfate7 o doing some work :(
Adoosh
لا خيي انا اليوم دوامي ورقيات في المنزل و معزوم على الفطور , و عندي طلعة على الزرقاء بعد الفطور , و موعد بعد ما ارجع وانا هلا عيوني مو الي بصراحة ان شاء الله تصح لي فرصة مناسبة لنام
September 19th, 2007 at 9:08 am
لو كنت مكانك كان قريت شي جزئين من القرآن الكريم.. مابعرف هيك بيصير معي.. من أول صفحتين (للأسف) بيصير نعوس والنوم يداعب أجفاني.. يلا نهار سعيد فعلاً
September 19th, 2007 at 9:12 am
ما بتزبط معي :( القراءة ما عمرها نعستني , و ما بتزبط انه تنعسني , بالنسبة للقراءة الفكرة كلها انه انا مقتنع انه لازم نام و فعلا تعبان و مالي حسنان فتح عيوني , بس مع ذلك المفاجئات يلي اجتني فعلا ضيعت النوم علي, و ليكا صارت 10.15 و ما نمت و الله ييسر هالنهار على خير
September 19th, 2007 at 9:18 am
eeeeeeeee
I had a long sleepless night myself too.. and heard el msa7er.. kaman :S
‘3areeeeeeeb… :)
September 19th, 2007 at 10:00 am
ايواااا
ايه!! الله يكون بعونك.. فعلاً كان شوب امبارح
September 19th, 2007 at 11:08 am
ana nasee7ty enak tkarer enak ma bedak tnam…. w troo7 tetsa6a7 3la she sofeh….. w tet2mmal, w dallak e7ky ma beddy nam, 5leeena enshoof elnata2ej….
September 19th, 2007 at 11:09 am
يالله بسيطة بتصير بأحسن العائلات انا بصير معي هيك لما يكون بكرا عندي مثلا موعد مهم او شي مهم متل الامتحانات او طلعة بستناها من زمان او سفرة او اي شي ببطل قادرة انام الله وكيلك ولا بصير اسمع الاصوات كأنها بداني صدا كأني بغرفة واسعة لحالي والصوت الو صدا .. بيجنن هادا الشعور بيتعب عنجد ..
September 19th, 2007 at 12:10 pm
المسحر عنا بحل بمركب سبوفر, لما بيضرب الطبلة بحس البلور عم يرج, بتسمع صوتو من أول الحارة لآخرتها…بس أنا مستحيل أفيق, امبارحة نمت أحلى نومة, صايرة برودات كتير حلوة بحلب هل الكم يوم, وأنا بصراحة وقت بكون بتختي, يعني خلص, اغسل ايدك
وقت بيصير معي أرق, أحسن شي, بقوم وبضل فايق لينهد حيلي, وهيك بطب طب على التخت
يالله تصبح على خير…
September 19th, 2007 at 1:00 pm
t7awelsh tnam msh r7 tozoo6 :P
imsek ktab enti btekrho o e2ra feyo l7alk bte3′fa
September 19th, 2007 at 1:19 pm
lah lah … ana law menak sho bsawi, b7ot 3elbeh fadyeh b nos el 2ooda, o brakez 3aleaha o bdal door o ana 3am etala3 ealaha la7ad ma yo’3ma 3alai o nam :D
aw 2elak sho… 5bot rsak b shi 7eat betdoo5 eza ma ma o’3ma 3aleak :D .. bhad elli kan yetla3 ma3i b ayam 2elet noomi.. el taree2 ael 2ool ahwan o b 5sa2er a2al :)
September 19th, 2007 at 1:56 pm
يا حرام، لك شو صايرلك انت؟ يا اما بيطلعلك واحد سئيل بالشارع هداك اليوم، يا اما بيطلعلك المسحر؟ والله شغلة هي!! الله يبعد المسحراتي عنا يا رب، انا بموت رعبة من صوتو من وقت كنت طفلة، وصرت أدّي ودلئي ولهلأ برتعب منو
September 19th, 2007 at 3:24 pm
I like ur post, u so funny
wish u a peaceful sleep 2night.
September 19th, 2007 at 3:31 pm
I think it is normal to have sleepless nights in ramadan, the body is adjusting to new routine ..Ba3dein Allah yesam7ak foul after midnight ??shou sayer 3leik, it will be impossible to sleep after that.. you can’t have a heavy meal like this and then go to bed !! khalas have iftar and nothing more until souhour…Try it and let us know :)
no foul,or basal !!!
September 19th, 2007 at 3:52 pm
bahloul
YES 100% this way it work most of time, cuz lama yekon 3andi she3′l o want to finish it and dont want to sleep , all the sleep in the world come to my eyes, bs last night , ket 3ala asas fart o 5als Sleep
sweetlikearose
اي هاي الشغلات بتصير , بتزكر ايام المدرسة او ليلة العيد ما كنت اعرف نام بالمرة سبحان الله كيف شوية افرازات داخل الجسم و اعصاب شو بتعمل
علوش
اي تتهنى علوش باشا , انا ما بتزبط معي بفيق على أألا شي
Mnoosh
mab7b al qra2a
September 19th, 2007 at 4:39 pm
Maioush
3alaki afkar !!!!!!
Rula
lah lah ya3ni ma3ek phobia Msa7arati !!
Moneera
thank you i slept :D from 11.300 till 4.00 am better now
Noura
well i juat Taste it , didt eat ya3ni l2emteen mo aktr , :( ba3deen with me its ok bakol chicken o banam if tired , bs last night cant 3′eer
September 20th, 2007 at 8:31 am
t3eesh w takul ghearha :p
September 20th, 2007 at 12:27 pm
yalla 3addet saleeema :D
September 20th, 2007 at 1:22 pm
يلا مبروك هي طلع عندكم مسحر كمان ,
وأنا كمان بفيق عصوته لإنه بمر من عند شباكي……لووووووول
September 20th, 2007 at 6:40 pm
ذكرتني بأيام الأردن كان كمان المسحراتي يجي تحت شباكنا وينادي ..بس كنا ننبسط عليه كتير
قبل ما تنام حاول تقرأ قرآن واية الكرسي راح تلاقي حالك ارتحت ونعست على طول
بس مشكلة الشوب فعلا ما بتخلي الواحد ينام أبدا
الله بعين
September 21st, 2007 at 1:25 am
Jumana
shokran :D , fekrk ma ra7 akool , lek 7azi o ba3rfoo
Wedad
meen Saleemeh ?
Orangee
اي شايفة الله يبارك فيكي , بس انا فئت على صوته مضطرا
nawrasbird
:)
المسحراتي بيعمل جو حلو
في ناس عم يألولي انه ما بفيئو إلا على المسحر , سبحان الله
January 31st, 2008 at 9:42 pm
Thanks for sharing
Doodee’s last blog post..Paint Jobbers