سوق معاملات الأحوال المدنية
نعم سوق الأحوال المدنية يلي مابيعرف وينو هاد الشارع يلي خلف السفارة العراقية جبل عمان الدوار الأول
ليه سوق ؟ بسيطة الكل بنادي اول ما تفوت على الشارع بتسمع , تصديق جواز سفر شهادة ميلاد , طوابع لو سمحت شوي شو معاملتك و الأحلى يلي بأشرلك من بعيد انه تجي لعندو و بس تجي لعندو بألك شو معاملتك , طبعا انسى انه تصوير الورقة ب عشرين قرش والطابع ابو الربع دينار بصير بنص بتحس حالك مهم ما بصفى كشك إلا بصرخك انه تعى لهون , و بتغزلو فيك و هي صورة حلوة متلك , شكرا , كيف بس مرتبة صح , اااه اي غير شكل حاسسها احلا من النسخة الأصل ايده تأمر, سلامت خيرك تسعين قرش , و رجع عشر قروش و مو من نفس طبعا نسحتين و طابعين ابو الربع ….و
و بتوقت على دور طويل بجي تبع
مي بادرة, عصير , شاي قهوة شــــباب , بارد سخن يا معلم , شـــــــــــــــباب مي باردة عصير طبيعي شاي سخن, دخان , شبــــــــــــــــــــاب
و بياع الكعك , كعك كعك , جبنه زعتر , ايوا معلم مع بندورة , لا الله يخليك سادة شطة ؟ اه لو سمحت , ملح ؟ لا معي ضغط , شاي بيبسي , خود والعالم ع متشتري و تاكل على الدور و تشرب و تدخن
و عجقة والناس عم تتخانق و البيع شغال , و ما بتتحرك إلا بنطلك واحد بسئل , هون التصديق؟ من وين جبت هي الورقة , طيب هون بسلمو الجوازات , لا حبيبي هون توزيع المؤن و كروت الجمعية , و الخبز الجهة التانية !!!!!!و
شو هاد والله اليوم مع انه كلن نص ساعة بس شي خيلة ,سبحان الله ارزاق , لك و هاد الأجدب ابو الصينية ما عرف يوقف فوق راسي و على صريخ
مي باردة عصير شباب , اي شو مشان معلم طرشتنا وقف بعيد, ليه يا خوي مطوبه بإسمك لخينا نعرف نترزق بدك مي؟
ويلي الله يعنيها جايبه كل ما ولدت من اطفال معها , واااع ماما عطشان , بدي افوت على الحمام , , الام اخرس ولا , اسكت , امسكي ايد اخوكي , ولك يا حيوان تعال هون وقت عند السور الله يلعن ابوك ,و
و الختيارية يلي , معلش يعني بدي اوقف كدامك عشان مريظ مش كادر , لك طيب ليـــــــــــــــــــه جاييي؟؟؟؟ الله يعين الناس اااخ
و لا الختيارة , يلي تركت كل الزلم و اجت لعندي , خالتي ممكت تكرالي هين شو بدهن!!! ااه حجه هدول وراك جوازات هون تصديق شهادات ميلاد
طيب وين اروح , هما كالولي هان , سئلتلها طلعت شغلتها على الشارع التاني , و شافت المبني بعيد وصارت تحكي مع حالها و و على ابو سعد , مين ايو سعد مابعرف بس يلي بعرفو انه اذا ادنه ما طنو بكون انطرش و يمكن ما كمل نهارو سالم
September 5th, 2007 at 1:37 am
LoooooooooL!!!
laykooon mfakeeerna mratabeeen zay ta3ooon amreeeecha? loool
September 5th, 2007 at 2:50 am
Dude , lak since you’re syrian , why do you have to go there ?
come to syria , you will get worse times buddy :P
September 5th, 2007 at 4:49 am
Maher
la wallah ma 5atar 3ala bali
GraYFoX
well, our “birth certificate ” is Jordanian documents ;) so we have to do it there ,
about Syria :D , man i went to do some there , and honestly i want to mention it that in Jordan over all this much better than there , at least here u might finish stuff in 30min , in Syria NEVER
September 5th, 2007 at 5:34 am
unfortunately thats an Arab problem, not just a Jordanian one
September 5th, 2007 at 9:18 am
looooooool mwaffa2…
u know some thing? you have a special talent in telling about life as it is… y3ni like ‘nabd el share3′…
you have a special talent in melting in life, mixing with people, feelingthem, and transferring the atmosphere as it is…
I guess you have to be a journalist!!
September 5th, 2007 at 10:25 am
طب خلّصت معاملتك بنفس اليوم؟ إذا آه احمد ربك وبوس إيدك وجه وقفا… كان ممكن تصير زبون محلّ عندهم وتصير صحبة إنت وتبع الكعك كعييييك..
September 5th, 2007 at 10:37 am
Ghasheema والله اليوم عم بحكي مع وحدة روسية عم تألي عنهم نفس المشكلة تقريبا , انه
Naryatu think so :D , thank u a lot for ur comment ;)
Adooshهاهاها حبيبي انا رحت اصدق شهادة ميلاد , لو بدي اعمل معاملة كان لقيت البوست اد هاد على تلت اربع مرات , بس يا زلة تبع الكعك مش واحد تلاته و كل واحد مستلم زاية , بعدين في كعك مدور وفي عادي مطاول , و ما برضو يبيعو نصاص
September 5th, 2007 at 11:42 am
يا أخي هذا كلو مقصود ومحبذ لتشجيع وتقوية وتوطيد أواصر العلاقة بين المواطنين وجعلهم يتكاتفون سوية ويتلاحمون ليتعارفوا ويشعر أحدهم مع الآخر ويستشعروا أجواء الألفة والمحبة والتعاون والأخاء
لكان شو
September 5th, 2007 at 12:21 pm
I don’t like to remeber what it is like to get “el hawwyeh” in Damas…that was a living hell experiance.
September 5th, 2007 at 1:00 pm
في الأردن كل شي بصير..
الناس بحاولوا يترزقوا بأي طريقة ووين ما كان
طبيعة الحياة بتفرض عليهم هيك
مع انه انا هون ما عمري شفت هالاشياء الا لمن رحت الاردن
بس طريقتهم بالحياة بسبب الضغوطات
واسلوبهم من الحياة اللي عايشينها
تعبيرك جدا جميل “سوق” :)
September 5th, 2007 at 2:18 pm
bakkouz
لأزم انحط بموقع اتخاذ قرار يا اخي افكارك , مشجعة و مبرر جدا جدا
Jumana
له له الله يسامحك , شو هلحكي مافي احلا منها , بالصيف , شوب, و عجئة , و البصمة , والدور يلي كأنو دوار , الطبيعه تبع الحبر , و تبع الإضبارة و الملف يلي طوله نص متر و سمكه شي عشرة سنتميتر ادور على اسم على امتداد
اااخ الها بوست كامل قريبا
nawrasbird
سبحان الله , الإنسان لما يكون محتاج و مسكرا بوجه بلاقي ميت طريقة ليطسب رزقه و يدبر حالو
September 5th, 2007 at 2:20 pm
والله كأنك وصفت فرع المرور بحلب لما كنت بدي طالع شهادة السواقة, قال نافذة واحدة, وشي خمس طوابير, وبياعين السوس والعصير والذي منه, ومسيرين المعاملات كمان…
والأحلى من هيك متل ما قلت, لما بنط واحد وبيئلك مرعوب, من وين جبت هل الورقة, انا ليش ما عندي ياها
الغريب إنو بكل هل العجأة واللخبطة بتلاقي الموظفين عرفانين تماماً وين الوراق وكيف يزبطوها, فعلاً شي عجبة…
هلأ تأكدت إنو الأردن بلد عربي متلو متل سوريا, متلو متل مصر…يعيش الشعب يعيش.
September 5th, 2007 at 3:01 pm
الختيارية يلي , معلش يعني بدي اوقف كدامك عشان مريظ مش كادر , لك طيب ليـــــــــــــــــــه جاييي؟؟؟؟ الله يعين الناس اااخ و لا الختيارة , يلي تركت كل الزلم و اجت لعندي
عنجد فرطط من الضحك لوووووووووووووووول
زكرتني بإربد ب هاللهجة , يييييييي لا تسأل عنا بإربد كال وكلنا ,هيوتها هناك, كديش زر البنضورة اليوم, آني رايح ,
September 5th, 2007 at 7:11 pm
bs ma a7sanak ya3ni, hay haik enkataboolak 7asanat 3l mosa3adat.. o 3ala fekra awwal ma qara2t 3nwan el post fakkarto, soo2 (mn esa2a) hada haik eshare3 ya3ni,, keef el mo3amaleh ta3et-hum. i guess enha ghair shekel:)
September 5th, 2007 at 11:19 pm
علوش
اي طبعا شي عجبة اخي العرب دائما غير شكل
orangee
اربدة حلوته بتربته , هاظ يلي طلع بيدتش , و لويش هاظ الحتشي
ta2e3
اي طبعا غير شكل , بعدين مو على منيح ولا لأ بس بهيك موقف صعب انه ما تساعدي و خاصة انه ادامي دور طويل , ف الت بضيع وقت ,
بس معاملتهم سريعة احسن من الشام , بشام بتطلع عينتيني و بدي كزا يوم
September 6th, 2007 at 8:31 am
ana 3aref ya mwaffa2 ween ma trro7 kalbeh 7esbeh… blshare3 7esbeh, w sook el7′odar 7esbeh, w 7atta 3nd el27wal elmadaneih 7esbeh….
w la tensa kaman eza 3′le6et w 3abeet el6alab 3endo bsla7′ jeldak sale7′, 3 aw 2 dinar bs 3shan yoktob km kelmeh…. allah y3een elnas….
September 6th, 2007 at 11:42 am
يا حلوته اربدته
