وفاة و ذكرى
كمان مرة اجاني تلفون انه , عم صهرك توفى , و في اربد احمل حالك و تعال على الدفن , و فعلا كنت بإربد وقت الصلاة وطلعنا على المقبر ة و دفنا الرجال, و ارجعنا على الجمعية , و تغدينا منسف و دعيت لرجال من البي بعد النسف كان منصف صح يعني 7/10 و راجعت على عمان العصر
الشعور يلي بجيني كل ما اطلع على دفن حدا غريب جدا جدا , يعني مو يوم ما دفنت ستي الله يرحمها و كانت اول انسان متوفي بشوفه عن قرب او بلأحرى عن قرب اكتير , لهلا هداك اليوم ببال من وقت ما رن التلفون على 4.30 الفجر و حملنا حالنا انا ماما وانزلنا على الشام , و فتنا كان الوضع مكركب اكتير , وانا و ماما غسلنها و كفناها طبعا لأنه ستي كانت صحتها منيحة اكتير ف كان صعب انه يحركوها منيح , ف كان لازمهم مساعدة و طبع كفنتها انا و امي , و طلعنا على لمقبرة مقبرة الدحداح بدمشق و نزلت بالقبر و نزلتها لستي , و من هديك اللحظة اكتير شغلات اختلفت عندي , كانت خبرة فريدة من نوعها اذا بدي اكتب هداك اليوم بتفصيل رحيكون اكتير طويل لأنه لسا ببالي متل ما هوة كانو مبارح
كنت جوا القبر و مدخلو ضيق وعلى فكرة القبرو بلشام غير عن عمان المهم نزلنها و ركزتها و سكرنا القبر و مشي الحال ضلت 3 ايام و انا اعصابي باردة جدا , و ولاحتى دمعة بعيني , مع انه كانت الها معزة بقلبي خياليه و كانت تحبني اكتير و عنجد البي زعل عليها , بس ما كنت بموقف بسمح انه كون ضعيف في , اغلبهم نسوان و الكل فارط و ستي كانو محبينها اكتار ف ما كان الموضوع سهل وكان لازم يكون في حدا ماسك الوضع و راكز و صحيان مزبوط
طبعا بس ارجعت على عمان , دخلت غرفتي و بتزكر اني بكيت اكتير عليها ,
منبعدها بجد كل نظرتي للموت و الحكي هاد كلو صار مختلف , الميت يلي ناس بتخاف منو عبارة اعن انسان نايم , يعني اذا اله ميت كم ساعة لحد نهار بضل جسمه شوي طري و كانه شخص نايم بس ما عم بحس بالمرة , بس على يلي شفتهم يلي منيح و عامل خير بحياتو بكون ما بخوف هيك مألوف و هادي عادي , بس يلي عامل والعياذ بالله ميت قصة ابل ما يموت فعلا لما تطلع عليه و هوة ميت بكش بدك بتحس انه الله يعينه
و بنصح اي شخص بتجي فرصة انه يشوف انسان ميت , يفضل انه يشوفه لأنه جد بتغير مفهومك للموت وبترك فيك شي ,
و على فكرة الحزن على الميت عندي بجي من باب فقدانه انه ماعدنا انشوفه ابدا , و يلي بزعل بحكي ليه مات و تركني , بإدر احكي له انه خلص عمره و هيك الله كاتب , والله يرحمه و يغفر له ماألك غير الدعاة الو
تنبيه صغير , اياك انك تدعي بشي وانته مالك مدرك معناته او مقدر ثمن الدعوة لأنه والله مو مزحة يلي بفكر انه اوحد بألو بدعي عليك شغلة سهلة
ستي الله يرحمها كانت دائما تألي :” لك روح يا موفأ ان شاء الله بتأبرني و تكفني يا ستي “ء من باب المدح و الحب
وفعلا هاد يلي صار و ربنا استجاب لدعوتها و كفنتها و ابرتها بإيدي
August 10th, 2007 at 8:00 pm
Rahmet alah 3alihum.
August 10th, 2007 at 10:35 pm
allah yer7amhom o yer7am jamee3 amwatna..
August 11th, 2007 at 12:44 am
Allah Yer7amon
El ba2y be 7ayatak shreek :)
August 11th, 2007 at 8:33 am
فعلا اللي بتيجيه فرصه انه يحضر دفن ، يحضره
لانه حتى نظرته للحياة كلها بتختلف
وبحس الانسان انه الدنيا عبارة عن رحلة قصيرة جدا
الله يرحمهم اجمعين
August 11th, 2007 at 10:04 am
Sorry for your lose
August 11th, 2007 at 10:29 am
جمدت الدم بعروقي, فعلاً كلنا رح ياكلنا هل الدود بالأخير, وهل الدنيا قصيرة كتير, الله يوفقنا يا رب, وانشاء الله ما نتعذب…إن لله وإن إليه راجعون
August 11th, 2007 at 10:33 am
الله يرحمهم جميعاً…
فعلاً تجربة المواجهة مع الموت عن قرب صعبة… و مختلفة… وبتغير أشياء كتير في الانسان…
أنا لحد هاي اللحظة بحياتي ما شفت ميّت… بس بتذكّر منيح وصف بنت خالتي لمّا توفّى ابوها… لمّا جابوه بعد التغسيل و التكفين لحتّلا ييجي وقت الجنازة، فاتت لعندو و باست جبينو… و طلعت و هي بتبكي… و قالتلي: بابا جسمو بارد!
الله يرحمهم جميعاً و يثبتنا…
August 11th, 2007 at 11:20 am
صابتني قشعريرة وأنا بقرأ….جد أنا أغبطك لإنو صحلك تفوت قبر وتشوف وتحس قديش الموت إلو رهبه وقريب منا بس لا حياة لمن تنادي ,صدق الرسول (صلى الله عليه وسلم) لما قال : وكفى بالموت واعظا
وفعلا حسن الخاتمة أو سوء الخاتمة بتبين عالميت,
في شريط كتير حلو أنا شخصيا حبيتو كتير إسمه : وقفات مع مغسل أموات لواحد إسمه البتاوي فيو قصص عجيبة صارت معو وهو بغسل الأموات….
هاي دعوة ستك الله يرحمها ربنا إستجابيلها إياها سبحان الله وفعلا الواحد لا يدعي على أي حدا حتى لو بالمزح لإنو ربنا بستجيب لو كانت هديك اللحظة أبواب السما مفتوحة ولحظة من لحظات الإستجابة
August 11th, 2007 at 11:35 am
wow…great post! yesterday while sitting here i was listening to the friday khotba and he was talking about 3lamet alakhera on people and how u can see if someone is going to jenna or nar by looking at their dead faces…now i know what he meant…wow…any yeh u are sad because that person is no longer with us…but death is the only sure thing in life
August 11th, 2007 at 2:11 pm
والله الموت مصيبة
بس هاي سنة الحياة. الكل راح يموت
وهاي مشكلتنا احنا البشر انو مش مستوعبين انو أولا وآخرا الكل راح يموت الخخوات والأخوات والأب والأم والأصدقاء والمشكلة الأكبر من هيك انو ممكن بأي لحظة الواحد يفطس. يعني احنا كان في شب بشتغل معنا في الشركة كان مرة قاعد في الشقة مع تنين صحابو يعني سهرانين ومبسوطين وكزا، فراح صحابوا التنين قامو عالمطبخ مشان يساوو عشا وكزا، واحد منهم ركي ابريق الشاي عالنار ورجع عالغرفة لقا صاحبو ميت. هيك بلا احم ولا دستور. وهاي قصة حقيقية.
بس الواحد منا مش مستوعب هالأشي ما بفكر انو في أي لحظة ممكن يموت حتى لو كان شب وصحتو عال العال
اما بالنسبة لدفن الميت فهاي التجربة انا مريت فيها مع خالي الوحيد وستي اللي هية ام امي وبصراحة انا مش قادر اتصور المرة التالتة اللي الله أعلم مع مين راح تكون
August 11th, 2007 at 10:26 pm
alla yer7moo …