طبعا هاد من احد الأماكن يلي لازم روح عليها كل ما انزل على الشام , و طبعا حمام الشعبي قديم اكتير اكتير يعني في بعض الحمامات عمرن شي 950-1000 سنة يعني واحد بناه نور الدين زنكي يلي بمنطقة البزورية بدمشق القديمة ورا سوق الحميدية وفي واحد على زمن الملك الظاهر
المهم حمام السق شغلة , يعني تقسيمه و ترتيبه هلا عم يعملو متلو بالوقت الحالي , كيف؟
اقسامه الحمام : براني , وسطاني , جواني يعني ما بلتفح الواحد و مقسم متل ما تأولو على حسب الحرارة و على مراحل
طبعا الحيطان كلها زخارف و من طين و مادة الكلسو السقف واطي شوي و كل طاقات “فتحات ” زجاجية مدورة بتفوت الضو للحمام
هلا
البراني : بتعرفو حمام الهنا تبع غوار الطوشة ؟؟
البراني اول ما انفوت المنطقة العالية شوي , بغير الواحد لباسه فيها و بلبس المناشف و القبقاب طرق طرق طرق طرق ههههه ,
ولما نخلص من الحمام منعد بالبراني , كمان مع كاسة زهورات يا عييييني
ا الوسطاني , هو مكان دافي شوي مو اكتير , و عادة بكون لتكييس والمساج , و في دوارت مياه و غرفة غيار كمان
الجواني , بكون في اوعية “جرن ” رخامية مشان المي و بخار و دافىىىى غير شكل يعني ستيم إلا شوي , و في بخاااار اكتير و سوانا كمان هي طبعا تعديلات على الحمام
الخطوات:
أولا : بتسلم على صاحب الحمام و بتفضي جيبك بالامانات , و بتطلع تعد بالبراني بجي المعلم , و بناولك مناشف خفيفية جدا على خصرك
ثانيا: بتزل الدرجات الكبار و بتلبس القبقاب
ثالثا: بتفوت على الوسطاني و بتقرر شو بدك تعمل يعني بدك تكييس مساج بتاخد الليفة و الصابونة طبعا يا صابونة غار يا اما متل ما عطاني صابونة قاا هههه
رابعا: بتفوت على الجواني دغري و يا عيني البخار و الجو , بتتمركز قرب جرن مي و بتبلس سكب مي على حالك في مي باردة و سخنة و بتستخدم الطاسة هههه يلي ما بيعرف شو هي عبارة عن زبدية استانلس او ستان لستيل افضل تشبيه
خامسا : بتنقع حالك مزبوط وحتى يتشتش جسمك
سادسا: بتطلع على الوسطاني عند عمو المكيس
سابعا : ببلش التكييس وهي عبارة عن عملية تلييف للجسم بس بكيس خاص مصنوع من شعر الماعز في منو ناعم و في خشن و و ببلس جرد جرد بجسمك ليطلع فتايل الجلد الميت و بتس حالك من النار ينتهي التكييس بليفة بالصابون
ثامنا : بتفوت على الجواني مشان تغسل جسمك و حالك وتتليف كمان اذا بدك و للعب بالمي و ترش يلي معك بمي باااااردة او سخنة وتاكل كم مسبة
تاسعا: اذا بدك مساج عند عمو المساجاتي يلي بيعملك مساج بيطلع من عيونك
عاشرا : اذا بتحب تاخد شور مي باردة احححححححححححححح بتأول ولييي اااح
حادي عشر: بتغير المناشف المبلولة لناشفة و بتطلع للبراني و طرق طرق رطق
ثاني عشر: بترد بتغير مرة تانية المناشف بس هلمرة غير بلسبك مناشف اسمك على خصرك كتافك , و بلف على راسك وحدة كمان , و بتعد و بحط وحدة على رجليك فوق التانية , و بطلب تشرب شي سخن او بارد
و حمام الهنا بس ما تنسو شي و انتو طالعين
و كلها على بعضها الشغلة ما بتكلف 10 دولار اذا بدك تعمل كل شي متل الحمام التركي يلي هون بعمان بدك تفع على الأقل 40 دولار ههههههه
waaaaaaaaaaaaaaaaaaaaal
kol had 7ammam!
tab3an elwa7ed betla3 men el7ammam na7fan, mu? :-p
yeah kol had
bs u know al wa7ed betl3 belma3 o Fresh men al 2aaaaaa5er
ذكرتني بحمام السوق تحت القلعة مرة رحت عليه أنا ورفقاتي…المشكلة إنو أنا ما كنت متوقع عمو المكيس خشن كتير…وعنا هون بحلب…عيب تطلب تكييس ناعم…شو ناعم ما ناعم…عيب..
المهم يا سيدي قعد هذا المكيس وبلش برفيقي…والتاني بلش فيني…وأنا من تاني صواب حسيت جلدي طلع من محلو…بدي قلو وقف…بس خجلت…شنو رفيقي ما قال آه…
وهيكخلصنا ودخلنا على الجواني وكل واحد فينا صاير منظرو أحمر على أبيض…
بس الصراحة..حمام السوق ولا أروع…
وسورية هي الوحيدة يلي محافظة على حماماتها من فوق (حلب) ومن تحت ( الشام) من هديك الأيام لهلأ..ومرة قريت إنو الشامية بنو نفس الحمامات بالأندلس وكانت كل مدينة لا يقل فيها عدد الحمامات عن 15 بينما الأوروبين ما كانوا بيعرفوا شو يعني حمام….
سبحان المغير الأحوال
ياي شي كتير حلو .. انا بحب شكل الحمامات السورية .. عندهم في كتير اشياء تاريخية حلوة .. نايس كتير وحلو ورخيص … بس انا ما بظن لو في منهم بعمان اني بروح .. ما اتوقع .. بس يالله حظك انك قردت رحت ..
nice. This is precisely what I like about Syria, the old fragrance of the good times back in the bright history.
loooool
ahamma shi el aaaaa7777777 taba3 el coolwater :D
thanks dude for the manual , but i’m not really into their massages, byebta7ooook 3al ard w bebalesh elda3ek
bara2
=====
شو ناطر قوم عملك زيارة لعنا…شي حلو ورخيص..طبعاً الرخص ليس من انخفاض جودة الخدمة…لأ أبداً إنما من انخفاض القوة الشرائية للعملة السورية أولاً وانخفاض سعر العمالة السورية ثانياً…
فهيك رح تلاقي نفس البضاعة يلي بالأردن عنا ياها بسوريا أرخص بـ 3 مرات…طبعاً هذا الشي محسوس فقط لدى غير السوريين الذين يملكون عملة أقوى من العملة السورية…يعني مثلاً الأردني رح يشوف البضاعة كتير رخيصة عنا..بينما التركي ما رح يشعر إنو البضايع السورية رخيصة إنما رح يشوفها كتير غالية…
تخفيض قوة العملة الشرائية أو عدم اعادة تقييمها هو سياسة تهدف إلى رفع قيمة الصادرات ووقف نزيف الأموال…وسعر العملة السورية اليوم لا يعبر عن قوتها الشرائية..لأن الخمسين ليرة السورية تشتري أكثر بكثير ما يشتريه الدولار الأمريكي..وهذا ما يعبر عنه بالقوة الشرائية المكافئة…أي أن قيمة المنفعة لصندويشة الشاورما السورية هي اكبر من قيمة منفعة صندويشة الشاورما الأردنية مع إن الصندويشة الأردنية أغلى بكتير…ولكن هذا الغلاء ناتج عن تضخم ديون الأردن وزيادة ميزانية العجز أي أنه سعر صوري.
هاها…هذا من محاضراتي يلي عم أدرسها للفحص…ادعولي
علوشة
وااااااااااااااااااااااااااااااااااااااااااااااااااااااااو
بهرتيني ماشاء الله عليكي .. مشاء الله
ولا اشي .. شكلك بتدرسي اتقتصاد وفعندك امتحان شرحتيلي اياه؟؟
لوووووووول
الحكي الي حكيتي كتير حلو ومتزن عنجد .. يعني مبين انك فهمانة بالعملات .. انا الي بفهمو انو الدينار وربع بجيب وجبة شورما زاكية .. وكل شي لبطني بحسبو وبعرف قيمة الفلس وقت الاكل كتير .. لووووووووول جميل ..
بشكرك على التوضيح وما تتخيلي اديش نفسي ازور سوريا بس الوقت والظروف صعبة حاليا لكن انشاء الله لقدام لازم ..
علوشة:
انا اسفة كتير انا فتت على موقعك واكتشفت انك شب مو بنت واخيبتاه .. الصراحة عقلي الصغير بالحجم الكبير بالمفعول قرر انو علوشة هو دلع عالية او عليا فطبعا على هالاساس كتبت كل شي مؤنث فإنت بعينك الله اقرء كل شي مذكر وانا بعطيك علاوة على كل سطر ..
سوري عنجد ما كان قصدي
شكرا كتير الك ;-)
عملت تعليق قبل شوي, بس كأني فصل النت, قلت أعملو مرة تانية…
Bara2
________
عادي ولا يهمك, أنا كمان فكرتك شب…على كل الدينار وربع بيساو تقريباً 90 ليرة سورية
وأفخم صندويشة شاورما سعرها هون بحلب 40 ليرة سورية, مدعومة دعم نظامي…
هيك يعني صندويشة الشاورما بالأردن سعرها ضعفين تقريباً…
ولييييييي, أنا والله إذا رحت على الأردن معناتها بدي جيب أكلي معي — عادة حلبية قديمة ^_^ — لأنو والله ما آكل صندويشة شاورما بـ 90 ليرة, والله لغص وما أقدر أبلع اللقمة… :mrgreen:
_____________
صحيح, براء إذا حاولت أدخل على مدونتك, بس الظاهر عنا بسوريا كلشي على بلوغ سبوت محجوب…
سياسة الحجب بسوريا ما عم أفهمها, يعني لو بدهن يحجبوا المدونات فليش ما يحجبوا كل الأنظمة…في النهاية استنتجت إنو الظاهر بيسعوا في الحجب لتحويل الزبائن السوريين لمواقع تانية, متل وقت حجبوا الهوتميل والياهو, فصارو السوريين يستعملوا مكتوب, وفهمكم كفاية.
سلام ^_^
Wen el Rula 5anom te2ra hal 7aki.. wa3detni men zaman ta5odni ma5sos 3shan el 7ammam had.. kter nefsi..
:(
علوشة:
لوووووووووووووووووووول … سندويشة الشاورما بكم؟؟ لوووووووووووول كتير منيح … الاكل عندكم رخيص .. هادا احلى شي باكل وبشبع ازا اجيت لعندكم ..
والله بلوجي محجوب؟؟؟ حرام عليهم شو عملتلهم انا؟؟ انا بريئة ولا شي في البلوج .. كلو هبل بهبل .. اني وي بسيطة انشاء الله بنكسبك بمرات اخرى ..
علوشة
فعلا الحمام راائع , و شكرا على المعلومات , و عادي عميل شات مو مشكلة :) و بالنسبة للحجب , الموضوع مو بس فائدة اله قصة طويلة و الأفضل ما احكي فيها هلا ,
ههههه جرب موقع
http://www.inblogs.net
بيفتح البلوج سبوت
Bara2
الحضارة تاركه اثرها بسوريا , بعمان مافي هيك شي , بالمرة
و له له هيك خربطي بالرجال ؟؟ ما لك حأ يا براء ههههههههههههه
Abed Hamdan
yeah , its amazing :)
GraYFoX
wallah ya dude , kel wa7ed o 2lo taryy2a ana ma bata7oni !!! sho mashn yad3akook ?? LoooOL
life
OH , malha 7a2 she must take u there u will had much fun :)
wow!
2adeh 2li 3am 2oul i wanna go there next time i’m in damascus and walla marra kanet tezbout ma3i :(
bas khalas inshallah this summer i’ll make sure find sometime and go :)
wallah sheklo ishi 7elo, ana 7akooli kteer 3an il 7ammam be 3amman o kol marra ba7ki beddo aroo7 ashoof shol essa o ma baroo7
لك وينك، نسيت تخبرنا انو في وقت للنسوان ووقت للرجال، وفي كمان حمامات للنسوان وغيرها للرجال، بقا يا ريت تعمل معروف وتخبرنا التفاصيل حتى ننزل عالحمام دغري
علوشة، ما بنصحك تيجي على عمّان، والله الاكل غالي ويا ريت طيب، يعني شاورما الضيعة والكرم على اساس احسن محلات، بس شتّان ما بين شاورما الشام وهي الشاورما، وقيس بقا على كل شي تاني
yeee bede :yai:
Oriental Arabesque
:)
wish u luck o tezbot ma3ek this time
Lammoush
be 3amman ?? weean?
Rula
hmmm yeah i guess same nafes al 7amam fee time men o other lady ..
well check and back to u ;)
JooD
tayp , bs tenzali 3ala Damas u can go :P
ٌQabbani
________
شكراً كتير , يا زلمة صرلي أكتر من شهر عم دور على هيك شي…
بالنسبة لموضوع الحجب, أنا نفسي اتصلت معهن, تخيل اتصلت مع مؤسسة الاتصالات, قلتلهم, يا أخي شلون بتحجبوا بلوغ سبوت على الدايل آب, وما بتحجبوها على الدي اس ال…قلي ما بيصير, نحن حاجبينهن على الاتنين…
والواقع هو إنو الحجب فقط على الدايل آب, ومفتوح على الدي اس ال, ونظريتي هي بدهن يسربوا الزبائن لعندهم…أما موضوع إنو يحجبوا منشان السياسة, أعتقد إنهم أدركوا لا طائل منو, لأنو الشعب السوري كلو صار هاكر من بعد حجبوا الهوتميل سنتين (على الحسبة منشان نشترك بالبريد المحلي) بس أكيد بتعرف وقتها شو صار, صرنا محترفين اختراق….
;-)
Rula
________
يا رولا…أنا صبي….أنــــــــــــــــــــــــــا صبي…ذكر يعني…بالمشرمحي شب أذعر…
شو قصتكن بالأردن…كني بتسموا علياء وعالية كتير…علوشة اسم دلع من علي…
طل الصبح يا علوش !!!
حرام عليكن…رح تساولي عقدة نفسية
;(
….
إيه بالنسبة لسؤالك, نحن عنا بحلب حمامات خاصة فقط بالنسوان, موجودة من عصر المماليك, وحمامات خاصة بالرجال, وطبعاً أيام زمان ما كان عندهم مي سخنة, وكان كتير شغلة غالية إنو تسخني مي وتتحممي فيها, فلذلك, صار في حمامات السوق, طبعاً في منهم إلهم يوم محدد للرجال أو يوم محدد للنساء, أو حمامات خاصة فقط بالنسوان….
بالنسبة للشام ما بعرف…بس خدي نظرة على هل المقال إذا عند وقت
http://www.daralhayat.com/society/10-2003/20031010-11p19-01.txt/story.html
سلام
مان, مافيني, بدي أشكرك على هذا الموقع يلي عطيتني ياه, والله صرلي أكتر من شهر عم حاول أدخل على كذا مدونة من بلوغسبوت, وما عم أقدر…
Thankssssssssssss alot, you made one little man, happy today.. ;-) :mrgreen:
اصلا انا ابن خالتك ولما رحنا عالحمام نسيت نضاراتي الشمسيه هنيك وسافرت حضرتي وعلى اساس تجبلي ياهن .. وانت سحبتا طناااااااااااااااااااااااااش
حلو منظري هيك بلا نضارات شميه يعني؟؟ بيهون عليك بابن خالتك ؟؟؟
لك علوشة، والله بعرف انك شب، وحتى كتبتلك على انك شب، اقرا مرة تانية تعليقي وشوف كيف كاتبتلك، بعدين انا سورية دمشقية وانتمائي لدمشق اكبر من اي حدا بالعالم
Allah yestor lamma roo7, loooooooool 3al fadaye7 elli betseer soori ma3 tes3a falastiniyyeh!!!
3od ellon lazem yetzallato LOL!
KJs last blog post..Old and True