MQabbani, Minds Talk

هلا بعد ما شفت يلي شفتو , النا نحنا جايين ننبسط , طنش يا ولد و فرفش ولا ادقق..

رحنا على الشلال , طبعا الحلو انو ما في حدا بنوب الساعة لسة 8.30 و ما حدا اجا , رحنا على الشلال و ياعين اعدنا تحتو و مي سخنة و شي فاخر على الأخر ..

طلعت على المغارة الصغيرة يلي فوق كلها بخار و المي اسخن , و بما انو انا عندي مشكلة بل الثيروستات بجسمي , يعني بحب الجو البارد , و المي الباردة لشرب فقط , و بحب المي السخة اكتير و بتحملها منيح , طلعت و فتت لجوا الو شو المي سنخة اكتير انتبه و انا شو ابضاي ما سئلت و حطيت رجلي بالمي , و ياعين يا ليل انو مي انسلقو رجلي و صارو مو وردي لا لا أحمر بمعنى الكلمة , و صرت متل الملدوع امشي نأوزة , المهم ضلينا هيك بالمي , و بعدين النا نروح على الشلال الصغير نجربو , و فعلا وصلت لهنيك , ومافي الدومري , عم انشوف المي اووه والله اسخن من هديك و احلى طبعا كنت انا واحد بس “عماد ” عم اطلع على للوحة مكتوب عليها احذر الإنزلاق و تحتها ويت فلور , انه شو دخل ويت فلور اي كل ماعين ويت فلور , طيب ليه مو سليد فلور … عادي

وانا واقف على الحفة من فوق و هوباااا هويت منطولي على ضهري و نحيت بسرعة للأمام بإتجاه البركة يلي تحتها على الحجار بس انو مدندل لسة ما وقعت لأنه عماد مسني بأخر لحظة , بس شوووو خيالي

بتعرفو لما الواحد بشوف البرق بعينو ايه انا شفتو , برق بين عيوني , و سمعت عصي اتحرك من مكانو , الحمد لله لطف ربي و مسكت عماد , ولا كنت ادحكلت صح , وانا خلص كنت جاهز لتلقي الأرض بإدي , مشي الحال , وبما انه جسمي سخن من المي ما حسيت بشي بنوب انه عادي وجع خفيف , يعني باعربي مخدر , وانه موفأ فيك شي ؟ اكيد , لا لا عادي , .. طبعا عماد هون وبس اذا كنت لحالي ما كان حدا انتبه بنوب ولا حس , ليه لأنه مافي رقابة ولا اي شي… مشي الموضوع والعبنا و انبسطنا ,

و طلعنا على المتنزه يا عييين على المتنزه شي فرجة , كل شي بدك ياه بتلاقي على الأرض , اكل , ببسي جرايد , علبه بلاستك فحم , لك معسل كل شي على الأرض , فطرنا من يلي بالباص مو يلي على الأرض و اعدنا شوي وانا شو بلشت شوف الدنيا الوانو حس بوجع ضهري ,

صحيح , اجو وفد اجانب طبعا بتحسو انه الصبايا متل المغناطيس وين ما بروحو وراهم امم , لك انا شفت 4 حراس بس مدري شلون صار 8 , و عالم وين ما راحو الصبايا وارهم , …

خلصنا و ضبينا حالنا و بالباص و بالسيارة و تحركنا , طبعا انا تسطحت بالباص و كلشي تمام , وبلشت الأوجاع على الخفيف , الت عادي طبيعي مونايم طول اليل , بتصير … وصلت على البيت , ضبيت غراضي و نمت على 3.30 العصر , هييييك لل 4.00 الفجر امت شوي على النت , بعدين هييييك لل 11.30 الضهر , بس فقت , ياعين يا ليل ضهري ما عم حس في او بالأحرى الوجع عم يطلع من فقرة لفقرة وصل لنص ضهري, و كتفي في رضة , و زند ايدي كمان , و رجلي شوي, يعني متل ما تحكي , ماعين تركت اثر واضح و محسوس في , طبعا ما قدرت اتحرك مزبوط طول يوم السبت حركة عادية بس مؤلمه ..

يوم الأحد احسن و اليوم التنين افضل بكتير …

الحأ علي طبعا , بس كمان حضرتن مو منضفين الأرض مزبوط او مخشنينها يعني بيعرفو انه بيئة مناسبة للطحالب و توابعها , يعطو شوية انتباه لهيك شي …

This entry was posted on Monday, April 2nd, 2007 at 11:03 pm and is filed under Days, Jordan, Personal, tourism. You can follow any responses to this entry through the RSS 2.0 feed. You can leave a response, or trackback from your own site.