MQabbani, Minds Talk

هلا انا بحب يلي بهتمو بأمر يدينهم و بحبو يعبرو و ينشرو شغلات و توعية بس الفكرة انه في حدا بوثق ؟ يعني بدور انه فعلا هاد الحكي ,مزبوط , او الرواية مزبوطة ؟؟

يعني لما تبعت ميل لألف واحد و خمسين جروب يلي عم تبعتو مزبوط او عمرك فكرت انك اتشوف هاد الحديث صحيح , او الأية مزبوط و هيك تفسيرها , أو انه عنجد هاد الدعاء لهيك شي او الخ

يعني شطارة انك تغير العنوان و تعجق الواحد يعني بجيك ايميل من واحد صاحبك عنوانة ,

very important

please read it all ,

wait ur reply ASAP

ما رح اتصدق

ضروري جدا جدا انتظر الرد

بتفتح الميل , بألك قول وراي والله العظيم لقراء الأيميل وابعتو ل أبصر كم واحد ؟؟؟؟؟؟ اي شو مشان ؟؟ و امانة برأبتك , و بتمرض بتموت و مدري شو بصير لك اذا ما بعتو لعشرين واحد يعني شو ولد صغير ادامك , و بذكرك انك حلفت اول الإيميل , و ما بتاخد وئت و و و … ز

يعني اترك كل شي بإيدي مشان ابعت ايميلات حضرتك جنابك باعتلي ياهن وانا مابعرف شو هنن  , طبعا لو ايميل بالنهار امر الله شغل دعاء او ذكر ماشي , بس انه يجيك فوق ال 10 ايميلات كل على نفسس الديباحة و خود بأا

لك حتى تغير العنوان بطريقة تجبرك تفتحو , والله لو بشتغلو بشركات تسويق ما بطلع معن هيك , لك مو غلط بس الغلط انه الزايد اخو الناقص , يعني انا كنت اقرا واحد منن باليوم هلا عم يجيني 10 12 صرت ديليت بدون ما عزب حالي و افتحن
و لايقول امانة و لا شي , واذا تخنا على السريع بعملو بلوك بعدين لما تالن هاد ايميل شخصي , خدو هاد بعتو عليه الفورورد وهالحكي ,
بجي واحد ظريف لك يابر ألبي بصير يبعت للتنين …. لك المشكلة يلي فوء هاد انه كل ما تشوف إن بوكس بتلاقي عندك 15 ايميل , 10 فورورد 5 حكي فاضي و أيميل واحد بإلك بعتلي لينك لتنزيل برنامج مدري شو

يعني بلحفك يمين , و بإلك امانة و لازم تبعتو ل 20 واحد , واذا واحد ما عندو 20 واحد يبعتلن ؟؟ شو يعمل بحالو ,

مشان هيك انا ريحت حالي كل شي اسمة فورورد بروح على فولدر و كل واحد غليظ هاريني ايميلات متل هيك عاملو فولدر بروح الأيميل عليه دغري و ما بنزل على الإن بوكس يعني على الأقل بضل ال إن بكوس لشي يمكن مهم مو فورورد و جروب

بعدين الوصايا يلي بتجي , و اطبع وانشر و قد رائ و هي تلفونه اتصلو و تأكدو , يعني هاد الإيميل عم يوصلني من شي 7 سنين و نفس الحكي, و بعدين يا حماعة يا جماعة والله لو مايكروسوفت بدها تعمل المسنجر بمصاري كانت انطبلت الدنيا فيها كل شهر بجي اللإيميل لحق حالك هوت ميل رح اتصير بمصاري اخر السنة والن شي 4-5 سنين على نفس الموال … اووووف

و بعدين بزعلو اذا عرفو انه علمتو بلوك … ما بعرف ليه احيانا بس انه عنجد في ناس فاضية و مالها عرفانه شو تعمل و تأرئ العالم بحركات مالها طعمة

بعني لوفتحت ايميل من هدول وانا معصب مثلا و وسبيتو و سبيت يلي بالإيميل, بتحمل وزري(زنبي) شي؟؟ يعني بدل ما يكسب حسنات طلعلو العكس ..