خرابيشي
-
“ملاحظة مهمة: كلامي ليس على وجه التعميم و هو رأي شخصي , مبني على قناعة وتحليل شخصي ”
يعني و الله شغلة بتقهر , هون بالإردن .. يعني و الله بحب هل البلد و بعتبر حالي من اهلها , ولدت وعشت كل حياتي فيها .. ولما انزل على الشام اعدة فترة بشتاق للبلد هون …
المهم يلي بتدايقني و فعلا بجنني انه الغالب متشائم و مالو مرتاح ولا مبسوط ولا عندو حس الرضا لا من قريب و لا من بعيد , يعني ماشي الأسعار عم تغلى و الحياة عم تصير اصعب على اساس انه كانت سهلة من قبل, هيك الدنيا و كلو ماشي…ز ما حدا عم يموت من الجوع او ينام بالشارع يلي بده يشبع بدينار بشبع و يلي بده ولا 50 دينار بتشبعو ..
لك المصيبة وين ما رحت, نادر ما تلاقي حاد مبسوط عم يضحك او متفائل , كلو الب خلقتو و مو عاجبو شي, لا يلي عم يشتغل ولا يلي قاعد و كلو بإلك البلد مافيها شغل و و … شو هاد لك حتى شوفير التكسي بتطلع معو بإلك والله العالم و الغلا و و , و ما عم توفي معنا , يوه طيب كيف الناس عايشة ؟ من وين عم تصرف؟ ليش محدا نايم بالشارع ؟ ليه ما عم نسمع بمجاعة
محدا عاجبو و الكل معصب , لا يلي بياخد 1000 دينار بالشهر مبسوط ولا يلي بياخد 200 , كلو بإلك هي عيشة هي حياة .,.. , طيب شو بدك تعمل بدك اتعيش هيك الحياة عمرها ما كانت سهلة , لك المصيبة انه لا يلي معو مبسوط ولا يلي ما معو و منتوف مبسوط …
لك دخيل الله , لئمتى بدنا انضل ان قارن ,
فلان بضحك : طبعا يا عمي مرتاح شو وراه ابوه عنده و عنده و مو لازمه شي
فلان اشتغل بشركة محترمة (ان كانت بجدارتو او غيرها ): محظوظ , او واسطة , ويلي ماله حظ لا يتعب ولا يشقى وين نحنا وين هو منضل نقارن حالنا , ونحكي فلان بشو احسن مني ,و ليش و ليش وهاد انا وياه كنا بالمدرسة اضربو و اخد سندويشته وهلا صار عنده شركة ليش بشو كان احسن مني
وغيرو جبت بالتوجيهي 90% و هوة 75% و شتغل وانا لسة
وكمان نفس الشركة قدمت انا وياه عليها , قبلو و رفضوني مع اني اكثر خبرة …
طيب شو عليه فرحولو هني خلي صدرك رحب اتقبل تاقلم , حط هدف بحياتك وامشي عليه , ضلك اسعى لا تيأس ولا اتوقف , ما رح يجي يوم و ينزل اعلان بشوارع
سوف يتم توقيف الحياه 72 ساعة لتقومو بتنظيم اموركم و تلحقوا تمشو مع الحياة و تطورتها
ههههه حتى لو وقفت شهر , ما رح يتغير شي
لك والله اذا كل الناس بس زادة ايمنها بالله شوي التزمت بعبادة و دعوةلله , و لله ربك ليسر كل شي …و ما بينسى حدا
بتلاقي لا بصلي , ولا بيعرف شي اسمه دين لا من قريب ولا من بعيد بنوب لك لسا لوة بئطش صلى منيح مو مشكلة معو معو بصير بس انه هيك . لا عقيدة لك ولاشي بالمرة شو ماكان دينو اسمه شي بغذي جانب الروحي في , و بإلك ليش هيك الدنيا و ليش هيك نحنا والوضع صعب …… وفوق كل هاد بيعترض على حياتو وبإلك : ابيصر ليش هيكم الله عم يعمل في
طبعا كيف بدك تضحك و تبتسم اذا وين ما رحت العالم عم تشتكي و سلبية , اخي والله في منو الحكي وما عم احكي لأنه كل شي ممتاز و مريح بس شي ومنو , ضغط نفسي بالشغل , و بتجي بتشوف العالم لك بس تطلع بوجوهن بزيودك هم و ضغط , بتطلع بالمواصلات على اكل هوا اكتر, بتروح على البيت لازمك ميت شغلة ..
يعني بخلوك تعيش بجو سلبي غصب عنك , واذا مشيت بالسوق عم تبتسم , بجي واحد يخزي العين حلو و حوليه و بإلك : في اشي ليش بتضحك …. لعمى حتى الشغلة صار لازم ايكون بدها سبب و محدا عاجبو , والله يا خوفي بكرا ينزل فيها قانون
في شغلات صغيرة , الواحد اذا انتبه لها , بتساعدو اكتير
خلي حياتك الها هدف , هدف واقعي منطقي و يمكن تحقيقه
خلي أيمانك بالله اقوى , شولن دبر حالك , انا زبط حالي اول بعدن بحكي
ابتسم و لو انك مو مبسوط , معلشي اضحك على حالك شوي ما بتخسر شي
تفائل , واحكي الحمد لله لو كنت عفوا يعني على هلا كلمة حتى لو على خاوزق
بلا ما تنبش على السلبي , لا تنكش خلص , شفت شغلة احكي عن ايجبياتها بعدين سلبياتها ..
وبلا ما تقنع حالك انه ما رح تتادر تتغير اوالتغير مستحيل وتألبها مأساءة انه هاد مستقبلي وهي عيشتي و حياتي ئهئهئهئئه تألبها مئساة , كل شي ممكن و مافي شي مستحيل , نابليون بإلك
المستحيل موجود فقط في قاموس الحمقى
Napoleon Bonaparte :” Impossible is a word to be found only in the dictionary of fools”
على العموم , كلنا و بما فيهن انا بحاجة لإعادة نظر بكل شي منعملو و حتى منفكر في , نضل نراجع حالنا كل فترة و فترة , نتعلم من اخطائنا و اخطاء غيرنا , و منفكر بعقل و منطق يلي هوة نعمه من عند الله
يمكن ما بختلف عن اكتير من الناس , بس الحمد لله طول عمري بمشي وبعمل جهدي اني كون غير , نمي مهارتي الشخصية و افهم يلي حولي اكتر واتعامل معهم بأنسب طريقة بإدر عليها .. المشكلة انه نيئس او نوقف او نستسلم ..
كل واحد اله ظروفه وهوة ادرى فيها , كلامي هون مو تعميم , بس هاد من واقع حياتي اليومية , و الحمد لله بلاقي ايجابيين اكيتر و ناس فعلا بفتخر اني بعرفهم و بحترم تفكيرهم و طريقة تعاملهم مع الأمور … وكل واحد بيعرف وين الغلط بيحاتو او بشو مقصر او شو لازم يعمل , فحال افترضنا انك مالك كسول , عندك عزيمة و حابب تتغير
اكيد في ناس ما بتهتم اذا كل الناس حولهم كانو سلبين و متشائمين , ايه الله يهنيهم : ) اما انا والله بتفرق معي اكتير بتحمل بسمع بنصح و بساعد و ما بقصر بش كل شي أله حدود , و أ صعب شي انك اتكون عنيد بسلبيتك و تقنع حالك انه هدا واقعك و تعيشه , سعتها انا ما دخلني تصتفل منك لحالك ,
شخصيا بحب لاقي ناس جنبي يساعدوني بتفائلهم و ابتسامتهم , تفهمهم و احترامهم , للأمور الحياة و فهمها ….
طولت عليكم و ما تواخذونا بس حكي براسي وبده طلعو….
February 2nd, 2007 at 5:32 pm
Qabbani..this is one of the few times that i have been to your blog. i like this post, it tells a lot about whats going on in Jordan and i think you can apply it to all the arab world, except in jordan people are too serious and too uptight about the economic situation…life is hard…and what you have pointed in your post is great tips for others to go back to faith and just be focused and try their best to accept what God has provided!
February 2nd, 2007 at 5:42 pm
Good post,thank you.
February 2nd, 2007 at 5:44 pm
I second summer..
this is one true true post..
it’s all in the head..having the positive attitude that makes u see a brighter chance every time there is a sun rise..
we all go through hard times..and we all have our share of burdons..but it’s how we’d shake the trouble away and live a new smile..fully..from the heart..
thanks for sharing ur thoughts with us..it was really nice :)
February 2nd, 2007 at 7:01 pm
ايوا….. هيك الحكي لك قبّاني …. تضرب شو انّك حوبة بالانجليزي و مهضوم لهلوبة بالعربي! لك مشان خاطري يا حبيبي … خلّيك هيك … بتكسّر الدينا
February 2nd, 2007 at 7:13 pm
I have had been having ;-)
but has not was not to have has
:)
February 2nd, 2007 at 7:28 pm
Summer : Thank you for pass : )
hamede: welcome to my place
Rasha: thanks for pass ,
Qwaider قويدر:
well i must have to tell u that am thanks for ur nice comment ;) and i will dose keep post in ENGLISH till you say its OK english am try to enrich and FIX it as i can so plz handle me :) >>> raf3et da3′tak or not :P
Husam: u make ur self clear DUDE .. :P
February 2nd, 2007 at 9:46 pm
I checked your blog, and just got this e mail, so I thought of using it as a comment here;)
1- بحرنا ميت ….
2- وادينا … وادي اليابس
3- خليجنا … عقبه
4- رمزنا سوسنة سوداء ..
5- مطربنا المفضل … متعب السقار ….. اسمه متعب من الله
6- من اسماءنا الاصيله( متعب ، مهاوش ، زعل ، حرب ، )
7- مرات بندلع اولادنا ( يا غضيب)
8- اربع مرات بسنه وحده فقعتنا الحكومة رفع أسعار المحروقات … حتى القداحه ام الشلن صارت بربع ليره
طبيعي انه نكشر ….
9- أكبر نسبة مدخنين بالشرق الاوسط عنا .. الولد من يخش اول عدادي بيبلش تعفيط …
مين بالدنيا كلها بيدخن ملوخيه الا بالاردن ….
10- مصطلح ” الشرر بقدح من عيوني ” شائع في الاردن فقط .
11- اول مزحه بنعلمها لاولادنا ” هسا بضربك بوكس بطيارة الفكس .. وفي بعض الروايات الغريبه عالقدس
12- ” اطلع من راسي لا أقطعه ” ول ول ول … بدهاش تعليق هاي
13- التار ولا العار يا هريدي …. آسف هاي مش عنا .. لودت شوي
14- لما نفرح ….. بنطخ … الناس بتولع شمع … بتغني … بترقص … احنا بنطخ ” لعلع البارود لعلع ”
15- من اشهر اغانينا الشعبيه ( اظرب اظرب لا تظرب يا رمان .. كسرت الخيزرانه مالك زعلان ) …
بلشناها بظرب وختمناها بظرب
16- من اغانينا ايضا … يا ويل لاللي نحاربه … بالسيف نقطع شاربه … ” يا لطيف الطف ”
17- حتى طبختنا …. مقلوبه
February 2nd, 2007 at 10:27 pm
موفق
بتعرف المثل
القناعة كنز لا يغنى
على قد ما علمونا اياه بالمدارس و سمعنا بطلنا نحس له معنى
بس لو وقفت شوي و تمعنت بتشوف انه سبب تعاسة اي انسان هو عدم الرضا والقناعة
دايما عينة على اللي عند غيرو
و طول ما هوة هيك ما عمرة بحس بالسعادة و بضل يتذمر على طول
هلا غلا السعار و الفقر بينكدو عالناس يتلاقيهم مهمومين بس و كل واحد ساف اللي اقل منه حظا بعرف قيمة اللي عنده
اللي ساكن بشقة بدو فيلا و اللي ساكن بفيلا بدو قصر و اللي معه كوري بدو ياباني و اللي معه ياباني بدو الماني
سيارات يعني
ما في قناعة..كلة عينة فاضية عشان هيك ما حدا مبسوط
ف متل ما بقول المثل كمان
Count your blessings..thats what i always do.
February 2nd, 2007 at 10:30 pm
أكتفي بقول الله سبحانه وتعالى:( ألا بذكر الله تطمئن الفلوب ) صدق الله العظيم , القناعة و الإطمئنان النفسي بذكر الله دائما والتسليم بأن كل اشي مكتوب و نصيبك حيصيبك زي ما بقولو بخليك مبسوط حتى لو كان عندك خبزه وجبنة , هي الصحابة منهم ما كان عنده قوت يومه و كانو مبسوطين حتى الإسلام حثنا على الإبتسام بقول الرسول صلى الله عليه وسلم :( تبسمك في وجه أخيك صدقه) . بس المشكلة عنا إنو شاطرين بالحكى بنطبق من الإسلام اللي بدنا إياه وبنترك اللي بدناش إياه, لو كان الناس بطبقو الإسلام وييييييييين حياتنا كان بتكون غييييييييييير
a question :i wonder, i am logged in ,why i should write my name and e-mail,and not posting my comment as orangee…..
February 3rd, 2007 at 9:00 am
Original post!!
I agree with Q. aslo the natural accent in this post is very fantastic and so close to reader,
في ناس متشائمة متل ما قلت و اللي بيجي من بره بنتبه على هدي الاشيا اكتر من أهل البلد لأنه إحنا تعودنا و صار هيك شي عادي
يعني في ناس متفائلة بس عدد قليل انشالله يكتروا مع الايام:)فش بعد الشعب المصري ضحكته ما بتفارقه و عسل قوي:)
February 3rd, 2007 at 10:37 am
Good post and AMEN to that!
February 3rd, 2007 at 12:55 pm
Qwaider قويدر
: تصحيح لبعض مصطلحاتك مشان تعرف تستخدمهن مرة تانية
, حوبة : تستخدم للأجدب يلي ما بيعر يعمل شي , عمل make
لهلوبة : تستخدم للمدح او وصف الحركة , يعني الحرك أكشن نشيط , و التنتين ما لهن دخل بالكتابة
بعدين يا استاز قويدر عربي ولا انجليزي هي حسب الموووود …. و صلتني وجه نظرك كذا مرة و مو بس انته و على كل في بوست مخصوص لهشغلة : )
nido: weclome in my palce , and thank u for share the mail , even am not totally agree with it …..
mala2e6: yeah ,it’s 100% ture
orangee:
كلامك مزبوط , وبضيف حتى لو ما كان في شي اسمه اسلام اصلا , او دين معين شو ما كان في عقل و منطق بحث الإنسان على انه ايضل متفائل و يطلع لقدام , والدليل الحضرات القديمة حمورابي و افلاطون و غيرو كلهن عملو شغلات اكتير و فهمو الحياة اكتر و تعاملو معها
:) شكرا على المرور
,
redrose: :) thanks for pass , and yallah weeen ro7na al Shwam ??? baz3l ba3deen :P
salam: :) gald u like it :)
February 3rd, 2007 at 1:07 pm
اول شي بما انك شامي بدك تسمحلي اكتبلك بالشامي لأنو نص رفقاتي شوام و لما كون معهن بحب احكي متلن، لأنو لساني اعوج و بعرف احكي كل اللهجات :-)
أنا معك والله يا موفق! و بظن انو كلنا فهمانين الحكي يلي كتبتو،بس للأسف مافي حدا عم يمشي على هالحكي! :-s
يعني كتير قلال يلي شفتن بيضحكوا حتى لو مو مبسوطين! يمكن بس واحد! و الغريب انو البقايا بكونوا عرفانين انو يلي عم يحكوه بطر! قال شو؟ قبل ما يحكي بقلك: هو أكيد مصيبتي (و حطولي خط تحت مصيبتي) بتضل أهون من مصيبة غيري، بس و الله ما عاد قدرت اتحمل… و بتبلش ديباجة الشكاوي!
يا جماعة ابتسموا… ابتسموا مشان الله…
و هي ابتسامة مني: :-)
February 3rd, 2007 at 1:20 pm
Naryat:
الموضوع مش موضوع ابتسام , الموضوع راحة البال مو اكتر ولا اقل , لا يبستمو ولا يضحكو و لا يعملو شي , بس يتفائلو بالخير , و يعملو جهدن ..
بعدين وين الشامي بيلي كتبتي:P ,
February 3rd, 2007 at 4:13 pm
و شلون بدو يكون بالك مرتاح و كل يلي حوليك مكشرين؟
مزبوط انو العيشة صعبة، و نحن متعودين دايماً نعيش حياتنا مقهورين و معصبين و نفسيتنا مو مرتاحة، بس لو بالاول ضحكنا ضحكة كزبية، معك معك منتعود… و بتسير ضحكتنا حقيقية و من القلب… و كل واحد فينا بيبتسم بسهل الشغل على يلي بعدو!
و بعدين كل يلي كتبتلك ياه شامي! حاجة بقى موفق… اقراه بالشامي لح تحسو شامي و ما لح تلاقي في شي واحد غلط!
لكان يا عمي…
انا تعلمت الشامي على ايدين بيت الشربجي و بيت عبّود…
;-)
February 3rd, 2007 at 5:25 pm
ولي شو هاد مش كمان بتعرفي تحكي مصري و كمان شامي.بس عنجد ضحكتيني naryat لك
February 3rd, 2007 at 9:01 pm
ya3ni sara7a ya Qabbani hada el post tp7feh fanneyeh, jad…
awal sho o metel ma el kol 3alla2 el accent el shami 3atag ta3meh ‘3ear shekel :)
tani shi el post kteer lazeez, ya3ni ya 5oofi yseero ydaf3ook floos lama ted7ak LOOOOOOOL :D
thank you for the nice post.. I really enjoyed it
February 4th, 2007 at 10:15 am
looooooool @ nido
walla post ta7sheesh and u r totaly right bas shoo nsawee allah heek 5ala2naa elmohem welcome to Jordan :D
February 4th, 2007 at 11:13 am
Naryat:
اها هيك قولتك يعني , طيب رح ارجع اقرأة مرة تانية P: ,
بيت الشربجي !! مين يلي بجبل عمان ,الجاردنز , جهة سيفوي السابع , ام اذينة , في قريب من دوار المدينة , … مين منهم ,
بيت عبود للأسف , مابعرفهم , ولا بعرف اذا شوام !!
ORANGEE
شايفة شايفة , هي خيانة ,
Maioush:
thanks for pass , :)glad u enjoy it , bs meshan te3rafi 2ni b7ki sahmi o Fala7i too :P
SimSim
we can do alot , : ) thanks for pass
February 6th, 2007 at 10:31 pm
m3ak 7a2 bkol 2li ktbto, y3ni keef bdna nd7ak w nkon mbsoteen iza kol 2li 7wlana mkt2been w mdi2een,
but i will always smile inshallah :) .
February 11th, 2007 at 5:16 pm
Sorry for being late :)
Ha jd enta madgho6 min elnas ya ebny :-)
June 3rd, 2008 at 7:57 pm
Allah ye7fathak M, inshallah dayman mabsoot :)
KJs last blog post..KJ’s Weird Metabolism
June 4th, 2008 at 10:02 am
[...] The Trademark LookPeople change. You would be lying to yourself if you say you haven’t changed. Yes stem character is there, but don’t kid yourself: You’re different every day.Then comes along an experience that changes you drastically, or inertly in a profound manner. A near death experience, a movie, a book, eating chocolate for the first time, soiling yourself at the age of 23, etc.Then there are people who you meet and you just sit and do nothing but listen. You’d love to sit with them longer, pick their brains, know their lives, hear their experiences, and listen to what they have to say.One of those times where you don’t talk like you are used to but instead just keep listening with an open mind and have several bulbus abraini lighting up in your head.And sometimes the location helps too.This is how it was when I met Monsieur Qabbani. Our first meeting was next to the cemetery. First thing in the morning.LOL!So while the dead watched, him and I greeted and we walked away towards Qassa3 area, whose end is the beginning of old Damascus and is my favorite spot in the city. He had such a warm and inviting smile it was a simple matter of getting over with the formal first greeting to feel like I have known him for years even though I only got to know his blog recently.We sat in a cafe called Steed upon my recommendation, but the service was terrible that morning despite us sitting next to the entrance (and something was wrong with the drinks I think). Next time we meet we’d stay in the cemetery and have some matteh LOL! Otherwise the scenery was perfect - great weather, lovely breeze, the cars, the women, the women, the women, and the smell of petrol.What a romantic first date :DI was trying to shoot the hot woman behind him but he was large enough to fill all focus points on my cam LOOOOLSo the conversations began. We talked about many things - starting from common grounds like work and blogging all the way up to how human beings think and the greater purpose in life.His enthusiasm and positive attitude on life is rejuvenating and I was absolutely happy to finally meet someone who loves life (even if it is in a different way). The past few months have been horrible for me and I tried my best to keep my smile. His energy was contagious and it was just exactly what I needed.And then the imbecile started looking at his watch O_oAnd I wanted to shoot him (>0-0)>||+== -> ^(O__________O)”">So I opened other topics for him to elaborate on LOL to prolong the experience! Sounds like a first date right?But by that point I was drunk with words he was probably talking about lollipops and it seemed like they were the solution to all universal problems.The best thing about the meeting was that we were both natural although I myself kept Moogle on an extremely tight leash, which meant less sarcasm and a more serious face hehe.It is imperative you have a chat with Qabbani, period! Allah eyhanneeh and his soon to be Mrs. Bless them both!The next guy I am dying to meet is the one and only Abu Fares, followed by Hani Obaid and Qwaider!!! So yalla Q come here sometime - and Hani, I am planning to visit Jordan probably this autumn so stay tuned!Now I end the post by giving you one of my fav articles Qabbani wrote. [...]
July 23rd, 2008 at 12:09 am
تحية طيبة في البداية اشكرك على اشتياقك الدائم للوطن الذي به نعتز ونفخر ثانيا ومثل ما بنحكي في الاردن حطيتي ايدك على الوجع وشكرا على هذا الموضوع والله لا يحرمنا من خرابيشك
خالد خريشا عمان الاردن